#Ovozli_chat #Qabul2023 #Abituriyent2023
2023-yil 2-iyun kuni o‘tkazilgan oliy ta’lim muassasalariga kirish test sinovlari bo‘yicha ovozli chatning to‘liq audiosi

✅ Ovozli chat davomida:

🔹 OTMlarga kirish test sinovlari;
🔹 Umumta’lim fanlaridan milliy sertifikat imtihonlari;
🔹 Chet tilini bilish darajasini aniqlash imtihonlari
va OTMlarga kirish test sinovlari bilan bog‘liq mavzulardagi ko‘plab savollarga mutaxassislar tomonidan javob berilgan.

Agentlikning rasmiy sahifalari:
Telegram | Facebook | Instagram | YouTube

❓ Ijodiy imtihon o‘tkaziladigan ta’lim yo‘nalishlariga topshiradigan abituriyentlar nechta ta’lim yo‘nalishini tanlashi mumkin?

📺 “Yoshlar” telekanali tomonidan Oliy ta’lim, fan va innovatsiyalar vazirligi hamda Bilimni baholash agentligi bilan hamkorlikda “Abituriyent-2023“ loyihasi yo‘lga qo‘yildi.

✅ Yuqoridagi savolga ushbu ko‘rsatuvning ilk sonida Oliy ta’lim, fan va innovatsiyalar vazirligi hamda Bilimni baholash agentligi mutaxassislari tomonidan batafsil javob berilgan.

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023

❓ 2023-2024-o‘quv yili uchun hujjatlar qachon va qanday topshiriladi?

✅ Ushbu savolga Bilimni baholash agentligi mutaxassisi tomonidan “Abituriyent-2023“ ko‘rsatuvida javob berildi:

📆 Abituriyentlarni ro‘yxatga olish 20-iyundan 20-iyulga qadar (shu kuni ham) amalga oshiriladi.

🇬🇧 Chet tilidan ijodiy imtihon o‘tkaziladigan yo‘nalishlar uchun qabul 10-iyulda yakunlanadi.

🖥 Abituriyentlar my.uzbmb.uz va my.gov.uz saytlari orqali ro‘yxatga olinadi.

📋 Ro‘yxatdan o‘tish uchun abituriyentlardan faqatgina 2 ta hujjat talab etiladi:

1️⃣ biometrik pasport yoki ID-karta;
2️⃣ umumiy o‘rta ta’lim olganligini tasdiqlovchi hujjat.

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023

❓ Mandat imtihon kunidan keyin 1 haftada chiqadimi?

✅ Ushbu savolga Bilimni baholash agentligi mutaxassisi tomonidan “Abituriyent-2023“ ko‘rsatuvida javob berildi:

▶️ Abituriyentlar test sinovida ishtirok etgan kunining ertasigayoq o‘z natijasini bilib oladilar.

🖥 Bunda abituriyentning javoblar varaqasi rangli skaner qilinib, shaxsiy kabinetiga joylashtiriladi va u yerda nechanchi savolga qaysi javob belgilangani, bu javob to‘g‘ri yoki noto‘g‘ri ekanligi ko‘rsatiladi.

👨🏻‍🎓 Test sinovlari to‘liq yakunlangandan so‘ng bir hafta ichida abituriyentlarning talabalikka tavsiya etilgan yoki etilmagani bo‘yicha yakuniy tanlov natijalari e’lon qilinadi.

Agentlikning rasmiy sahifalari:
Telegram | Facebook | Instagram | YouTube

#Qabul2023 #Abituriyent2023

❓ Joriy yilda nechta oliy ta’lim muassasasini (ta’lim yo‘nalishini) tanlash mumkin?

✅ Ushbu savolga Bilimni baholash agentligi mutaxassisi tomonidan “Abituriyent-2023“ ko‘rsatuvida javob berildi:

👉 Abituriyentlar ro‘yxatdan o‘tishda fanlar majmuasi va ketma-ketligi bir xil bo‘lgan 5️⃣ tagacha ta’lim yo‘nalishini tanlashlari mumkin.

👉 Bunda 5 ta ta’lim yo‘nalishini bir oliy ta’lim muassasasi yoki turli oliy ta’lim muassasalari doirasida tanlasa bo‘ladi.

👉 Ta’lim yo‘nalishlarini turli ta’lim shakllari doirasida tanlash mumkin. Misol uchun, 1️⃣-sini kunduzgi, 2️⃣-sini kechki, 3️⃣-sini sirtqi, 4️⃣-masofaviy.

👉 Shuningdek, abituriyentlar tanlov ustuvorligini ham tanlaydilar: “davlat granti“ yoki “ta’lim yo‘nalishi” (batafsil yuqoridagi videoda tushuntirilgan).

