⚡️Uill Smit "Men afsonaman" filmining davomi ustida ish boshlanganini e’lon qildi

Saudiya Arabistonining Jidda shahrida bo’lib o’tgan xalqaro kinofestivalda Smit allaqachon ssenariyni olganini va tez orada Maykl B. Jordan bilan telefonda suhbatlashishi va u bilan filmni hamkorlikda suratga olishini aytdi. Shuningdek Smit filmdagi o’z roliga qaytadi.

Syujet asl filmning alternativ yakuniga asoslangan bo’ladi, unda Smit o’ynagan qahramon omon qolgan. Ssenariy "The Last of Us" o’yinidan ilhomlanilgan.

Boshqa tafsilotlar hozircha sir saqlanmoqda.

📟 DigiTech

🥽 Rossiyada startap jarrohlar uchun rentgen ko’rish effektiga ega ko’zoynaklar ishlab chiqdi

“Skolkovo” rezidenti tibbiyot sohasidagi xodimlar uchun foydali bo’lgan noyob ishlanmani namoyish etdi. Uning yordamida jarrohlar rentgen ko’rish xususiyatiga ega bo’lgan yangi ko’zoynaklarda ishlay olishadi.

“Medjitan vijn” deb nomlangan jarrohlik uchun navigatsiya tizimi to’ldirilgan reallik (AR) texnologiyasidan foydalanadi. Startapga ushbu ko’zoynakni ishlab chiqish uchun taxminan 30 million rubl kerak bo’ldi, qurilma sotuvlari kelgusi yildan boshlanadi.

Ishlab chiquvchilarning fikriga ko’ra, noyob ko’zoynaklar MRT yoki KT ma’lumotlariga asoslanib, bemorning ichki tuzilishining gologrammasini yaratadi va uni ko’zoynakga yetkazib beradi, so’ng tasvirni bemorning tanasi bilan aniq bog’laydi. Bu texnologiya shifokorlarga bemorni nafaqat yuzaki, balki "ichkaridan" ham kuzatish imkoniyatini beradi.

📟 DigiTech

✍️ Rassom qanday qilib KREA neyrotarmog’ida eskizlarni real vaqt rejimida rasmga aylantirish mumkinligini ko’rsatdi. Avvallari bunday rasm chizish uchun soatlab vaqt ketardi, hozir neyrotarmoqlar yordamida buni 10 daqiqada qilish mumkin.

Eng muhimi istagan odam bu neyrotarmoqni bepul sinab ko’rishi mumkin.

👉 Sinab ko’rish uchun havola.

📟 DigiTech

⚡️Meta, IBM, Intel, NASA, Stability AI va boshqalar xavfsiz sun’iy intellektlar uchun birlashishdi.

AI Alliance butun dunyodan 50 dan ortiq kompaniya, tadqiqot institutlari va universitetlarni o’z ichiga oladi. Umumiy maqsad ochiq, xavfsiz, mas’uliyatli sun’iy intellekt yaratish. Nimalar qilish rejalashtirilgan:

— Ochiq SI modellari ekotizimini ilgari surish.
— Mas’uliyatli SI'ni ishlab chiqish uchun baholash tizimlarini ishga tushirish.
— SI yaratish uchun apparat texnologiyalarni rivojlantirish.
— Ochiq kodli SI ishlab chiquvchilarini rag’batlantirish.

Bu ro’yxatda Microsoft va OpenAI-ni ko’rmayapmiz: ular taklif qilinmaganmi yoki o’zlari xohlashmayaptimi?

📟 DigiTech

⚡️Hacksmith Industries YouTube kanali mualliflari o’z garajlarida ko'z bilan boshqariladigan, yelkada turuvchi lazerlarni yasashdi.

Barcha simlar ryukzakga yashirilgan, ko’zlash tizimi esa ko’zoynakga o’rnatilgan. Bu lazer metallni kesa olmaydiku, lekin havo shari va rezinani be’malol teshadi.

📟 DigiTech

⚡️Google kutilmaganda o’zining yangi Gemini sun’iy intellektni chiqardi — bu matn, audio, video va tasvirlar bilan ishlay oladigan multimodal neyron tarmoqdir. Uning uchta versiyasi mavjud bo’ladi:

• Nano — oddiy vazifalar uchun mo’ljallangan, uni allaqachon Pixel 8 Pro smartfonida sinab ko’rish mumkin.

• Pro — murakkab vazifalar uchun mo’ljallangan versiyasi, bugundan boshlab Bard chatbotida ishlaydi.

• Ultra — eng ilg’or model, keyingi yildan ishga tushiriladi. Model MMLU testlarida 90% natija ko’rsatdi, bu GPT-4V ko’rsatgan natijadan ham yaxshiroq.

Yaqin oylarda Gemini kompaniyaning boshqa mahsulotlariga ham integratsiya qilinadi: qidiruv, reklama, Chrome brauzeri va boshqalar.

U nimalarga qodirligini videoda ko’rishingiz mumkin.

📟 DigiTech

🏭 Kun videosi: Minglab xitoylik ishchilar bir kunlik ishdan keyin kemasozlik zavodini tark etishmoqda.

Uning hududi shunchalik kattaki, hatto bir kichik bo’limi ichida yurish uchun uzoq vaqt kerak bo’ladi: u yerda burg’ulash platformalari, shamol turbinalarini o’rnatish uchun kemalar va tankerlar ishlab chiqariladi.

📟 DigiTech

💻 Taqdimotlar tayyorlab beruvchi neyrotarmoq

• Gamma AI - matnli tavsif yordamida taqdimot tayyorlab beradi, hatto o’zi dizayn tanlab, rasm va videolar bilan ham boyitib beroladi. Unga GPT-4 ham ulangan. Bepul chegaralangan versiyasi mavjud.

👉 Sinab ko’rish uchun havola.

📟 DigiTech

⚡️AQSh'da elektromobillarni simsiz zaryadlovchi birinchi yo’l ishga tushirildi

Michigan shtatining Detroyt shahrida elektr transport vositalarini simsiz quvvatlaydigan birinchi umumiy foydalanishdagi yo’l ishga tushirildi. U davlat organlari tomonidan Electreon kompaniyasi bilan birgalikda loyihalashtirilgan va foydalanishga topshirilgan.

Yo’l Electreon kompaniyasining qabul qilgichlari bilan jihozlangan elektromobillarni quvvatlantira oladi. U elektromobil harakatlanayotganda to’g’ridan-to’g’ri batareyaga energiya uzatadi.

Albatta, uning zaryadlash tezligi an’anaviy stantsiyalarga qaraganda ancha past, yo’lning uzunligi ham hozircha faqat 400 metrni tashkil etadi. Biroq keyingi yildan boshlab bunday yo’llar tarmog’ini butun Michigan shtati bo’ylab kengaytirish rejalashtirilgan.

Zo’r g’oya o’ylashibdi, yo’lda yuraverasiz, mashina zaryadlanaveradi.

📟 DigiTech