#Boʻstonliq_tumani

Odam oʻz uyiga chiqindi tashlamaydi

Web-site | Telegram | Facebook | Instagram

#rasmiy_munosabat

🔹Ijtimoiy tarmoqlar orqali “Barraj” MFY hududida istiqomat qiluvchi fuqarolar Nilufar Mahkamova va Barno Turayevalar tomonidan imtiyozli kredit hisobidan qurilgan issiqxona talabga javob bermasligi va taʼminotchidan noroziligi mazmunida yoʻllangan video murojaati yuzasidan ushbu masala bo'yicha bugungi kunda surishtiruv va oʻrganish ishlari olib borilayotganligini va natijasi boʻyicha tez orada qoʻshimcha maʼlumot berilishini ma'lum qilamiz.

#Boʻstonliq_tumani

🌳Shu kunlarda yurtimiz boʻylab “Yashil makon” umummilliy loyihasi doirasida koʻchat oʻtqazish ishlari olib borilmoqda.

🔹Xususan, aksiya doirasida tumanimizning barcha mahallalarida, korxona va tashkilotlarda, asosiy yoʻl yoqalarida keng koʻlamli obodonlashtirish-koʻkalamzorlashtirish ishlari amalga oshirilmoqda.

Boʻstonliq tumani hokimligi Axborot xizmati

👉Kanalga ulanish: https://t.iss.one/Bustonliq_tuman_hokimligi

Web-site | Telegram | Facebook | Instagram

#Tabrik

Aziz yurtdoshlar, Qadrli tumandoshlar!

Bahor va tabiat uygʻonishining timsoli, sharqona yangi yilning boshlanishi boʻlgan Navroʻzi olamni munosib shodiyona bilan nishonlash qadimdan davom etib kelayotgan umriboqiy boʻlgan goʻzal anʼanalarimizdan hisoblanadi. Goʻzallik va nafosat, muruvvat va saxovat, uygʻonish va yasharish ramzi hisoblangan Navroʻzi olam quvonchlari bu yil “Har kuning Navroʻz boʻlsin, jonajon Oʻzbekistonim!” degan bosh gʻoyasi asosida nishonlanmoqda.

Bu ayyomning oʻziga yarasha sir-sinoatlari bor. U odamlarni totuvlik, inoqlikka, bir-biriga mehr va oqibatli boʻlishga undagan, oʻrgatgan va oʻzida insoniyatning tinchlik, taraqqiyot singari buyuk yaratuvchilik ishlarini mujassam etgan.

Qadim anʼanalarga sodiq tumanimiz ahli bu mukarram bayramga tayyorgarlikni eng avvalo “Yashil makon” umummilliy loyihasi doirasida minglab mevali va manzarali daraxt koʻchatlari ekish bilan boshladi. Mahallalarda umumxalq hasharlari, keng qamrovli obodonchilik va koʻkalamzorlashtirish ishlari avj pallaga kirdi.

Borliq uygʻonayotgan, kun bilan tun tenglashgan shu hosiyatli kunlarda barcha niyatlar ijobat boʻladi. Har birimiz uchun eng qadrli, aziz va suyukli mazkur bayramda yaqinlarimizdan muruvvatimizni, mehrimizni darigʻ tutmaylik, bemor va muhtoj odamlarga koʻmak berishdek savob ishlarni bajaraylik.

Fursatdan foydalanib, siz azizlarni yana bir bor bayramlarning malagi Navroʻzi olam bilan chin qalbimdan muborakbod etaman. Yurtimiz obodligi, farovonligi, ravnaqi va istiqboli yoʻlida olib borayotgan sharafli va masʼuliyatli ishlaringizda ulkan muvaffaqiyatlar tilayman. Barcha orzu-istaklaringiz amalga oshsin, hayotingiz bundan-da yorugʻ va saodatli boʻlsin!

Navroʻz uygʻonish, yangilanish ruhi bilan kelar ekan dasturxonimizga fayzu baraka, toʻkin-sochinlik, xalqimizga xush kayfiyat hamda farovonlik olib kelsin.

Yana bir bor barchangizga ayyom muborak boʻlsin!

Hurmat va ehtirom ila
Boʻstonliq tumani hokimi Joʻrabek Axmedov