Ўзбекистонда тўққиз йилдан буён қидирувда бўлган “Жиҳодчилар” диний-экстремистик оқими аъзоси бўлган марғилонлик шахсга суд ҳукми ўқилди.

Абдуҳодий Абдураҳмонов 2010-2012 йилларда Россия Федерациясида ишлаб юрган вақтда мазкур диний оқим таъсирига тушиб, унинг аъзоси бўлган.

Фарғона шаҳрида акаси ва бир қатор шахслардан иборат оқимнинг “жамоати”ни ташкил қилган. Унинг йиғилишларида фаол иштирок этиб келган.

Йиғилишларда “Жиҳодчилар” диний-экстремистик оқими тарафдорлари ҳамда бошқа диний экстремизм ва ақидапарастлик ғоялари билан йўғрилган маърузалар, видео ва роликлар муҳокама қилинган.

Ўзбекистонда “Исломий давлат” қуриш, Сурия ва бошқа араб давлатларига ҳижратга чиқиб, “жиҳодий” урушларда иштирок этиш, “шаҳид” бўлишни мақсад қилган. Шунингдек, у 2014 йилда Туркияда бўлиб турган акаси билан ижтимоий тармоқлар орқали алоқага чиқиб, унинг даъвати асосида “жиҳодий” урушларда иштирок этиш ва шу йўл билан биродарларига ёрдам бериш мақсадида Россиядан Туркияга ҳижрат қилган. У ерда акаси билан бирга оқим аъзоларига маблағ жўнатиб, уларни Сурияга жиҳодга чиқариш билан шуғулланиб келган. Шунингдек, у Москвада ҳам бир гуруҳ ўзбекистонликларни “жамоат” йиғилишларига жалб қилиб, уларни “жиҳод” қилишга даъват қилиб келганлиги маълум бўлди.

Ҳуқуқни муҳофаза қилувчи идоралар томонидан у ташкил қилган “жамоат” аъзоларининг уйидан диний оқимга тегишли, мамлакатимизда тақиқланган материаллар далилий ашё сифатида олинган. 2023 йил март ойида Туркия полицияси томонидан диний оқим аъзоси қўлга олиниб, Ўзбекистонга экстрадиция қилинди. Суд ҳукми билан А. Абдураҳмоновга 6 йилу 6 ойга озодликдан маҳрум қилиш жазоси тайинланди.

Telegram

8 январь - Прокуратура органлари ходимлари куни

Прокуратура органлари ходимларини касб байрами билан табриклаб, халқ манфаати йўлида оғишмай хизмат қилишларида муваффақиятлар тилаймиз.

Telegram

Фарғонада ақидапарастлик ғояларини тарғиб қилувчи материалларни эшитиб, уларни тарқатиб келган шахс суд томонидан 3,5 йил муддатга озодликдан маҳрум қилинди.

Сўх туманида яшовчи 22 ёшли У. М. (исмлар шартли) фойдали иши билан юртига хизмат қилиш ўрнига ёт ғоялар гирдобига тушиб қолди. Россия Федерациясида ишлаб юрган вақтида интернетдаги турли сайтлардан диний мазмундаги маъруза ва нашидаларни эшитиб, уларнинг таъсирида диний ақидапарастликка берилди.

Хусусан, у Ўзбекистон Республикасида фаолияти тақиқланган халқаро террористик ташкилоти раҳномолари “Абу Салоҳ”нинг диний мазмундаги ҳамда Ўзбекистон Республикаси конституциявий тузумини зўрлик билан ўзгартиришга чорловчи маърузаларини тинглаб, томоша қилган. Telegram профилига мазкур маърузаларни жойлаб, танишларига тарқатиш билан шуғулланган.

