📲 Telegram ilovasi yangilandi, endi telegram kanal adminlari o’z obunachilariga Premium obunani sovg’a qilishlari mumkin, sovg’ani tasodifiy obunachi yutib oladi.

Natijalar haqqoniyligini Telegram'ning o’zi kafolatlaydi, shuning uchun endi avvalgiday yutuqli o’yinlar uchun alohida botlar kerak emas.

Obunani o’zi sotib olgan har bir Telegram Premium foydalanuvchi endi birdaniga to’rtta ovozga (boost) ega bo‘ladi – ularni bitta kanalga berishlari yoki bir nechtasiga taqsimlashlari mumkin. Lekin messenjer yana daraja uchun kerak ovozlar chegaralarini qayta ko’rib chiqdi, endi kanallar storislar joylay olishlari uchun avvalgidan 4 barobar ko’proq ovoz yig’ishlari kerak.

Kanalga ovoz (boost) berish: https://t.iss.one/DigiTechAI?boost

📟 DigiTech

⚡️Kecha tunda OpenAI kompaniyasining DevDay taqdimoti bo’lib o’tdi, dunyodagi eng kuchli sun’iy intellektning yangi versiyasi namoyish etildi:

— Yangi GPT-4 Turbo modeli taqdim etildi, u hamma narsada GPT-4 dan yaxshiroq va tezroq;

— Endi barcha ChatGPT modellari bitta chatda bo’ladi, neyron tarmoqning o’zi so’rovingizga qarab modelni tanlaydi;

— GPTs'lar namoyish etildi - ya’ni ma’lum bir vazifaga moslashtirilgan shaxsiy SI yordamchilari. Bundan tashqari, ularni to’g’ridan-to’g’ri ChatGPT bilan suhbat vaqtida kodlashni bilmay turib yaratish mumkin. Funksiya shu hafta davomida ishga tushadi;

— GPT-store, bu yerda siz o’zingizning ma’lum bir vazifaga sozlangan GPT botingizni yuklashingiz va boshqalarnikidan foydalanishingiz mumkin;

— Endi model 2021-yilgacha bo’lgan ma’lumotlarni emas, 2023-yil apreliga qadar bo’lgan voqea va ma’lumotlarni biladi;

— Yetmaganiga bularning barchasini ovoz bilan boshqarish mumkin va u hatto javoblarni ham ovozli formatda qaytara oladi. Jarvis'ni eslatmayaptimi?

📟 DigiTech

🖨️ Xitoyliklar bir metr uzunlikdagi narsalarni chop eta oladigan ulkan 3D printerni chiqardi.

OrangeStorm Giga bir vaqtning o’zida to’rtta konstruksiyani chop eta oladi va planshetdan boshqariladi. Maksimal tezlikda u soniyasiga 300 mm chop etadi.

Kickstarter platformasida oldindan buyurtma narxi — 1500 dollar (bunday katta 3D printer uchun zo’r narx).

📟 DigiTech

⚡️Robert Dauni Jr. Marveldagi «Temir odam» roliga qaytishga rozi

Bu haqda MyTimeToShineH taxallusi ostidagi insayder xabar berdi. Bu Variety-ning Marvel asl Qasoskorlar'ni, jumladan Temir odam va Qora bevani yig’ishga tayyorlanayotgani haqidagi oldingi ma’lumotlariga mos keladi. Qo’shimcha tafsilotlar hozircha ma’lum emas.

Multi olamlar kontseptsiyasi ssenariyda ilgari o’ldirilgan har qanday qahramonni «qaytarish» imkonini beradi, shuning uchun Marvel Studios bu qahramonlarni rostdan ham filmga qaytarishi mumkin.

📟 DigiTech

💫 Son-sanoqsiz boyliklar boshimiz uzra uchib o’tmoqda. Faqat, ularga yetib borish kerak... Asteroidlarda qancha boyliklar bor?

Statista'dan olingan ushbu infografikada asteroidlarning taxminiy narxi ko’rsatilgan. Bu samoviy jismlar o’z tubida oltin, nikel, temir va boshqa boyliklarning ulkan zahiralarini yashiradi. Faqat bitta asteroidda insoniyat butun tarixi davomida qazib olganidan ko’ra ko’proq platina mavjud. Bundan tashqari, chuchuk suvning ham zaxiralari mavjud bo’lib, ular uchun odamlar oxir-oqibat kurashishlari mumkin.

Eng qimmat asteroid Davida bo’lib, unda nikel, temir, kobalt, azot, ammiak, vodorod va boshqa qazilmalar mavjud. Uning resurslari deyarli 27 kvintillion dollarga baholanmoqda (bu 18 ta noli bor son).

Kosmosdan foydali qazilmalarni olish hali haqiqatga aylanmagan bo’lsa-da, buning uchun texnologiyalar allaqachon bir qator kompaniyalar tomonidan ishlab chiqilmoqda. Ba’zi hisob-kitoblarga ko’ra, asteroidlardan olingan birinchi qazilmalar shu o’n yillikda Yerga yetkaziladi.

📟 DigiTech

⚡️YouTube sun’iy intellektli ikkita yangi funksiyani sinovdan o’tkazmoqda

Birinchisi: asosiy mavzular bo’yicha sharhlarni umumlashtirish. Mualliflar ushbu vositadan odamlar izohlari asosida yangi g’oyalarni izlashda foydalanishlari mumkin bo’ladi.

Ikkinchisi: videodagi ma’lumotlarga oid foydalanuvchi savollariga javob beradigan va shunga o’xshash kontentni tavsiya qila oladigan chatbot.

📟 DigiTech

⚡️GTA VI chiqish sanasi shu hafta e’lon qilinadi. Bu haqda Bloomberg jurnalisti Jeyson Shrayer xabar berdi.

To’liq treyler dekabr oyida Rockstar Games'ning 25 yilligi munosabati bilan chiqariladi. GTA V sentyabr oyida 10 yoshga to’lgan edi.

O’yinda ikkita asosiy qahramon bo’ladi va voqealar Vice City shahrida sodir bo’ladi.

📟 DigiTech

🚘 San-Fransiskolik yo’lovchilar uchun taksida unutilmas sayohat bo’ldi :)

Avtopilot nimadan qochishga uringani noma’lum qolmoqda.

📟 DigiTech

⚡️Tadqiqot: G’azab qiyin muammolarni hal qilishga yordam beradi

AQSh'da o’tkazilgan tadqiqot natijasida salbiy his-tuyg’ular kuchli motivator ekanligi aniqlandi. Olimlar 1000 kishi ishtirokida tajriba o’tkazdilar. Ishtirokchilar g’azab, qayg’u, o’yin-kulgi yoki betaraflikni uyg’otadigan rasmlarga qarashdi va anagrammalarni yechishdi. Eng yaxshi ko’rsatkich g’azablanganlarda bo’ldi.

Bundan tashqari, g’azablangan odamlar video o’yinda to’siqlar bilan o’ralgan chang’i yo’lini yaxshiroq bosib o’tishga muvaffaq bo’lishdi.

📟 DigiTech

📲 Real vaqt rejimida yuzni skanerlab, rasmlar yaratadigan neyron tarmoq.

Ishlatish uchun veb-kamerani ulash va matnli so’rovni yozish kerak. Neyron tarmoq o’sha zahoti rasm yaratishni boshlaydi. Natija real vaqtda o’zgaradi va sizga moslashadi.

👉 Sinab ko’rish uchun havola.

📟 DigiTech