Bir ruhani və fikir sahibi bizim bir sistem üçün verdiyimiz tərifi qəbul etmir, eybi yoxdur. Bu hakimiyyətləri qəbul edirsiniz, qəbul edin, neynək... Ən azı deyin ki, bax, insan kəramətini qorumaq üçün mənim də bir fikir sahibi olaraq nəzərim var. Bu şillər, korlar, əlillər, dəlixanada yatan insanlar... Bunların da kəraməti var, qeyri-möminlər, qeyri-müsəlmanlar, başı açıq qadınlar, içki içən cavanlar... Bunların da insanlıq kəraməti var, bunlar üçün də bir sistematik fikriniz olsun. Yəni fikir deyin bir müsəlman fikir sahibi, alimi olaraq. Hanı, hanı bu fikir?!
Axı, bu, insandır! Bu kuçə süpürən qadınlar, dəlixanada yatan insanlar... Məgər doğurdan kəramət əsasında onlarla rəftar olunur?
Yoxsa onları heyvandan da aşağı salırıq, təhqir edirik?! İslam deyir ki, hətta düşmən belə meydanda öldürülürsə, burun və qulağını kəsmək, meyidlərini təhqir etmək olmaz. Çünki onun da bir kəraməti var.

© Şeyx Orxan Məmmədov

t.iss.one/azerbaycan_arasdirma_merkezi

Üzərinə benzin tökərək özünü yandıran İkinci Qarabağ müharibəsi qazisi Ədalət İsmayılov tənəffüs yolları yandığı üçün vəfat edib. Ümumiyyətlə özünü yandıran insan sağ qalsa da cəhənnəmdə imiş kimi yaşayır. Özünü yandırmasının səbəbi nə olsa yaxşıdır? Qayı onu saxlayıb cərimə etdiyi üçün intihar edib. Dövlət Yol Polisi bu barədə rəsmi nə məlumat versə yaxşıdır? İnsanların həyatına təhlükə törədirmiş. Ə Vallah insanların həyatı üçün ən böyük təhlükə elə siz qayılarsınız. Normal ölkələrdə yol hərəkəti qaydasını pozan adamın ünvanına cərimə göndərilir. Siz isə onu qəza törədənə qədər qovursunuz. Bunu bilirsiz niyə edirsiz? Çünki cərimə böyüklərinizin cibinə gedir, amma isti-isti aldığınız rüşvət isə sizin cibinizə. Siz o qədər acgöz adamsız, svetaforda işıq yanmamış hərəkət edirsiz ki, digərləri də sizə baxıb çaşaraq hərəkət etsin və onu cərimə edəsiz. Yaxud da protiv yerlərdə dönürsüz ki, digərləri də sizə baxıb dönsün və onu cərimə edəsiz. Say-say qurtarmaz bu bijliklərinizi. Mənə maraqlıdır, siz qayılar o pulları evinizdəkilərə yedizdirəndə boyun nahiyəniz göynəmir?

(c) Yunis Həsənzadə

🔍 t.iss.one/analiz_azerbaycan

Azərbaycanda qadınların pensiya yaşı artırılıb 64 olub. Hər il qadınların pensiya yaşını 6 ay artırırlar. Ölkəmizdə insanların adətən 50-60 il ömür sürdüklərini nəzərə alanda belə başa düşürük ki, bu dövlət qocalmış insana ümumiyyətlə pensiya vermək istəmir. O qanunu qəbul edən, imzalayan, təklif edən deputat və məmurlara bir sualım var; Hansı özəl sahədə 60 yaşında insanı işə götürürlər ki, insanların pensiya yaşını 64 edirsiz? Özəl sahəni qoyaq qırağa, hansı dövlət qurumu 60 yaşında qadına iş verir axı? Bu yaşda olan adam harda nə işləyəcək? Sizin bu etdiyinizin bir adı var; qocalmısansa öl acından, vəssalam. Siz məmurlar necə əclaf adamlarsız...

(c) Yunis Həsənzadə

🔍 t.iss.one/analiz_azerbaycan