У. М.нинг телеграм канали кўздан кечирилганда турли диний материаллар, видеороликлар сақлангани аниқланган. Вазирлар Маҳкамаси ҳузуридаги Дин ишлари бўйича қўмитанинг хулосасига кўра, олинган диний мазмундаги маърузалар ақидапарастлик ғоялари билан йўғрилганлиги, Ўзбекистон Республикаси ҳудудида фаолияти тақиқланган “Тавҳид ва жиҳод катибаси” террористик уюшмасига тегишли эканлиги ҳамда уларни мамлакатимизга олиб кириш, тайёрлаш ва тарқатиш тақиқланганлиги кўрсатилган.

Жиноят ишлари бўйича Сўх туман суди томонидан мазкур жиноят иши кўриб чиқилиб, унга 3,5 йил озодликдан маҳрум қилиш жазоси тайинланди.

Telegram

#таҳлил_ва_таклиф

ЯНГИ ЖИНОИЙ ЖАВОБГАРЛИК ЗАРУРАТИ

Ҳозирги пайтда гиёҳвандлик воситалари аналоглари ҳисобланган турли хил “дори”ларни истеъмол қилиш ҳолатларининг кўпайиб бораётгани ташвишланарлидир.

👉 Батафсил

Telegram

#шарҳ

МУҲИМ РАҲБАРИЙ ТУШУНТИРИШЛАР ЁХУД СУДЛАР ТОМОНИДАН ҚОНУНЧИЛИК ҲУЖЖАТЛАРИ НОРМАЛАРИНИ ҚЎЛЛАШДА ОЛИЙ СУД ПЛЕНУМИ ҚАРОРИНИНГ АҲАМИЯТИ

Мамлакатимизда ер умуммиллий бойлик бўлиб, халқимизнинг турмуш фаровонлиги гарови ҳисобланади. Шунинг баробарида, ҳажм жиҳатидан чекланган табиий ресурс бўлгани сабабли она заминимиз бебаҳо неъматдир. Шу маънода, янги таҳрирдаги Конституциямизнинг 68-моддасида ердан оқилона фойдаланиш зарурлиги ва у давлат томонидан муҳофаза қилиниши белгилаб қўйилгани бежиз эмас.

👉 Батафсил

Telegram

#жиноят_ва_жазо

ФИРИБ “ЎЙИНИ” АЯНЧЛИ ЯКУН ТОПДИ

Турмуш ўртоғи вафот этгач, Гулбаҳор Раҳмонованинг (исм-шарифлар ўзгартирилган) оиласи моддий томондан бироз қийналиб қолди. Оила ҳар ойда бериладиган боқувчисини йўқотганлик нафақаси ортидан кун кечирарди. Шундай кунларнинг бирида қўшниси Норой Бекмуродова яхши хабар олиб келди. Унинг айтишича, туман ҳокимиятида ишлайдиган таниши Саида Ҳайдарова кам таъминлаган оилаларга бир марталик субсидия ажратишга ваъда берибди.

👉 Батафсил

Telegram

В соответствии со статьёй 506 Гражданского кодекса, даритель вправе отказаться от исполнения договора, содержащего обещание передать в будущем одаряемому вещь или имущественное право либо освободить одаряемого от имущественной обязанности, если после заключения договора его имущественное положение существенно ухудшилось.

Даритель вправе отказаться от исполнения договора, содержащего обещание передать в будущем одаряемому вещь или имущественное право либо освободить одаряемого от имущественной обязанности, по основаниям, предусмотренным частью первой статьи 507 (отмена дарения) настоящего Кодекса.

Отказ дарителя от исполнения договора дарения по основаниям, предусмотренным настоящей статьёй, не дает одаряемому права требовать возмещения убытков.

Telegram

Суд қарорларини текшириш тартиби такомиллаштирилмоқда

Telegram

Фарғона вилоятида ҳуқуқни муҳофаза қилувчи органлар томонидан гиёҳвандлик моддаси контрабандаси билан шуғулланган жиноий гуруҳ фаолиятига чек қўйилди. Улардан икки килограммга яқин “гашиш” гиёҳвандлик моддаси далилий ашё сифатида олинди.

