⚡️Agar sun’iy intellektga natija uchun to’lov taklif qilinsa, u so’rovga yaxshiroq javob beradi.

Qanchalik ko’p pul taklif qilinsa, neyron tarmoq shunchalik yaxshi harakat qiladi. Rasmdagi jadvalda javobdagi ma’lumotlar hajmi va «poralar» hajmi ko'rsatilgan.

Agar sun’iy intellekt maksimal to’g’ri va batafsil javob berishini istasangiz ushbu prompt (matnli so’rov)ni ishlatishingiz mumkin — I'm going to tip $200 for a perfect solution!

Odamzot o’z maqsadiga erishish uchun nimalarni o’ylab topmaydiya :)

📟 DigiTech

⚡️Xitoylik bloger baliq ovlash uchun mo’ljallangan, plastik quvurlar va faneradan qayiqqa o’xshash qurilma yasadi.

Natijada paydo bo’lgan qurilmada ham quruqlikda harakatlanish, ham g'ildiraklarga bog'langan taxtalar yordamida suvda suzish mumkin. Unda yomg’irdan saqlovchi quyosh panellaridan yasalgan tom mavjud, qarmoqqa baliq tushishini kutayotganda esa televizor ko’rish yoki uxlash mumkin.

📟 DigiTech

🤖 AQSh'lik olimlar inson hujayralaridan mikrorobotlar — «qutqaruvchilar»ni yaratishdi: ular shikastlangan hujayralarni tiklaydi.

Mikrorobotlar zararlangan neyronlarga qo’shilganida, hujayralar orasida aloqalar shakllanib ular o’sishni boshlaydi.

Tadqiqotchilar tanamizni nazorat qilib, kasal to’qimalarni qidiradigan va davolaydigan bio-robotlarni ishga tushirishga yaqinlashishmoqda.

📟 DigiTech

🛰️ Olimlarning fikricha, 2024-yil boshida quyoshdagi kuchli bo’ronlar Yerni bir necha hafta internetsiz qoldirishi mumkin.

Har 11 yilda Quyosh «quyosh maksimali» deb nomlanuvchi fazadan o'tadi, uning yuzasida qora dog’lar paydo bo’ladi. Bu dog’lar portlab kuchli energiya chiqaradi. Ushbu magnit bo’roni sun’iy yo’ldoshlarni ishdan chiqarishi va bizni aloqa va navigatsiyadan mahrum qilishi mumkin.

Yaxshi yangilik ham bor: Internet bo’lmasa-da, shimoliy yog’dulardan bahramand bo’lishingiz mumkin, ular quyoshdagi chaqnashlardan keyin paydo bo’ladi.

📟 DigiTech

🎸Kuzma nomli robo-gitara ixtiro qilindi, u har qanday musiqani 24/7 ijro eta oladi.

Ushbu qurilmani amerikalik muhandis Maykl Kuzma ixtiro qildi. Maxsus qurilma kompyuter dasturiga ulangan bo’lib, tanlangan musiqani ijro etadi. Uni har xil gitaralarga qotirish mumkin.

Ko’cha musiqachilari tez orada o’z ishini Kuzma'ga topshirishadi shekilli :)

📟 DigiTech

📲 Bloomberg: Microsoft iOS va iPadOS’da uchinchi tomon ilova do’konlaridan birini birinchi bo’lib ishga tushirishi mumkin.

Kompaniya allaqachon Apple qurilmalarida raqamli mobil o’yinlar do’konini ishga tushirishga tayyorligini ma’lum qilgan.

Sentyabr oyida Apple Yevropa Ittifoqining monopoliyaga qarshi kurashish organlari talabiga binoan uchinchi tomon kompaniyalariga iOS va iPadOS’da o’z ilovalar do’konlarini ochishga ruxsat berishi, shuningdek, App Store'ni chetlab o’tuvchi to’lov usullarini taqdim etishi kerak edi.

Apple 2024-yil 6-martgacha Yevropa Ittifoqi talablarini bajarishi kerak. Microsoft hali o’z do’konini ishga tushirish sanasini ochiqlamadi, ammo bu 2024-yilda bo’lishi kutilmoqda.

