“O‘qituvchilar uchun Aptis” test sinovi

🔰 Ma’lumki, Davlat test markazi huzuridagi Ilmiy-o‘quv amaliy markazi tomonidan barcha hududlarda “O‘qituvchilar uchun Aptis” test sinovlari tashkil etilib, o‘tkazib kelinmoqda.

📍 Bunda test sinovlari talabgorlarning murojaatlaridan kelib chiqqan holda ularga qulay bo‘lgan hududlarda tashkil etilmoqda.

👩‍🏫 “O‘qituvchilar uchun Aptis” test sinovlari kompyuterda o‘tkazilganligi sababli test sinovini sifatli tashkil etish uchun bir vaqtda test topshiruvchilar soni 25 nafardan oshmasligi maqsadga muvofiq.

✅ Shu sababli bir kunda (2 smenada) test topshiruvchilar soni 50 nafardan oshmasligi test sinovlarini sifatli tashkil etishga xizmat qiladi.

📌 Shuning uchun “O‘qituvchilar uchun Aptis” test sinoviga my.dtm.uz sayti onlayn orqali ro‘yxatdan o‘tib, to‘lovni amalga oshirgan dastlabki 50 nafar talabgor test sinovida ishtirok etishi mumkin bo‘ladi.

❇️ Ro‘yxatdan o‘tib, to‘lovni amalga oshirishga ulgurmagan talabgorlar keyingi oyda yoki boshqa hududda tashkil etiladigan test sinovida ishtirok etishlari mumkin.

Ilmiy markazning telegram kanali:
👉 @dtmilmiymarkaz 👈

“O‘qituvchilar uchun Aptis” test sinovi grafigi (2022-yil yanvar)

📌 “O‘qituvchilar uchun Aptis” Davlat test markazi tomonidan Britaniya Kengashi (British Council) bilan hamkorlikda o‘tkaziladigan, ingliz tili fani o‘qituvchilariga mo‘ljallangan malaka test sinovi hisoblanadi.

🖥 Test sinovi kompyuterda o‘tkaziladi va natijalar test o‘tkazilgan vaqtdan boshlab 72 soat ichida talabgorning shaxsiy kabinetda e’lon qilinadi.

✅ Talabgorlarning test sinovida belgilagan javoblari Britaniya Kengashining “Global British Council” baholash guruhi tomonidan baholanadi.

📋 Test sinovida ishtirok etish uchun to‘lov bazaviy hisoblash miqdorining 2,5 baravari (675 500 so‘m)ni tashkil qiladi.

🔰 “O‘qituvchilar uchun Aptis” test sinovida C darajaga ega bo‘lgan ta’lim muassasalarining xorijiy tillar o‘qituvchilariga ularning bazaviy tarif stavkasiga nisbatan har oylik 50 foiz miqdorida qo‘shimcha ustama haqi to‘lanadi.

Ilmiy markazning telegram kanali:
👉 @dtmilmiymarkaz 👈

⚡️ Fizika fanidan milliy sertifikatlash tizimi uchun talabgorlarni ro‘yxatga olish boshlandi

👨🏻‍💻 2021-yil 17-dekabr (bugun) kuni fizika fanidan milliy sertifikatlash tizimi uchun talabgorlarni onlayn ro‘yxatga olish boshlandi.

📆 Talabgorlarni onlayn ro‘yxatga olish my.dtm.uz sayti orqali amalga oshirilayotgan bo‘lib, 2022-yil 16-yanvarga qadar davom etadi.

🖥 Mazkur xizmat “Milliy sertifikatlar” bo‘limida joylashgan bo‘lib, shu yerdan tegishli fan (fizika) ni tanlagan holda test sinoviga ariza berish mumkin.

⏳ Test sinovi natijasi bo‘yicha eng yuqori ballning kamida 60 foizini to‘plagan shaxslarga 3 yil muddatga sertifikat beriladi.

✅ Mazkur sertifikatga ega bo‘lgan abituriyentlarga sertifikatdagi o‘zlashtirish foiziga mos ravishda oliy ta’lim muassasasiga kirish test sinovlarida ushbu fandan belgilangan maksimal ballga nisbatan tabaqalashtirilgan (proporsional) ball beriladi.

📚 Fizika fanidan milliy test tizimi uchun test spetsifikatsiyasi Davlat test markazining rasmiy veb-saytida e’lon qilingan bo‘lib, test sinovi mazkur spetsifikatsiya asosida tuzilgan test topshiriqlari asosida o‘tkaziladi.

❕ Ona tili va adabiyot, matematika, kimyo va biologiya fanlari bo‘yicha milliy sertifikatlash tizimi uchun talabgorlarni ro‘yxatga olish yaqin kunlarda boshlanadi.

Davlat test markazining rasmiy sahifalari:
Telegram | Facebook | Instagram | YouTube

Davlat tilida rasmiy ish yuritish bo‘yicha test sinovi natijalari e’lon qilindi

✅ 2021-yil 30-noyabr kuni rahbar kadrlar va mas’ul lavozimga tayinlanadigan shaxslar uchun davlat tilida rasmiy ish yuritish bo‘yicha o‘tkazilgan test sinovi natijalari e’lon qilindi.

🖥 Test sinovida ishtirok etgan talabgorlar o‘z natijalarini dt.dtm.uz sayti orqali bilishlari mumkin.

