#Мансура
ЁШЛИК БИЛАН ХАЙРЛАШИШ. КЕТДИ УМР БАҲОРИ.
Бугун баҳорнинг охирги куни. Недир романтик, недир дилхун кайфият босади. Мен шу йил 40 ёшга кирдим. Ўзимга ишонмайман. Наҳотки, қирқни урдим?
Ўлим дарвозаси олислардан кўрингандай туюлади, тунлари уйқум ўчади, абадият, жаннат ва дўзах ҳақида чалкаш хаёллар сураман. Мен сира ҳазм қилолмайдиган, очиқроқ айтганда, қўрқувга соладиган туйғу бу – абадият тушунчаси. Мантиққа кўра, коинотда чексизлик бўлиши мумкин эмас, аммо бизда иррационал қарашлардан бошқа танлов йўқ.
Хуллас, умрим баҳори билан шу алпозда хайрлашдим. Озмас-кўпмас 40 ёшгача ўзимни йигит чоғлаб, вақтни менсимай яшадим. Маза қилиб яшадим. Аммо, нима қилиб қўйди бу йиллар!..
Буёғига вужуддан ёшлик нуқси кетди, ўрта яшар, кап-катта кишиман (афсусларим). Энг юмшоқ ҳолатда, энди завқим келиб, шаштим қайнаб, ғиринг десанг, кетсанг, шартта бошқасига.., дегандек пўписа, похол дўқ ҳам қилолмайман хотин акага. Ўйласам, уям "терговчилик" функциясини қўйиб, бир мушфиқ, меҳрибон аёлга айланиб қолибди.
Ҳа-я, умидбахш гаплар ҳам бор. Айтайлик, ўша Мопассан 40 ёшгача ёзувчиликни тан олмаган, фалончи етмишга кирганда президент бўлган, сен энди қирчиллама ёшдасан ва ҳоказо. Лекин умр баҳори билан хайрлашиш ажиб бир фасл экан, ўйлаб қарасам.
Мен учун бу баҳор билан хайрлашиш шунчаки навбатдаги фасллар алмашиши эмас, умрим баҳори билан хайрлашишдир. Йўқ, ёшлик 30-35 ёшларгача эмас, 40 ёшгача давом этади. Шу ёшга келиб қалбинг ва жисмингдан навқиронлик файзи кетади. Кетаркан...
Хайр, ёшлигим! Осмонларда учиб-қўниб юрган йигитча, сен зўрсан. Шунчаки 40 ёшли гўдак эдинг. Гўёки тасаввурингда коинот арзандаси, битмас-тугунмас завқ-шавқ манбаи, осмон фуқароси эдинг. Энди эса жуда ёш чол бўлдинг, оғайни.
Салом, фуқародан баттар фуқаро! Энди босиб-босиб тўйлар қиласан; данғиллама саройлар ишқи кўнглингни қитиқлайди; ҳарислик билан бойлик тўплаш ҳақида ўйлай бошлайсан; қилдек истеъдодингни филдек капиталга айлантиргинг келади; осмонлардан ерга тушиб, маиший ҳаётни ташкил қилишга чоғланасан.
Ҳорманглар, қирқ ёшлилар!
@Behzod_Qobulov
ЁШЛИК БИЛАН ХАЙРЛАШИШ. КЕТДИ УМР БАҲОРИ.
Бугун баҳорнинг охирги куни. Недир романтик, недир дилхун кайфият босади. Мен шу йил 40 ёшга кирдим. Ўзимга ишонмайман. Наҳотки, қирқни урдим?
Ўлим дарвозаси олислардан кўрингандай туюлади, тунлари уйқум ўчади, абадият, жаннат ва дўзах ҳақида чалкаш хаёллар сураман. Мен сира ҳазм қилолмайдиган, очиқроқ айтганда, қўрқувга соладиган туйғу бу – абадият тушунчаси. Мантиққа кўра, коинотда чексизлик бўлиши мумкин эмас, аммо бизда иррационал қарашлардан бошқа танлов йўқ.
Хуллас, умрим баҳори билан шу алпозда хайрлашдим. Озмас-кўпмас 40 ёшгача ўзимни йигит чоғлаб, вақтни менсимай яшадим. Маза қилиб яшадим. Аммо, нима қилиб қўйди бу йиллар!..
Буёғига вужуддан ёшлик нуқси кетди, ўрта яшар, кап-катта кишиман (афсусларим). Энг юмшоқ ҳолатда, энди завқим келиб, шаштим қайнаб, ғиринг десанг, кетсанг, шартта бошқасига.., дегандек пўписа, похол дўқ ҳам қилолмайман хотин акага. Ўйласам, уям "терговчилик" функциясини қўйиб, бир мушфиқ, меҳрибон аёлга айланиб қолибди.
