🇮🇷İranda iki məhbus işgəncə nəticəsində komaya düşüb😢

Kütləvi etirazlara qatıldıqlarına görə həbs edilən Həsən Firuzi və Məhəmməd İxtiyarian adlı iki gənc işgəncə nəticəsində komaya düşüb.

Məhbuslardan birinin komaya düşməzdən öncə yayılan səs yazısında onun artıq dözə bilmədiyi, işgəncələrdən qurtulmaq üçün edam edilməyi arzuladığı deyilir. İran İnsan Haqları Təşkilatı hər iki etirazçının həyatının təhlükədə olduğunu bildirib.

دو تن از زندانیان براثر شکنجه به کما‌ رفتند

#İran #məhbus #koma

🇬🇧🇮🇷Britaniya İranın bir sıra rəsmilərini boykot edib

Böyük Britaniya bu gün İranın bir sıra rəsmilərinə, o cümlədən Baş prokurorun müavini Əhməd Fazelyana qarşı əlavə sanksiyalar tətbiq edib.

Sanksiyaya məruz qalan şəxslər arasında İran İslam Respublikasının Quru Qoşunlarının Baş komandanı Kiyumərs Heydəri, “Bəsic” Müqavimət Qüvvələri və bu qüvvələrin komandirinin müavini Salar Abnuş, İslam İnqilabı Keşikçiləri Korpusunun (SEPAH) "Sarallah" Qərargahının komandirinin müavini Hüseyn Nejatın adı da var.

Sanksiyaya məruz qalan şəxslərin aktivləri dondurulacaq və Böyük Britaniyaya səyahət qadağası tətbiq ediləcək.

انگلیس تعدادی از مقامات جمهوری اسلامی را تحریم کرد

#Britaniya #İran #sanksiya

🇺🇸🇮🇷ABŞ-ın Maliyyə Nazirliyi yanvarın 23-də İslam Respublikasının və SEPAH-a bağlı Kooperasiya Fondunun yüksək vəzifəli şəxslərini kütləvi etirazları yatırdıqlarına görə Vaşinqtonun sanksiyalar siyahısına əlavə edib.

Nazirliyin yaydığı bəyanata əsasən, Kooperasiya Fondu iqtisadi qurum kimi təqdim olunur, hansı ki, SEPAH-ın yüksək rütbəli rəsmiləri investisiyaların idarə edilməsi və İranın iqtisadi sahələrində iştirak etmək üçün sözügedən qurumu təsis ediblər.

Həmçinin Kooperasiya Fondunun idarə heyətinin beş üzvü - İranın ETTELAAT nazirinin müavini Naser Raşedi və SEPAH-ın 4 yüksək rütbəli komandanı, o cümlədən Məhəmməd Nəzər Əzimi, Kuruş Asiyabani, Muctəba Fəda və Hüseyn Tənavur Vaşinqtonun yeni sanksiyalarina məruz qalıblar.

#ABŞ #Sepah #sanksiya

Evin zindanının 31 qadın məhbusu məktub yazaraq, "ədalətsiz həbs cəzaları"nın verilməsinə son qoyulmasını istəyiblər (HRANA).

#İran #məhbus_qadınlar

🇮🇷İranın "Bəndər Xomeyni" neft-kimya şirkətinin işçiləri əməkhaqları və müavinətlərinin verilməməsinə etiraz olaraq aksiya keçiriblər✊

Narazı işçilər "fəhlənin haqqını yemək haramdır",
"Səriştəsiz rəhbər istəmirik" şüarları səsləndiriblər.

