Азиз Абидов | Олий суд

ДИҚҚАТ, ТАНЛОВ!

Ўзбекистон Республикаси Олий суди, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, АҚШ Халқаро тараққиёт агентлиги (USAID) ҳамда “East-west management institute” НТТ Ўзбекистондаги филиалининг “Суд тизимини мустаҳкамлаш” (JSSA) қўшма лойиҳаси ҳамкорлигида суд органлари фаолиятини тўғри ва холисона, қонун талаблари доирасида ёритишни рағбатлантириш мақсадида ташкил этилган анъанавий «Адолат – қонун устуворлигида» танловини эълон қилади.

Танловга 2023 йилнинг 1 январидан 1 июнига қадар аҳолининг ҳуқуқий саводхонлигини ошириш ҳамда жамиятда ҳуқуқий маданиятни юксалтиришга йўналтирилган, судлар фаолиятига доир объектив ҳамда асосли фикр-мулоҳозалар акс этган босма ва интернет нашрларда эълон қилинган мақола, интервью ва суд очерклари, шахсий блог ва каналларда чоп этилган билдириш ва таҳлилий материаллар, телевидение ва радиода эфирга узатилган лавҳа, кўрсатув ва эшиттиришлар қабул қилинади.

Ижодий ишлар жорий йилнинг 10 июнига қадар [email protected] электрон-манзилига “Адолат – қонун устуворлигида” белгиси билан муаллиф ҳақидаги асосий маълумотлар бирга тақдим қилиб борилиши лозим.

Тақдим этилган материаллар танлов ҳайъати аъзолари томонидан баҳоланиб, қуйидаги номинациялар бўйича ғолиблар аниқланади:

1. Телевидение ва радио;

2. Интернет ва босма нашрлар;

3. Журналист/блогер;

4. Судья ва суд ходими;

5. Илмий ходим;

Барча йўналишлар бўйича 1, 2, 3-ўрин ғолиблари аниқланиб, асосий ўринлардан ташқари ҳар бир номинацияда биттадан рағбатлантирувчи мукофот ҳам таъсис этилган.

Ғолибларни тақдирлаш маросими 27 июнь – Матбуот ва оммавий ахборот воситалари ходимлари куни арафасида ўтказилиб, ғолиблар танлов рамзи, диплом ва совғалар билан мукофотланади.

Мурожаат учун манзил: 100186, Тошкент шаҳри, А. Қодирий кўчаси, 1-уй, телефон: (71) 239-02-43, 239-02-55, 239-02-67.

Каналга обуна бўлиш 👉 https://t.iss.one/AzizAbidov

36.9K views14:18