⚡️ 2023-2024-o‘quv yili uchun javoblar varaqasi namunasi va baholash mezoni tasdiqlandi

📌 Oliy ta’lim, fan va innovatsiyalar vazirining tegishli buyrug‘i bilan 2023-2024-o‘quv yili uchun oliy ta’lim muassasalarining bakalavriatiga kirish test sinovlarida foydalaniladigan javoblar varaqasi namunasi va baholash mezoni tasdiqlandi.

✅ Qayd etish kerakki, tasdiqlangan baholash mezoni (test topshiriqlari soni) va javoblar varaqasi namunasi 2022-2023-o‘quv yilidagi bilan bir xil bo‘lib, baholash mezoniga ham, javoblar varaqasiga ham o‘zgartirish kiritilmagan.

📋 2023-2024-o‘quv yili uchun oliy ta’lim muassasalarining bakalavriatiga kirish test sinovlarida foydalaniladigan javoblar varaqasi namunasi yuqoridagi rasmda keltirilgan.

Agentlikning rasmiy sahifalari:
Telegram | Facebook | Instagram | YouTube

​​⚡️ Test topshiriqlari soni va baholash mezoni

✅ 2023-2024-o‘quv yili uchun oliy ta’lim muassasalarining bakalavriatiga kirish test sinovlarida abituriyentlarga beriladigan test topshiriqlari soni va baholash mezoni:

▶️ Majburiy 3 ta fan (ona tili, matematika va O‘zbekiston tarixi) bo‘yicha:

🔹 har bir fandan 10 tadan jami 30 ta test topshirig‘i;
🔹 har bir to‘g‘ri javob uchun — 1,1 balldan;
🔹 maksimal ball — 33 ball.

1️⃣-mutaxassislik fani bo‘yicha:

🔸 test topshiriqlari soni — 30 ta;
🔸 har bir to‘g‘ri javob uchun — 3,1 balldan;
🔸 maksimal ball — 93 ball.

2️⃣-mutaxassislik fani bo‘yicha:

🔹 test topshiriqlari soni — 30 ta;
🔹 har bir to‘g‘ri javob uchun — 2,1 balldan;
🔹 maksimal ball — 63 ball.

📚 Umumiy 5 ta fan bo‘yicha test topshiriqlari soni — 90 ta. To‘plash mumkin bo‘lgan maksimal ball – 189 ball.

🔗 Ta’lim yo‘nalishiga mos test sinovi topshiriladigan fanlar majmuasi bilan ushbu havolada tanishish mumkin.

Agentlikning rasmiy sahifalari:
Telegram | Facebook | Instagram | YouTube

⚡️ Ona tili va adabiyot fanidan milliy sertifikat imtihoni uchun ruxsatnoma berish boshlandi

📆 2023-yil 14-may (yakshanba) kuni bo‘lib o‘tadigan ona (o‘zbek, rus, qoraqalpoq) tili va adabiyot fanidan milliy sertifikat imtihoni uchun ruxsatnomalarni berish boshlandi.

🖥 Test sinovida ishtirok etadigan talabgorlar ruxsatnomani my.uzbmb.uz saytining “Milliy sertifikat” bo‘limidan olishlari mumkin.

✅ Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

📌 Talabgorlar test sinovi o‘tkaziladigan binolarga shaxsini tasdiqlovchi hujjat (pasport yoki ID-karta) asosida:

1️⃣-smenada 07:30 dan boshlab (test sinovi 09:00 da);
2️⃣-smenada 12:30 dan boshlab (test sinovi 14:00 da) kiritiladi.

❕ Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.

Agentlikning rasmiy sahifalari:
Telegram | Facebook | Instagram | YouTube

⚡️⚡️⚡️ Nostrifikatsiya bo‘yicha alohida telegram kanal va bot ishga tushirildi

✅ Bilimni baholash agentligi tomonidan xorijiy davlatda oliy ta’lim olganlik to‘g‘risidagi hujjatlarni tan olish (nostrifikatsiya qilish) jarayonlari bo‘yicha ma’lumot berib borish maqsadida alohida telegram kanal ishga tushirildi.

