⚡️Samsung sun’iy intellektli muzlatgichni namoyish etdi

U ichidagi mahsulotlardan nimalar tayyorlash mumkinligini yozib beradi. Muzlatgich faqat sizning diyetangizga mos keladigan taomlarni ham taklif qilishi mumkin, diyetadagilar uchun juda qulay.

Old panelda esa 32 dyuymli ulkan sensorli ekran bor — YouTube'da videolar ko’rish uchun ayni muddao! Qurilma narxini hali aytishmadi, batafsil ma’lumot yaqinda beriladi.

📟 DigiTech

🚘 Xiaomi SU7 bir tugmani bosish orqali ko’p qavatli avtoturargohda bo’sh joyni o’zi topib joylasha oladi.

Shu bilan birga, u hatto yaqinlashib kelayotgan boshqa mashinalarga yo’l beradi! Avtomobil unga o’rnatilgan ko’plab kamera va sensorlarga tayanib harakatlanadi.

Qizig’i shundaki, mashinada hali haqiqiy avtopilot mavjud emas. Kompaniya uni keyinroq o’rnatishni va’da qilmoqda, shundan so’ng SU7 shahar bo’ylab haydovchisiz harakatlana oladi.

📟 DigiTech

👨‍🎓 Tadqiqot: Z avlodni borgan sari oliy ta’limga qiziqishi kamayib bormoqda. Ularning 46% universitetda o’qish vaqt va pulga arzimaydi, deb hisoblashadi.

Ular uchun kredit olib, bir necha yil o’qishdan ko’ra kurslarda qatnashish va pul ishlash foydaliroq. 18-24 yoshdagilarning faqatgina 39 foizi oliy ta’limda o’qishni xohlaydi.

Top kompaniyalar yangi xodimlarni ishga olayotganda ularning diplomiga emas bilimiga qarashadi.

Sizni fikringiz qanday?

🤓 — diplom kerak
👨‍💻 — diplom kerak emas, kurslarda o’qiyman

📟 DigiTech

🧙 Miniatyuradagi Hogwarts zali: AQSh'lik rassom Hogwarts'ning ulkan zalini miniatyura modelini yasashga 1 yil vaqti ketdi.

Balandligi 90 sm va eni 60 sm bo’lgan maket yog’och, plastmassa va loydan yasalgan bo’lib, 3D printerda chiqarilgan stollar, yangi yil archasi, oshxona buyumlari, shamlar va taomlarni o’z ichiga oladi.

📟 DigiTech

⌚️ Apple Watch soati Delaver shtati talabasini uglerod oksidi bilan zaharlanishdan qutqardi. Nosoz isitgichdan sizib chiqqan uglerod oksidi miqdori ko’p bo’lgani uchun qiz hushini yo’qotgan.

U hushidan ketishdan oldin, soatidagi “Favqulodda qo’ng’iroq — SOS” funksiyasidan foydalangan holda qutqaruvchilarni chaqirishga ulgurgan.

📟 DigiTech

⚡️ElevenLabs'ning kuchli raqobatchisi paydo bo’ldi — OpenVoice neyron tarmog’i har qanday ovozni bir necha soniyada klonlay oladi.

Klonlangan ovozda his-tuyg’ularni, pauzalarni va intonatsiyani sozlashingiz mumkin.

Dasturlashni biroz tushunsangiz Github'da kodi mavjud, o’zingizga o’rnatib olishingiz mumkin.

👉 Demo versiyasini sinab ko’rish uchun havola.

📟 DigiTech

🎮 34 yilda birinchi bor Nintendo NES konsolida Tetris o’yinini oxiriga yetishdi va buni 13 yoshli bola amalga oshirdi. Shuningdek, u 38 daqiqa davom etgan o’yinda daraja va ballar bo’yicha jahon rekordini ham o’rnatdi.

Bundan oldin o’yinni yakunlashga faqat sun’iy intellekt muvaffaq bo’lgan.

📟 DigiTech

🛰️ SpaceX kompaniyasi to’g’ridan-to’g’ri smartfondan antenna yoki routersiz ulanish mumkin bo’lgan birinchi Starlink sun’iy yo‘ldoshlarini orbitaga chiqardi.

Ular yordamida Ilon Mask uyali aloqa tarmog’i mavjud bo’lmagan joylarni aloqa bilan ta’minlamoqchi. Hozircha tezlik past — taxminan 2-4 Mbit/s.

Joriy yilda sun’iy yo’ldoshlar orqali faqat xabar almashish mumkin bo’ladi, qo’ng’iroqlar va internet esa 2025-yilda ishga tushiriladi.

📟 DigiTech

📲 Samsung Galaxy AI tizerini chiqardi. Kompaniya o’zining birinchi sun’iy intellektli smartfonini 17-yanvarda namoyish etadi.

Mish-mishlarga ko’ra, Galaxy S24 liniyasi generativ sun’iy intellekt, galereyadagi rasmlar muharriri, qo’ng’iroqlarni real vaqtda tarjima qilish va boshqa SI funksiyalariga ega bo’ladi.

📟 DigiTech

🧠 Tadqiqot: Uyqu paytida xushbo’y hidlar ta’sirida miya faoliyati 226 foizga yaxshilanadi.

Ma’lum bo’lishicha, hid hissi va nevrologik funksiyalar o’rtasida kuchli bog’liqlik bor.

Tadqiqot shuni isbotladiki, atirgul, apelsin, evkalipt, yalpiz va lavanda aromatik moylarining hidi xotira va qaror qabul qilish bilan bog’liq kognitiv funksiyalarni olti oyda 226 foizga yaxshilaydi.

Uyqudan oldin atrofga xushbo’y hidli oddiy atir sepib uxlash ham demensiya kasalliklari rivojlanishini sekinlashtirishi mumkin.

📟 DigiTech

🤖 Stenford talabalari 32 000 dollarlik oddiy materiallardan foydalanib universal yordamchi robotni yig’ishdi.

Unga uy ishlarini o’rgatish uchun maxsus masofadan boshqarish pultini olib, robotga buni qanday qilishni ko’rsatishdi. Ishlarni qanday bajarish atigi 50 marta takroran ko’rsatilganidan so’ng, unga o’rnatilgan neyron tarmoq barcha harakatlarni yodlab olib bemalol takrorlay oldi.

Robot tom ma’noda hamma narsani qila oladi: ovqat pishiradi, kir yuvish mashinasini ishga tushiradi, uyni tozalaydi va boshqalar (bunday robotingiz bo’lsa, xotin nimaga kerak deb yuborasiz).

Agar juda qiziqib ketgan bo’lsangiz, bu erinmagan tabalar robotni yig’ish bo’yicha hatto qo’llanma ham tuzishgan.

📟 DigiTech