تجمع و اعتراض کارکنان پتروشیمی بندرخمینی در اعتراض به پرداخت نشدن حقوق و مزایا
کارگران شعار می‌دهند:
"خوردن حق کارگر حرام است"
"مسئول بی‌کفایت نمی‌خواهیم"

🇮🇷🇦🇲İran hökuməti Zəngəzurda (Sünik) ermənilər üçün yol, bənd salacaq

دولت ایران در‌ منطقه زنگه‌زور‌ (سونیک) برای ارامنه جاده و سد احداث می کند

#İran #Ermənistan

🇮🇷"Ankaranın dəstəyi olmasa, Bakının İranın ərazi bütövlüyünü təhdid etməyə cəsarəti çatmaz..."-iranlı ekspertdən cəfəng iddia

İranın qatı anti-Azərbaycan eksperti Ehsan Movəhhediyan İLNA-ya müsahibəsində İran prezidentinin Türkiyəyə mümkün səfərinin məqsədlərini qiymətləndirərkən və “Bir sıra analitiklər bu səfərin Türkiyədə prezident seçkiləri ərəfəsində edilməsi ilə bağlı xəbərdarlıq edirlər. Bu narahatlıq və xəbərdarlıq hansı məsələlərdən qaynaqlanır?” sualına cavabında deyib:

“Prezident Rəisinin Türkiyəyə gözlənilən səfərinin bu ölkədə prezident seçkiləri ərəfəsində reallaşmasına israr olarsa, nəzərə alınmalı olan bir sıra məqamlar var. Qəbul etməliyik ki, Ərdoğan xüsusilə son illərdə İran İslam Respublikasına qarşı mənfi yanaşma ortaya qoyub və Ankaranın həyata keçirdiyi bir çox siyasi addımlar İranın maraqlarını təhlükə altına qoyub.

Türkiyənin Suriya və İraq siyasəti bu ölkələrin ərazisinin bir hissəsini işğal etmək, enerji resurslarına nəzarət etmək və İranın bu iki ölkədən keçib Aralıq dənizinə çıxmaq üçün istifadə etdiyi dəhliz marşrutlarını təhlükəli vəziyyətə salmaq məqsədi daşıyan təcavüzkar siyasətdir”.

O, əlavə edib: “Bu davranışları Ankaranın Bakı ilə İranın ərazi bütövlüyünü təhdid etmək, ərazi iddiaları irəli sürmək üçün geniş əməkdaşlıq etməsi və təbii ki, İranın mədəni, tarixi və mədəni şəxsiyyətlərinin Bakıya aid edilməsi ilə bağlı mövcud xəbərlərlə yanaşı qoysaq, əslində bunlar yanlış siyasətlərdir ki, Türkiyənin dəstəyi olmasaydı, Bakının bunları bəyan etməyə və həyata keçirməyə cəsarəti çatmazdı.

Analitikn iddiasına görə, bütün bu siyasətlərə və Araz və Fərat çayları üzərində İranın hidropolitik təhlükəsizliyini təhlükə altına alan və “azərilərin” yaşadığı əyalətlərdə bir çox sənaye sahələrini hədəf alan, İranın ərzaq təhlükəsizliyini təhlükə altına alan, həmin ərazilərdə işsizliyə və miqrasiyaya səbəb olan böyük bəndlərin tikintisi siyasətlərinə əlavə olaraq, bütün bunlar Ərdoğanın anti-İran siyasətinin tərkib hissəsidir.

“Bütün qonşuları ilə münasibətləri gərgin olduğu üçün Ərdoğan xarici siyasət sahəsində nailiyyət əldə etdiyini, qonşuları ilə yaxşı münasibətdə olduğunu göstərmək üçün əlindən gələni edir. Ona görə də görürük ki, həm İran, həm də Ermənistanla bağlı aşkar siyasi dönüş edir və sərhədləri açır, halbuki əməldə Azərbaycanın “təcavüzünü” dəstəkləyir və biz onun Laçın dəhlizini kəsmək cəhdində rolunun şahidi oluruq. Amma digər tərəfdən Ermənistana münasibətdə atmosferi bir qədər dəyişməyə çalışır, Suriya ilə bağlı isə Əsəd hökumətinin istəklərini qəbul etmək iddiasında olduğunu görürük”,-deyə o, əsassız fikirlər irəli sürüb.

Urmuda 25 nəfər casusluq ittihamı ilə həbs olunub

Qərbi Azərbaycan əyalətinin mərkəzi Urmiya şəhərində həbslər olub. Bu barədə Məhbusların Vəziyyətinin Monitorinqi Komitəsi məlumat yayıb.