Ҳа-я, умидбахш гаплар ҳам бор. Айтайлик, ўша Мопассан 40 ёшгача ёзувчиликни тан олмаган, фалончи етмишга кирганда президент бўлган, сен энди қирчиллама ёшдасан ва ҳоказо. Лекин умр баҳори билан хайрлашиш ажиб бир фасл экан, ўйлаб қарасам.
Мен учун бу баҳор билан хайрлашиш шунчаки навбатдаги фасллар алмашиши эмас, умрим баҳори билан хайрлашишдир. Йўқ, ёшлик 30-35 ёшларгача эмас, 40 ёшгача давом этади. Шу ёшга келиб қалбинг ва жисмингдан навқиронлик файзи кетади. Кетаркан...
Хайр, ёшлигим! Осмонларда учиб-қўниб юрган йигитча, сен зўрсан. Шунчаки 40 ёшли гўдак эдинг. Гўёки тасаввурингда коинот арзандаси, битмас-тугунмас завқ-шавқ манбаи, осмон фуқароси эдинг. Энди эса жуда ёш чол бўлдинг, оғайни.
Салом, фуқародан баттар фуқаро! Энди босиб-босиб тўйлар қиласан; данғиллама саройлар ишқи кўнглингни қитиқлайди; ҳарислик билан бойлик тўплаш ҳақида ўйлай бошлайсан; қилдек истеъдодингни филдек капиталга айлантиргинг келади; осмонлардан ерга тушиб, маиший ҳаётни ташкил қилишга чоғланасан.
Ҳорманглар, қирқ ёшлилар!
@Behzod_Qobulov
#Ҳокимият_анатомияси
"Ёшлар кундалиги"да икки йил ишладинг ва яна биргаликда қанақадир лойиҳалар қилиб юрибсан, сенга нима, десалар маши ёзилаётган ҳужжатли асарни кўрсатаман. Мен буни бирон жанрга мансуб деёлмайман, шунчаки бир эсда қолган гаплар, ҳикоя қилишга арзирли воқеалар йиғиндиси.
"Ёшлар кундалиги"да икки йил ишладинг ва яна биргаликда қанақадир лойиҳалар қилиб юрибсан, сенга нима, десалар маши ёзилаётган ҳужжатли асарни кўрсатаман. Мен буни бирон жанрга мансуб деёлмайман, шунчаки бир эсда қолган гаплар, ҳикоя қилишга арзирли воқеалар йиғиндиси.
#Қутлов
ЎзМУ десам, дарҳол тушади эсга,
Менинг йигит вақтим,
Сенинг қиз вақтинг.
Ибройим Юсупов шеъри.
〰️〰️〰️〰️〰️〰️
Туғилган кунинг билан табриклайман, онаси! Сен билан биргаликда бахтлимиз, уйқумизда ҳаловат ва уйимизда қут-барака бор, худога шукр. Мусофир юртларда сен билан гоҳи туртиниб-суртиниб, гоҳи талашиб-тортишиб, кучимиз етганча яхши ҳаёт учун бирга курашяпмиз. Ширин-шакар фарзандларимиз учун гўзал истиқбол қуриш йўлида тинмай ишлаяпмиз, ҳалол меҳнат қиляпмиз.
Бир кун бу меҳнатларимиз роҳати ва мевасини фарзандларимиз, ота-оналаримиз, қавму қариндошларимиз билан бирга кўриш насиб қилсин!
Туғилган кунинг билан табриклайман, азиз севгилим. ❤️
@Behzod_Qobulov
ЎзМУ десам, дарҳол тушади эсга,
Менинг йигит вақтим,
Сенинг қиз вақтинг.
Ибройим Юсупов шеъри.
〰️〰️〰️〰️〰️〰️
Туғилган кунинг билан табриклайман, онаси! Сен билан биргаликда бахтлимиз, уйқумизда ҳаловат ва уйимизда қут-барака бор, худога шукр. Мусофир юртларда сен билан гоҳи туртиниб-суртиниб, гоҳи талашиб-тортишиб, кучимиз етганча яхши ҳаёт учун бирга курашяпмиз. Ширин-шакар фарзандларимиз учун гўзал истиқбол қуриш йўлида тинмай ишлаяпмиз, ҳалол меҳнат қиляпмиз.
Бир кун бу меҳнатларимиз роҳати ва мевасини фарзандларимиз, ота-оналаримиз, қавму қариндошларимиз билан бирга кўриш насиб қилсин!
Туғилган кунинг билан табриклайман, азиз севгилим. ❤️
@Behzod_Qobulov
Audio
#Кайфият #Қанотли_қўшиқ
Севасизми, дегил,
Саволлар ёғдир.
Бор гапни суғуриб,
Олгин кўнглимдан...
P.S. Шу қўшиқ таъсирида юрибман. Бир марта эшитдим ва кейин бу қўшиқ юрагимнинг овози эканлигини ҳис қилдим. ❤️
@Behzod_Qobulov
Севасизми, дегил,
Саволлар ёғдир.