Agentlikning rasmiy sahifalari:
Telegram | Facebook | Instagram | YouTube

Ehtiyojmand oilalardagi xotin-qizlarga beriladigan tavsiyanoma haqida

📆 2023-yil 30-may kuni ehtiyojmand oilalardagi xotin-qizlarga tavsiyanoma berish uchun talabgorlarning arizalarini qabul qilish boshlandi.

🖥 Arizalar Oila va xotin-qizlar qo‘mitasining xotin-qizlar.uz sayti orqali elektron shaklda qabul qilinmoqda va arizalarni qabul qilish 8-iyun kuni yakunlanadi.

🔰 Bunda tavsiyanomalar Vazirlar Mahkamasining 2020-yil 23-iyundagi 402-son qarorida belgilangan mezonlar asosida Oila va xotin-qizlar qo‘mitasi tomonidan 1 yilga beriladi.

📋 Ommaviy axborot vositalarida va telegram kanallarda mazkur tavsiyanoma bilan bog‘liq turli ma’lumotlar berilmoqda. Shu o‘rinda ushbu tavsiyanomaga ega xotin-qizlar qanday imtiyozga ega bo‘lishi haqida ma’lumot berib o‘tmoqchimiz:

📌 Mazkur tavsiyanomaga ega bo‘lgan xotin-qizlarga kunduzgi ta’lim shakli uchun davlat granti asosida qo‘shimcha qabul parametrlari ajratiladi (2022-yilda 2 000 ta ajratilgan).

✅ Ajratilgan qo‘shimcha qabul parametrlari Davlat komissiyasi tomonidan sohalar bo‘yicha hududlar kesimida taqsimlanadi va qabul parametrlari doirasida eng yuqori ball to‘plagan xotin-qizlar talabalikka tavsiya etiladi.

❗️ Eslatma: Har yili tavsiyanomaga ega xotin-qizlar soni ular uchun ajratiladigan qo‘shimcha kvotalar sonidan bir necha barobar ko‘p bo‘ladi. Shu sababli tavsiyanoma oldi degani, o‘qishga kirdi degani emas.

Agentlikning rasmiy sahifalari:
Telegram | Facebook | Instagram | YouTube

Diagnostik test materiallariga buyurtma bergan talabgorlar diqqatiga!

📋 Bilimni baholash agentligi tomonidan diagnostik test materiallariga buyurtmalarni qabul qilish 31-may kuni to‘xtatilishi haqida xabar bergan edik.

📥 Ma’lumki, diagnostik test topshiriqlarini ishlagan talabgorlar o‘z natijalarini bilish uchun belgilagan javoblarini Bilimni baholash agentligiga taqdim etishlari lozim.

📆 Shu sababli diagnostik test materiallariga buyurtma berib, uni olgan talabgorlardan javoblar varaqalarini 2023-yil 10-iyunga qadar taqdim etishlarini so‘raymiz.

✅ Bunda javoblar varaqalarini Bilimni baholash agentligiga yoki uning hududlardagi vakillariga (Qoraqalpog‘iston Respublikasi va viloyatlar) olib kelib, topshirish mumkin.

Agentlikning rasmiy sahifalari:
Telegram | Facebook | Instagram | YouTube

⚡️ Chet tili imtihoni natijalari e’lon qilindi

📣 2023-yil 6-maydan 31-mayga qadar bo‘lib o‘tgan chet tilini bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar “Mening arizalarim” bo‘limidan o‘z natijalari bilan tanishishlari mumkin.

🖥 Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

❕ Eslatma: o‘z natijasidan norozi bo‘lgan talabgorlar test natijalari e’lon qilingan kundan boshlab 3 kun ichida (8-10-iyun) my.gov.uz sayti orqali apellatsiya shikoyati berishlari mumkin.

Agentlikning rasmiy sahifalari:
Telegram | Facebook | Instagram | YouTube

⚡️ Chet tili imtihoni sanalari e’lon qilindi

✅ Chet tilini bilish darajasini aniqlash bo‘yicha iyun oyida bo‘lib o‘tadigan test sinovi sanalari e’lon qilindi.

📆 Unga ko‘ra test sinovining yozma qismi 10-11- va 17-18-iyun kunlari, gapirish ko‘nikmasini baholash imtihonlari esa 12-iyun – 1-iyul kunlari bo‘lib o‘tadi.

👨🏻‍💻 Talabgorlar imtihon joyi, kuni va aniq vaqtini my.gov.uz saytining “Mening arizalarim” bo‘limidan bilishlari va ruxsatnomani yuklab olishlari mumkin.

❕ Talabgorlardan test sinovi o‘tkaziladigan hududga belgilangan vaqtdan kamida bir soat oldin shaxsini tasdiqlovchi hujjat (pasport yoki ID-karta) bilan kelishlari so‘raladi.

📍 Test sinovi o‘tkaziladigan joylar va ularning joylashuvi (geolokatsiya): telegra.ph/Chet-tili-06-05

Izoh: Test sinovi natijalari Vazirlar Mahkamasining qaroriga muvofiq imtihonlar yakunlangandan so‘ng bir haftada (8-iyul kuni) e’lon qilinadi.