Məlumata görə, 8-i qadın olmaqla 25 nəfər casusluq və sosial mediada gəncləri etiraza təhrik etmək ittihamı ilə saxlanılıb.

Bildirilir ki, "Urmiya Məhəllələrinin Gəncləri" adlı qrup üzvlərinin 16-na qarşı cinayət işi açılıb və onlardan bir-birlərinə qarşı etiraf almaq üçün işgəncə verilib.

İnsan haqları təşkilatları Tehran rejiminin rəsmi iddialarının əsassız olduğunu bildirib.

Qeyd olunub ki, biri 15 yaşlı yeniyetmə qız olmaq şərti ilə həbs edilənlərin hamısı məktəblidir.(Gunaz)

بازداشت 25 نفر در ارومیه به اتهام جاسوسی

🇷🇺🇮🇷TƏHLİL: "Rusiyanın İrana qurduğu böyük tələ: Moskva heç vaxt Tehranı özünə müttəfiq hesab etmir"

Əli Musəvi Xalxali “İran diplomatiyası” saytında yazır:

“Moskva iki məqsədlə İrandan maksimum yararlanmağa çalışır. Birincisi, Qərb və beynəlxalq birlik və hətta ərəb ictimaiyyəti ilə qarşılıqlı əlaqədə İranın anti-Qərb baxışlarının maksimum istismarı kontekstində. İkincisi isə müharibənin bədəlini azaltmaq məqsədi ilə İranı Ukraynadakı müharibədə tərəfdaşa, hətta cinayət ortağına çevirir.

Rusiya İrandan həqiqətən nə istəyir? Biz doğrudan da Rusiyanın müttəfiqiyik? Rusiya bizi özünün strateji müttəfiqlərindən biri hesab edir?”.

Müəllifə görə, Rusiya heç vaxt İran İslam Respublikasını müttəfiq gözündə görməyib. Baxmayaraq ki, İranın bütün hökumətləri dövründə bir çox dövlət xadimləri Rusiyanın İranı strateji müttəfiqi hesab etməsinə çox həvəsli olsalar da, bu baş vermədi.👇👇👇

Hətta prezident İbrahim Rəisinin Rusiyaya səfəri zamanı onun Kremldə necə qarşılanması onu göstərdi ki, Moskva İranı müttəfiq kimi görmədiyi, hətta onu dost və özünə yaxın ölkə hesab etmədiyi mesajını vermək istəyir.

Rusiyanın bu yanaşması davam edir və Ukrayna müharibəsindən sonra da Rusiya İrana münasibətini dəyişməyib. Hətta iqtisadi əməkdaşlığın səviyyəsinin yüksəldilməsi baxımından İranın bütün həvəsinə baxmayaraq, Rusiyanın səyləri daha çox İrandan başqa dövlətlərdən istifadə etməkdir və o ölkələrin bəziləri hətta İranın rəqibi sayıla bilər.(irdiplomacy.ir)

دام گسترده روسیه برای ایران: مسکو هیچ‌گاه تهران را متحد خواد نمی‌داند

🇮🇷İranın oxatma üzrə yığmasının qadın üzvü hökumət qüvvələrinin açdığı atəşlə bir gözünü itirib😡

Kermanşah şəhərinin Tağbostan bulvarında sol gözündən güllə yarası alan Mehbanu Xoşnudi Kia bir gözündən məhrum olub.

27 yaşlı Mehbanu (Kövsər) Xoşnudi Kia İranın oxatma üzrə qadınlardan ibarət yığma komandasının üzvüdür və 2021-cü ildə oxatma üzrə Asiya yurnirində ikinci yerə sahib olub.

Qeyd edək ki, son bir neçə ayda İranın hökumət qüvvələri vətəndaşların gözlərini kor etmək niyyəti ilə dəfələrlə və məqsədyönlü şəkildə ov tüfəngi və peyntbollarla onların üz nahiyəsinə atəş açıb. İndi bu idmançı xanım da hakimiyyətin xalqı qorxutmaq və sıxışdırmaq üçün bu qəddar və qeyri-insani metodunun qurbanına çevrilib.

