🚘 Jeyms Bond'ning yangi avtomobili? Xitoyda sobiq Audi va Bentley dizaynerlari tomonidan ishlangan Zeekr 007 avtomobili namoyish etildi.

Bazaviy versiyasida 100 km/soat tezlikka 5,4 soniyada erishadi va bir zaryadda 688 km masofani bosib o’tadi, eng zo’r versiyasida esa ko’rsatkichlar 2,84 soniya va 870 km. Boshqa xususiyatlardan: panoramali tom, 12 ta kamera va 15,5 dyuymli ulkan monitor mavjud.

Narxi 32 000 dollardan boshlanadi.

📟 DigiTech

🎶 YouTube musiqa yaratish uchun ikkita yangi sun’iy intellekt vositasini namoyish etdi

Birinchisi: Dream Track deb ataladi. U yulduzlar ovozi bilan matnli tavsif asosida 30 soniyali qo’shiq yaratish imkonini beradi. Bir nechta mashhur qo’shiqchilar allaqachon Dream Track'ga o’z ovozlarini yozib berishgan, shu jumladan: Alek Benjamin, Charli Put, Demi Lovato, Sia, T-Pain va boshqalar.

Ikkinchisi: Music AI deb ataladi. Uning yordamida foydalanuvchi kuyni kuylashi va shu kuylagan ovozi qaysi musiqa asbobi ovoziga aylantirilishini tanlashi mumkin. Videoga qaraganda juda ham zo’r ishlaydi, qoil.

Bunday yaratilgan musiqalar SynthID kodi bilan shifrlanadi, uni inson qulog’i eshitmaydi. Bu sun’iy intellekt yaratgan musiqani haqiqiy odamnikidan ajratish uchun qilingan.

Hozircha yangi SI vositalari tanlangan blogerlar o’rtasida yopiq sinovdan o’tkazilmoqda. Ommaviy chiqarilish sanasi noma’lum.

📟 DigiTech

🛺 AQSh'da ham yo’llarda yura oladigan ham uchib keta oladigan tritsikl-transformer sinovdan o’tkazilmoqda.

Bu narsa yerda 200 km/soatgacha, havoda esa 322 km/soatgacha tezlasha oladi, to’liq yonilg’i baki 724 km masofaga yetadi. Yo’llarda oddiy haydovchilik guvohnomasi bilan haydash mumkin, lekin uchish uchun uchuvchilik litsenziyasi kerak bo’ladi.

Hozircha sotuvlar boshlanish sanasi haqida ma’lumot yo’q, lekin oldindan buyurtma berish mumkin. Narxi 170 000 dollardan boshlanadi.

📟 DigiTech

⚡️Saudiya Arabistonida Epicon nomli hashamatli dam olish maskani quriladi, u kelajak haqidagi filmlardagi fantaziyalarga o’xshaydi.

Sohilda suvga kirish imkoni bo’lgan kvartiralar va villalar bo’ladi, biroz uzoqroqda esa balandligi 275 va 225 metr bo’lgan ikkita minora quriladi, ikkovida ham hashamatli mehmonxona ochiladi.

U qurilishi allaqachon boshlangan ko’zgu osmono’par-shahar The Line yonida quriladi. Loyiha qurilish vaqti haqida hozircha ma’lumotlar yo’q.

📟 DigiTech

🎥 Runway o’zining neyrotarmoqlarini yangiladi va qo’shimcha funksiyalarni qo’shdi:

– GEN-2 yordamida endi istalgan rasmni animatsiyaga aylantirish mumkin, buning uchun rasmni kerakli joyini belgilash kifoya;

– GEN-2 neyrotarmog’iga har xil tayyor uslublar qo’shildi, endi avvalgiday uzun matnli so’rov yozish shart emas;

– Tasvir yaratuvchi neyrotarmoq endi haqiqiy fotograf tomonidan olingandek realistik rasmlar yaratadi.

Shuningdek yana ko’plab qo’shimcha funksiyalar qo’shilgan, eng muhimi istagan odam barchasini BEPUL sinab ko’rishi mumkin.

👉 Sinab ko’rish uchun havola.

Sinab ko’rib izohlarda natijalar bilan bo’lishishingiz mumkin, ro’yxatdan o’tishga erinmasangiz albatta :)

📟 DigiTech

🚘 Xitoyliklar kosmik kemaga o’xshash — dvigateli 1305 ot kuchiga ega HiPhi A elektr superkarini namoyish etishdi. U 100 km/soat tezlikka atigi 2,07 soniyada erishadi.

Ichki qismi lyuks uslubda ishlangan, yon o’ynalari o’rniga 4K kameralar o’rnatilgan, kuzov qisman uglerod tolasidan ishlangan, orqa eshiklari esa Rolls Royce kabi ochiladi.

Avtomobil faqat 2025 yilda sotuvga chiqariladi, shu sabab taxminiy narxni hozircha aytishmadi.

Brendning hatto hozirgi HiPhi Z avtomobili eng texnologik mashinalardan biri hisoblanadi. HiPhi A modelida qanday texnologiyalar bo’lishini esa tasavvur qilish qiyin.

📟 DigiTech