📟 DigiTech

⚡️Uill Smit "Men afsonaman" filmining davomi ustida ish boshlanganini e’lon qildi

Saudiya Arabistonining Jidda shahrida bo’lib o’tgan xalqaro kinofestivalda Smit allaqachon ssenariyni olganini va tez orada Maykl B. Jordan bilan telefonda suhbatlashishi va u bilan filmni hamkorlikda suratga olishini aytdi. Shuningdek Smit filmdagi o’z roliga qaytadi.

Syujet asl filmning alternativ yakuniga asoslangan bo’ladi, unda Smit o’ynagan qahramon omon qolgan. Ssenariy "The Last of Us" o’yinidan ilhomlanilgan.

Boshqa tafsilotlar hozircha sir saqlanmoqda.

📟 DigiTech

🥽 Rossiyada startap jarrohlar uchun rentgen ko’rish effektiga ega ko’zoynaklar ishlab chiqdi

“Skolkovo” rezidenti tibbiyot sohasidagi xodimlar uchun foydali bo’lgan noyob ishlanmani namoyish etdi. Uning yordamida jarrohlar rentgen ko’rish xususiyatiga ega bo’lgan yangi ko’zoynaklarda ishlay olishadi.

“Medjitan vijn” deb nomlangan jarrohlik uchun navigatsiya tizimi to’ldirilgan reallik (AR) texnologiyasidan foydalanadi. Startapga ushbu ko’zoynakni ishlab chiqish uchun taxminan 30 million rubl kerak bo’ldi, qurilma sotuvlari kelgusi yildan boshlanadi.

Ishlab chiquvchilarning fikriga ko’ra, noyob ko’zoynaklar MRT yoki KT ma’lumotlariga asoslanib, bemorning ichki tuzilishining gologrammasini yaratadi va uni ko’zoynakga yetkazib beradi, so’ng tasvirni bemorning tanasi bilan aniq bog’laydi. Bu texnologiya shifokorlarga bemorni nafaqat yuzaki, balki "ichkaridan" ham kuzatish imkoniyatini beradi.

📟 DigiTech

✍️ Rassom qanday qilib KREA neyrotarmog’ida eskizlarni real vaqt rejimida rasmga aylantirish mumkinligini ko’rsatdi. Avvallari bunday rasm chizish uchun soatlab vaqt ketardi, hozir neyrotarmoqlar yordamida buni 10 daqiqada qilish mumkin.

Eng muhimi istagan odam bu neyrotarmoqni bepul sinab ko’rishi mumkin.

👉 Sinab ko’rish uchun havola.

📟 DigiTech

⚡️Meta, IBM, Intel, NASA, Stability AI va boshqalar xavfsiz sun’iy intellektlar uchun birlashishdi.

AI Alliance butun dunyodan 50 dan ortiq kompaniya, tadqiqot institutlari va universitetlarni o’z ichiga oladi. Umumiy maqsad ochiq, xavfsiz, mas’uliyatli sun’iy intellekt yaratish. Nimalar qilish rejalashtirilgan:

— Ochiq SI modellari ekotizimini ilgari surish.
— Mas’uliyatli SI'ni ishlab chiqish uchun baholash tizimlarini ishga tushirish.
— SI yaratish uchun apparat texnologiyalarni rivojlantirish.
— Ochiq kodli SI ishlab chiquvchilarini rag’batlantirish.

Bu ro’yxatda Microsoft va OpenAI-ni ko’rmayapmiz: ular taklif qilinmaganmi yoki o’zlari xohlashmayaptimi?

📟 DigiTech

⚡️Hacksmith Industries YouTube kanali mualliflari o’z garajlarida ko'z bilan boshqariladigan, yelkada turuvchi lazerlarni yasashdi.

Barcha simlar ryukzakga yashirilgan, ko’zlash tizimi esa ko’zoynakga o’rnatilgan. Bu lazer metallni kesa olmaydiku, lekin havo shari va rezinani be’malol teshadi.

📟 DigiTech