📣 Unda xorijiy davlatda oliy ta’lim olganlik to‘g‘risidagi hujjatlarni tan olish (nostrifikatsiya qilish) tartibi va o‘tkaziladigan test sinovlari to‘g‘risida ma’lumotlar berib boriladi.

▶️ Telegram kanal manzili: @NostrifikatsiyaBBA

🖥 Shuningdek, nostrifikatsiya xizmati bilan bog‘liq murojaatlarni qabul qilish maqsadida @NostrifikatsiyaBBA_bot telegram boti ham ishga tushirildi.

📤 Fuqarolar mazkur bot orqali xorijiy davlatda oliy ta’lim olganlik to‘g‘risidagi hujjatlarni tan olish (nostrifikatsiya qilish) bo‘yicha o‘z savollarini yuborishi va javob olishi mumkin.

📩 Botga kelib tushgan savollarga Bilimni baholash agentligining Oliy ta'lim to‘g‘risidagi hujjatlarni nostrifikatsiyalash va apostil qo‘yish bo‘limi xodimlari tomonidan javob beriladi.

Agentlikning rasmiy sahifalari:
Telegram | Facebook | Instagram | YouTube

Ilmiy-o‘quv amaliy markazi tomonidan malaka oshirish kurslari o‘tkazilmoqda

👩‍🏫 Bilim va malakalarni baholash agentligi huzuridagi Ilmiy-o‘quv amaliy markazi tomonidan bir qator malaka oshirish kurslari tashkil etilmoqda.

📚 Malaka oshirish kurslari asosan pedagogik o‘lchovlarga oid eng asosiy tushunchalarni berishga qaratilgan bo‘lib, test topshiriqlarini shakllantirish va to‘g‘ri baholash bo‘yicha ilmiy asoslangan ma’lumotlar beriladi.

✅ Ushbu video orqali tashkil etilayotgan malaka oshirish kurslari va Ilmiy-o‘quv amaliy markazining faoliyati bo‘yicha ma’lumotga ega bo‘lishingiz mumkin.

Agentlikning rasmiy sahifalari:
Telegram | Facebook | Instagram | YouTube

⚡️ “El-yurt umidi” jamg‘armasining stipendiya tanloviga nomzodlarni saralash test sinovlari

✅ 2023-yil 13-may kuni “El-yurt umidi” jamg‘armasining 2023-yilgi 1-stipendiya tanloviga nomzodlarni saralash uchun test sinovlari o‘tkaziladi.

👨🏻‍🎓 Test sinovlari xorijiy davlatlarning nufuzli universitetlari va ilmiy markazlarida bakalavriat, magistratura va doktoranturada ta’lim olish maqsadida hujjat topshirgan talabgorlar uchun bo‘lib o‘tadi.

⏳ Test sinovida talabgorlarga 50 ta test topshirig‘i va ularni ishlash uchun 120 daqiqa (2 soat) vaqt beriladi. Bunda talabgorlarning quyidagi bo‘limlari bo‘yicha bilimi sinovdan o‘tkaziladi:

📚 Bakalavriat ta’lim yo‘nalishlari uchun:

🔹 o‘qish savodxonligi (davlat tili) — 20 ta test topshirig‘i;
🔹 tahliliy fikrlash — 15 ta test topshirig‘i;
🔹 IQ — 15 ta test topshirig‘i;

🎓 Magistratura va doktorantura mutaxassislik yo‘nalishlari uchun:

🔹 o‘qish savodxonligi (davlat tili) — 20 ta test topshirig‘i;
🔹 tahliliy fikrlash — 15 ta test topshirig‘i;
🔹 ilmiy maqola yozish ko‘nikmalari — 15 ta test topshirig‘i.

🖥 Test sinovi barcha hududlarda kompyuterda elektron shaklda o‘tkaziladi va talabgorlar test sinovi yakunlanishi bilan o‘z natijasini bilish imkoniyatiga ega bo‘ladi.

Agentlikning rasmiy sahifalari:
Telegram | Facebook | Instagram | YouTube