Бор гапни суғуриб,
Олгин кўнглимдан...
P.S. Шу қўшиқ таъсирида юрибман. Бир марта эшитдим ва кейин бу қўшиқ юрагимнинг овози эканлигини ҳис қилдим. ❤️
@Behzod_Qobulov
Бу суратда америкалик профессионал баскетболчи Карим Абдул-Жаббор (кичик Фердинанд Луис Алсиндор), МБА (NBA) нинг энг қиммат ўйинчиси деб тан олинган ва МБА тарихидаги энг кўп очко тўплаган спортчи, ёнида эса унинг устози, мураббийи Жон Вуден – 1968-2018 йиллар.
Ҳеч қачон сизни бугунги кунга етказган инсонларни унутманг.
Тарихчи Ихтиёр Эсоновнинг телеграм саҳифасидан олинди.
Ҳеч қачон сизни бугунги кунга етказган инсонларни унутманг.
Тарихчи Ихтиёр Эсоновнинг телеграм саҳифасидан олинди.
This media is not supported in your browser
VIEW IN TELEGRAM
Петронас эгизак минораси. Малайзия. Куала Лумпур. 02.02.2025
#Тафаккур
Менам банда, худойимдан бир нур сўраб юрибман,
Атрофим лой, мен қалбимни гулга ўраб юрибман.
Дўсту ёр кўп, лек барибир азал қонун биттадир:
Ўз бошимга ёққан қорни ўзим кураб юрибман.
Эҳтимолки, зоҳиримга тоғлик бермиш худойим,
Оҳ, нетайки, юрагимни доғлик бермиш худойим.
Айтурларки: сиз бир тоғсиз, ғамлар сизга кор қилмас,
Билмасларки, ич-ичимдан нураб-нураб юрибман.
Билмай қолдим, ўз умридан безорликми тириклик,
Ё шунчаки бир ўйинми, бекорликми тириклик.
Эл корига ярайман деб қўлга қалам тутгандим,
Бу не замон, ўз коримга ўзим яраб юрибман.
Мунофиқлар ичра қолиб кетган тошман эҳтимол,
Қибласини тополмайин қолган бошман эҳтимол.
Тилимдаги тиловатни қушлар олиб кетдилар,
Не бахт, бугун худойимни дилга жойлаб юрибман.
Гулжамол Асқарова
@Behzod_Qobulov
Менам банда, худойимдан бир нур сўраб юрибман,
Атрофим лой, мен қалбимни гулга ўраб юрибман.
Дўсту ёр кўп, лек барибир азал қонун биттадир:
Ўз бошимга ёққан қорни ўзим кураб юрибман.
Эҳтимолки, зоҳиримга тоғлик бермиш худойим,
Оҳ, нетайки, юрагимни доғлик бермиш худойим.
Айтурларки: сиз бир тоғсиз, ғамлар сизга кор қилмас,
Билмасларки, ич-ичимдан нураб-нураб юрибман.
Билмай қолдим, ўз умридан безорликми тириклик,
Ё шунчаки бир ўйинми, бекорликми тириклик.
Эл корига ярайман деб қўлга қалам тутгандим,
Бу не замон, ўз коримга ўзим яраб юрибман.
Мунофиқлар ичра қолиб кетган тошман эҳтимол,
Қибласини тополмайин қолган бошман эҳтимол.
Тилимдаги тиловатни қушлар олиб кетдилар,
Не бахт, бугун худойимни дилга жойлаб юрибман.
Гулжамол Асқарова
@Behzod_Qobulov
#Фикр
Мен ҳар доим бир масалани ўйлайман. Ўз қабиҳлигини яшириш учун гўдакларнинг беғубор оламидан фойдаланган айёр тулкиларни кечириш керакми? Ўсмирларнинг болаларча соф туйғуларини топтаб, "яхши инсон" образида ўз ўғирлигига уларни шерик қилиб, қандай тинч юриш мумкин? Қандай бош кўтариб юриш мумкин? Қонунни алдарсан, гўдаклар воқелик моҳиятини тушуниб-тушунмай сени оқлаб-кўклаб берар, бироқ кино шу билан тугаймади. Ҳақиқатнинг мингта гувоҳи бўлади.
#Кундаликдан
Мен ҳар доим бир масалани ўйлайман. Ўз қабиҳлигини яшириш учун гўдакларнинг беғубор оламидан фойдаланган айёр тулкиларни кечириш керакми? Ўсмирларнинг болаларча соф туйғуларини топтаб, "яхши инсон" образида ўз ўғирлигига уларни шерик қилиб, қандай тинч юриш мумкин? Қандай бош кўтариб юриш мумкин? Қонунни алдарсан, гўдаклар воқелик моҳиятини тушуниб-тушунмай сени оқлаб-кўклаб берар, бироқ кино шу билан тугаймади. Ҳақиқатнинг мингта гувоҳи бўлади.
#Кундаликдан