👨🏻‍💻 Buning uchun “Natijani ko‘rish” bo‘limiga talabgorning pasport seriyasi va raqami hamda shaxsiy identifikatsiya raqamini kiritish lozim.

Davlat test markazining rasmiy sahifalari:
Telegram | Facebook | Instagram | YouTube

​​Ustama belgilash test sinovi sanalari belgilandi

✅ Chet tillar o‘qituvchilarining bazaviy lavozim maoshlariga oylik ustama belgilash uchun o‘tkaziladigan test sinovi sanalari belgilandi.

📆 Unga ko‘ra test sinovlarining birinchi bosqichi 2021-yil 26-27-28-dekabr kunlari Qoraqalpog‘iston Respublikasi, viloyatlar va Toshkent shahrida bo‘lib o‘tadi.

👨🏻‍💻 Talabgorlar test joyi, kuni va vaqtini my.dtm.uz saytidan shaxsiy kabineti orqali bilib olishlari mumkin.

🖥 Mazkur ma’lumotlar “Chet tillar o‘qituvchilari uchun test sinovlari” bo‘limining “Mening arizalarim” qismida berilgan.

⏳ Talabgorlardan test sinovi o‘tkaziladigan hududga belgilangan vaqtdan kamida yarim soat oldin shaxsini tasdiqlovchi hujjat – pasport (ID-karta) bilan kelishlari so‘raladi.

📌 Test sinoviga kechikkan yoki kelmagan talabgorlar uchun qo‘shimcha test sinovi o‘tkazilmaydi.

Davlat test markazining rasmiy sahifalari:
Telegram | Facebook | Instagram | YouTube

❗️Давлат органларининг телеграмдаги расмий саҳифаларини кузатиб боринг!

Ўзбекистонда расмий ахборотнинг биринчи манбаси - ахборот хизматлари ҳисобланади. Хозирги кунда барча давлат органлари телеграмда ўз саҳифаларини юритишмоқда.

Мазкур телеграм каналларида янги қонун ҳужжатлари шарҳи, аҳамиятли мавзулар юзасидан экспертлар фикри, муҳокамаларга сабаб бўлаётган мавзуларга оид расмий идоралар позициясидан бохабар бўлиш имконияти мавжуд.

🔔 Давлат органларининг расмий каналлари билан танишиб, аъзо бўлишни тавсия қиламиз.

TOEFL ITP imtihoni uchun ro‘yxatdan o‘tish yakunlanishiga 3 kun qoldi

👨🏻‍💻 2021-yil 1-dekabr kuni dekabr oyida bo‘lib o‘tadigan TOEFL ITP imtihoni uchun talabgorlarni onlayn ro‘yxatga olish boshlangan edi.

📆 Ro‘yxatga olish Davlat test markazining my.dtm.uz sayti orqali amalga oshirilmoqda va 23-dekabrga qadar davom etadi.

🖥 Test sinovi esa 24-dekabr kuni Toshkent shahrida (Davlat test markazida) onlayn tarzda o‘tkaziladi va talabgorlar test sinovi yakunlanishi bilan o‘z natijasini bilib oladi.

📌 Imtihondan muvaffaqiyatli o‘tgan talabgorlarga ETS tashkilotining xalqaro sertifikati beriladi.

❇️ Eslatib o‘tamiz: O‘zbekiston Respublikasi Prezidentining 2021-yil 19-maydagi PQ-5117-son qaroriga binoan C1 darajaga to‘g‘ri keluvchi TOEFL ITP sertifikatiga ega bo‘lgan ta’lim muassasalarining xorijiy tillar o‘qituvchilariga ularning bazaviy tarif stavkasiga nisbatan har oylik 50 foiz miqdorida qo‘shimcha ustama beriladi.

✅ Talabgorlar quyidagi havola orqali test namunalari bilan tanishishlari va test sinoviga tayyorgarlik ko‘rishlari mumkin:
👉 https://www.ets.org/toefl_itp/l1v3_ebook

Ilmiy markazning telegram kanali:
👉 @dtmilmiymarkaz 👈

#Sayyor_qabul
Andijon va Namangan viloyatlarida sayyor qabul

📋 Davlat test markazi rahbariyati tomonidan Markaz faoliyatiga oid masalalar yuzasidan jismoniy va yuridik shaxslarning murojaatlarini ko‘rib chiqish maqsadida sayyor qabullar tashkil etilmoqda. Navbatdagi sayyor qabullar 22-dekabr kuni:

🔹 Andijon viloyatida Davlat test markazi direktori Karimov Madjit Malikovich;
🔹 Namangan viloyatida Davlat test markazi bosh boshqarma boshlig‘i Mirzayev Farxod Isamovich tomonidan o‘tkaziladi.

✅ Sayyor qabullar Andijon viloyatida:

👉 12:00 da – Andijon davlat universitetida;
👉 13:30 da – Andijon shahrida joylashgan Prezident xalq qabulxonasida;

✅ Namangan viloyatida:

👉 11:00 da – Namangan shahrida joylashgan Prezident xalq qabulxonasida;
👉 14:00 da – Namangan shahri, “Porloq” MFYdagi 52-umumta’lim maktabida bo‘lib o‘tadi.

Davlat test markazining rasmiy sahifalari:
Telegram | Facebook | Instagram | YouTube