🇺🇸🇮🇷ABŞ: "Sanksiyalar qəbul etməklə biz İrana iki aydın mesaj verməyə çalışırıq"

ABŞ Dövlət Departamentinin sözçüsü Ned Prays İran rəsmilərinə qarşı sanksiyaların effektiv olması ilə bağlı deyib: "Biz Tehran rəsmilərinə iki çox aydın mesaj göndərməyi hədəfləyirik.
Birincisi, "dünya sizə tamaşa edir",
İkincisi isə, "lazımi addımları atmağa hazırıq".

Qeyd edək ki, dünən Vaşinqton İslam Respublikasının 10 rəsmisinə və SEPAH-ın Kooperasiya Fonduna qarşı sanksiya tətbiq edib.

🇮🇷İranda iki polis əməkdaşı öldürüldü

Bu gün, yanvarın 24-ü, səhər saat 02:00-da Sistan və Bəluçestan əyalətinin Bəmpur şəhərində iki polis əməkdaşı öldürülüb.

“Tasnim News”un xəbərinə görə, bu barədə Sistan və Bəluçestan əyalətinin polis komandanlığından məlumat verilib.

Bildirilib ki, dünən gecə əyalətin Bəmpur bölgə polis idarəsinin polis məmurları patrul missiyasını yerinə yetirərkən silahlı şəxslərin hücumuna məruz qalıb.
Atışma zamanı mayor Muxtar Mömini və leytenant Əbuzər Ümidvar həyatını itirib, daha bir polis nəfəri də yaralanıb.

Hücum edən silahlı dəstə üzvləri hadisə yerindən qaçıb. Faktla bağlı cinayət işi açılıb. Silahlı şəxslərin həbsi üçün xüsusi əməliyyat-axtarış qrupu yaradılıb.

کشته شدن ۲ مأمور پلیس حین درگیری مسلحانه در بمپور

🇮🇷İsfahanda etirazçılar xalqa divan tutan yarımhərbi və radikal "Bəsic" qüvvələrinə məxsus bazaya Molotov kokteylləri ilə od vurdu🔥✊

اصفهان - به آتش کشیدن پایگاه بسیج با کوکتل مولوتف

Güneyli fəala həbs cəzası verildi✌️

Güney Azərbaycanın Zəngan şəhərindən olan milli fəal Cəmşid Əşrəfi əyalətin Apellyasiya Məhkəməsi tərəfindən 7 ay həbs cəzasına məhkum edilib.

Məhkəmənin qərarında milli fəalın "Hökumət əleyhinə təbliğat aparmaq"da ittiham olunduğu bildirilib.

"Müttəhimin ali təhsilli olmasını nəzərə alaraq, onun etdiyi əməli bilərəkdən və məqsədli şəkildə etdiyinə qərar verilib", -deyə, məhkəmənin qərarında qeyd olunub.

دادگاه تجدیدنظر استان زنجان؛ محکومیت جمشید اشرفی به ۷ ماه حبس

Qaşqay türklərindən olan fəal edam edilə bilər😢🤬

Molla rejimi Qaşqay türklərindən olan işçi fəalı Arəş Qənbərini şərləyərək edam etmək istəyir.

İsfahanın Şəhriza şəhərində yaşayan 30 yaşlı fəal Arəş Qənbəri barədə “Peyğəmbəri təhqir etmək” ittihamı irəli sürülüb.

Belə ki, SEPAH qüvvələri ötən ilin dekabrın 28-də Arəşin evinə basqın edib, gözlərini, əl-qolunu bağlayaraq həbs edib, ETTELAAT İdarəsinə aparıblar. Repressiv hökumət qüvvələri həmçinin fəalın evində axtarış aparıblar.

Qeyd edək ki, insan haqları təşkilatları Arəş Qənbəriyə qarşı rejimin irəli sürdüyü ittihamın fəalın edamı ilə nəticələnə biləcəyi ilə bağlı xəbərdarlıq edirlər.(GADTB)

آرش قنبری فعال کارگری قشقائی با اتهام «سب‌النبی» در معرض خطر حکم اعدام قرار دارد!