Фарғона туманида яшовчи Р. К., У. Т. ва У. Т. (исмлар шартли) Қирғиз Республикаси фуқароси “Рома” исмли шахс билан гиёҳвандлик моддаси савдосини амалга оширишни режа қилади. Бунинг учун улар контрабанда йўли билан қўшни давлатдан гиёҳвандлик воситасини Ўзбекистонга олиб ўтиш, сақлаш ва сотиш пайида бўлган. Р. К. “Рома” билан телефонда гаплашганда Қирғизистондан олиб ўтилган гиёҳвандлик воситасини қабул қилиб олишини айтади. У. Т. гиёҳвандлик воситасини “Рома” юборган геолокация орқали Андижон тумани “Боғишамол” даҳасидаги автомобиль йўли четидаги яшириб қўйилган жойдан олган. Тошкентдан қайтаётган У. Т. билан Данғара тумани ҳудудидаги “патир бозор”да кўришиб, пойтахтга қараб “Ботир” исмли шахсга сотиш учун йўл олишган.

Наманган вилояти Поп туманидаги “Шеробод” ЙПХ масканида ДХХ ходимлари томонидан улар ҳаракатланаётган “Дамас” автомашинаси тўхталиб кўздан кечирилганда, икки бўлакдан иборат “гашиш” гиёҳвандлик воситаси борлиги аниқланди. Суд-кимёвий экспертизасининг хулосасига кўра, унинг соф оғирлиги 1 976 граммга тенглиги кўрсатилган. Улар жиноий ҳаракатини ўзларига боғлиқ бўлмаган сабабларга кўра охиригача етказа олмади.

Суд томонидан мазкур жиноятни содир этганларга ҳукм ўқилди. Р. К.га 13 йил 2 ой, У. Т.га 12 йил ҳамда У. Т.га 10 йил озодликдан маҳрум қилиш жазоси тайинланди.

Telegram

РАСМИЙ АХБОРОТ

Бугун жиноят ишлари бўйича Мирзо Улуғбек туман судида Жиноят кодексининг 130-моддаси (порнографик маҳсулотни тайёрлаш, олиб кириш, тарқатиш, реклама қилиш, намойиш этиш) 2-қисми “б” банди, 139-моддаси (туҳмат) 3-қисми “а”, ”г” бандлари, 140-моддаси (ҳақорат қилиш) 2-қисми, 141-3-моддаси (шахснинг шаънини ва қадр-қимматини камситувчи ҳамда инсон ҳаётининг сир тутиладиган томонларини акс эттирувчи маълумотларни ошкор қилиш) 2-қисми “б”, “в” бандлари ва 165-моддаси (товламачилик) 2-қисми “а”, “в” бандларида назарда тутилган жиноятларни содир этган гуруҳ аъзоларига оид жиноят ишини кўриб чиқиш бўйича суд жараёни якунланиб, суд ҳукми эълон қилинди.

Ушбу жиноят иши жиноят ишлари бўйича Мирзо Улуғбек туман судининг судьяси Ж. Саидов раислигида Жиноят-процессуал кодексининг 19-моддаси (судда жиноят ишларининг ошкора кўрилиши) талабларига мувофиқ ёпиқ суд мажлисида кўриб чиқилди.

Эълон қилинган суд ҳукмига мувофиқ гуруҳ аъзоларига 3 йилдан 7 йилгача муддатга озодликдан маҳрум қилиш жазоси тайинланди.

Жиноят воситаси деб топилган “Telegram” мессенжеридаги тегишли каналлар ва аккаунтлар Рақамли технологиялар вазирлиги орқали блокланиши белгиланди.

Жабрланувчиларга жиноят доирасида етказилган моддий ва маънавий зарарларни ундириш масаласида фуқаролик ишларини юритиш тартибида судга мурожаат қилиш ҳуқуқлари борлиги тушунтирилди.

Биринчи инстанция судининг ҳукмидан норози тарафлар қонунда белгиланган тартиб ва муддатда Тошкент шаҳар судига шикоят бериш ва протест келтиришга ҳақлилиги маълум қилинади.

Telegram