#Shukuh

Qishloq xoʻjaligi xodimlari kuni keng nishonlandi

Maʼlumki, dekabr oyining ikkinchi yakshanbasi Oʻzbekiston Respublikasi Qishloq xoʻjaligi xodimlari kuni sifatida belgilangan.

Shu munosabat bilan Qibray tumanida tantanali bayram tadbiri oʻtkazildi. Toʻkin dasturxon atrofida yigʻilgan mirishkorlarga viloyat hokimi Zoyir Mirzayev tomonidan davlat rahbarining bayram tabrigi oʻqib eshittirildi.

Qayd etilganidek, bugungi kunda viloyat aholisining 37 foizi aynan qishloq xoʻjaligi mahsulotlarini yetishtirish va qayta ishlash sohasida band.

Hozirgi kunda hududda jami 5 ming 600 ta fermer xoʻjaligi va 856 ta boshqa mulk shaklidagi subyekt faoliyat yuritmoqda. Shuningdek, 12 ta paxta-gʻallachilik, 28 ta meva-sabzavotchilik va 10 ta sholichilik klasteri samarali ish olib bormoqda.

Paxta hosilini yetishtirishda fermer va dehqonlarning hissasi katta boʻldi. Shuningdek, bogʻ-tok qator oralari va takroriy maydonlarda sabzavot mahsulotlari yetishtirildi. Umuman olganda, qishloq xoʻjaligining barcha tarmoqlarida amalga oshirilayotgan saʼy-harakatlar soha zahmatkashlarining mehnati tufayli yanada rivojlanmoqda, deb taʼkidlash mumkin.

Tadbirda bir guruh soha xodimlariga faxriy yorliq va esdalik sovgʻalari topshirildi. Tadbir davomida yangragan kuy-qoʻshiqlar ishtirokchilarga xush kayfiyat ulashdi.

✅ Telegram 🌐Website 📹YouTube 📸 Instagram✅Facebook 🕊Twitter