“Toshkent suv taʼminoti” MChJ MUROJААTI

Hurmatli Fuqaro!

Ichimlik suv taʼminoti va suv chiqarish xizmati uchun vaqtida to‘lovni amalga oshirishingiz so‘raladi.

Ushbu to‘lovlar vaqtida amalga oshirilsa, suv taʼminotidagi loyiha ishlari jadallashadi:

- hududdagi ichimlik suv muammolari tez va sifatli bartaraf etiladi;

-mahallaga ichimlik suv quvuri yotqiziladi;

- suv ta’minoti korxonasining moddiy-texnik ta‘minoti bazasini rivojlantirish natijasida, hududdagi suv ta’minotiga bog‘liq muammolar bartaraf etiladi.

Eslatma!

Oʼzbekiston Respublikasi Prezidentining 2017-yil 16-noyabrdagi PF–5241 sonli Farmoni va Isteʼmolchilar bilan tuzilgan shartnoma shartlariga asosan, Isteʼmolchi ichimlik suvi taʼminoti va suv chiqarish xizmati uchun har oyning 10-sanasiga qadar 100 foiz oldindan haq toʼlashni amalga oshirishlari belgilangan.

Tijorat banklarining kassalari va mobil ilovalari, Payme, Upay, Uzum kabi elektron to‘lov tizimlari orqali amalga oshirish mumkin.

“Toshkent suv taʼminoti” MChJ matbuot xizmati

Ҳурматли ҳамкасблар!
Эҳтиёжманд оилалардаги хотин-қизларга қўшимча қабул кўрсаткичлари доирасида ажратиладиган 2000 та ўрин учун тавсиянома олиш мақсадида талабгорлардан аризалар эртадан, яъни 30 майдан 8-июнга қадар https://xotin-qizlar.uz/ платформаси орқали электрон шаклда қабул қилиниши белгиланмоқда.
Республика олий таълим муассасаларига қўшимча давлат гранти асосидаги қабул кўрсаткичлари доирасида олий маълумот олиш истагида бўлган эҳтиёжманд оилалардаги хотин-қизларнинг танловда иштирок этиши учун тавсиянома қуйидаги мезонлар асосида берилади:
- кам таъминланган оилалардаги хотин-қизлар. Бунда кам таъминланган оила деганда, оиланинг ҳар бир аъзосига жами даромад аниқланадиган даврда белгиланган меҳнатга ҳақ тўлаш энг кам миқдорининг
0,527 бараваридан кўп бўлмаган миқдорда тўғри келадиган бир ойлик ўртача жами даромадга эга бўлган оила тушунилади;
- тўлиқсиз оилада тарбияланаётган, яъни отаси ёки онаси ёхуд уларнинг иккаласи ҳам вафот этган ижтимоий ҳимояга муҳтож қизлар;
- турмуш ўртоғи вафот этган, вояга етмаган фарзандини ёлғиз тарбиялаётган ижтимоий ҳимояга муҳтож аёллар;
- ногиронлиги бўлган фарзанди бор эҳтиёжманд оилалардаги хотин-қизлар;
- икки ва ундан ортиқ фарзандларини тарбиялаётган, бошқа қариндошларидан алоҳида (ижарада) яшаётган ижтимоий ҳимояга муҳтож ёлғиз аёлларнинг қиз фарзандлари;
- ота-оналаридан бири ёки ҳар иккиси ҳам биринчи ёки иккинчи гуруҳ ногирони бўлган эҳтиёжманд оилалардаги хотин-қизлар.
Тавсиянома юқоридаги мезонларга мос келган шунингдек, умумий ўрта таълим (11-синф негизида) ёки ўрта махсус, касб-ҳунар таълими муассасасини тугатганлиги ҳақидаги ҳужжатга эга бўлган эҳтиёжманд оилалардаги барча талабгор хотин-қизларга берилади.
Юқоридагиларга кўра аризалар https://xotin-qizlar.uz/ платформаси орқали электрон шаклда талабгорнинг ўзи томонидан тўлдирилади.
Талабгор ариза тўлдираётганда паспорт серияси ва туғилган куни, ой ва йили маълумотларини киритиб, маълумотлари платформада сақланишига бўйича розилик берганидан сўнг, кейинги саҳифага ўтилади. Унда яшаш манзили (вилояти, тумани, маҳалласи, кўчаси ва уй рақами) тўлиқ киритилади.
Шундан сўнг талабгор белгиланган 6 та мезондан қайси бирига тўғри келса шу танлайди ва сақлаш тугмасини босса унга смс код келади. Ариза смс орқали юбориладиган код билан тасдиқланади.
Эртадан шу жараёнлар бошланади. Фуқароларга тўғри тушунтириш ишларини олиб боришингизни сўраймиз. Қолган масалалар бўйича иш жараёнларида қўшимча тушунтириб борилади.