Agentlikning rasmiy sahifalari:
Telegram | Facebook | Instagram | YouTube

⚡️ Abituriyentlarga yaratilayotgan qulayliklar, imkoniyatlar va berilayotgan imtiyozlar

📆 “Yoshlar” telekanalida “Abituriyent-2023“ loyihasi yo‘lga qo‘yilib, 2023-yil 1-iyun kuni ko‘rsatuvning ilk soni jonli efirda berilgan edi.

▶️ Mazkur ko‘rsatuvni har hafta payshanba kuni jonli efirda berib borish rejalashtirilgan bo‘lib, bugun soat 15:35 da uning 2-soni bo‘lib o‘tadi.

📋 Bugungi ko‘rastuv mavzusi: Abituriyentlarga yaratilayotgan qulayliklar, imkoniyatlar va berilayotgan imtiyozlar.

📲 Abituriyentlar mavzu doirasidagi savollarini @abituriyent2023bot telegram boti orqali yuborishlari mumkin.

✅ Savollarga Bilimni baholash agentligi mutaxassislari tomonidan to‘liq javob beriladi.

📺 Bugun soat 15:35 da — “Yoshlar” telekanalida — jonli efirda.

Agentlikning rasmiy sahifalari:
Telegram | Facebook | Instagram | YouTube

⚡️ Ona tili va adabiyot fanidan milliy sertifikat natijalari 12-iyun kuni e’lon qilinadi

📆 Ma’lumki, 2023-yil 14-may kuni ona tili va adabiyot fanidan milliy sertifikat uchun test sinovlari o‘tkazilgan edi.

✅ Hozirga qadar talabgorlarning yopiq va ochiq turdagi (1 dan 44 gacha) test topshiriqlari bo‘yicha natijalari to‘liq hisoblab bo‘lingan.

📝 Yozma ishlarni tekshirish murakkab va ko‘p vaqt talab etadigan jarayon bo‘lib, har bir talabgorning yozma ishi kamida 2 nafar, ayrim holatlarda esa 3 nafar ekspert tomonidan tekshiriladi.

❕ Yozma ishlar soni ko‘p ekanligi va yozma ishlari tekshirish ko‘p vaqt talab etadigan jarayon bo‘lgani sababli yozma ishlarni tekshirish jarayoni to‘liq yakunlanmagan.

📌 Yozma ishlarni tekshirish 12-iyun kuniga qadar to‘liq yakunlanadi va shu kunning o‘zida talabgorlarning shaxsiy kabinetida e’lon qilinadi.

Agentlikning rasmiy sahifalari:
Telegram | Facebook | Instagram | YouTube

#Ovozli_chat
Oliy ta’lim muassasalariga kirish test sinovlari bo‘yicha ovozli chat

📆 2023-yil 9-iyun kuni (bugun) 15:00 da Bilimni baholash agentligining telegramdagi rasmiy kanali (@BaholashUz) da navbatdagi ovozli chat o‘tkaziladi.

✅ Ovozli chat oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha bo‘lib o‘tadi.

🎙 Unda Bilimni baholash agentligining tegishli boshqarma boshliqlari va mutaxassislar ishtirok etadi hamda talabgorlarning savollariga batafsil javob beradi.

🙋‍♂️ Ovozli chat davomida ishtirokchilar qo‘l ko‘tarish funksiyasidan foydalangan holda o‘zlarini qiziqtirgan savollarni berishlari mumkin bo‘ladi.

Agentlikning rasmiy sahifalari:
Telegram | Facebook | Instagram | YouTube

Ma’lum sabablarga koʻra ovozli chat bir ozdan soʻng boshlanadi.

Noqulaylik uchun uzr soʻraymiz!

Ovozli chat 15:30 da boshlanadi

#Ovozli_chat #Live
Oliy ta’lim muassasalariga kirish test sinovlari bo‘yicha ovozli chat boshlandi

✅ Unda oliy ta’lim muassasalarining bakalavriat ta’lim yo‘nalishlariga kirish test sinovlari bo‘yicha savollarga javob beriladi.

🙋‍♂️ Ovozli chat davomida ishtirokchilar qo‘l ko‘tarish funksiyasidan foydalangan holda o‘zlarini qiziqtirgan savollarni berishlari mumkin.

🔗 Ovozli chatda qatnashish uchun havola: https://t.iss.one/BaholashUz?livestream

Agentlikning rasmiy sahifalari:
Telegram | Facebook | Instagram | YouTube

2023-yil 9-iyun kuni oliy taʼlim muassasalariga kirish test sinovlari boʻyicha oʻtkazilgan ovozli chatning toʻliq audiosi

Agentlikning rasmiy sahifalari:
Telegram | Facebook | Instagram | YouTube