Turan Ekspress kanalı maraqlı və faydalı bir yazı paylaşıb. Nəticə çıxarmaq üçün yaxşıdır:

“Telegram”ın yaradıcısı və sahibi Pavel Durov DeepSeek qalmaqalından sonra maraqlı bir post yazıb. Tərcüməsini təqdim edirəm.
___
⭐️ Çin Yeni iliniz mübarək!

Çinli DeepSeek startapının uğurundan sonra bir çoxları Çinin süni intellekt sahəsində ABŞ-ı nə qədər tez çatdığına təəccüblənirlər. Bununla belə, Çinin alqoritm sahəsində effektivliyi heç nədən yaranmayıb. Çinli şagirdlər çoxdandır ki beynəlxalq riyaziyyat və proqramlaşdırma olimpiadalarında başqa ölkələri üstələyirlər 🏆

Riyaziyyat və elm sahəsində yüksək nailiyyətli məzunların yetişdirilməsinə gəldikdə isə Çinin orta təhsil sistemi Qərbinkindən üstündür. O şagirdlər arasında sərt rəqabəti təşviq edir – bu prinsip yüksək səmərəli sovet modelindən götürülmüşdür. 🎖

Qərb məktəblərinin əksəriyyəti isə, əksinə, tələbələrin qiymətlərinin və reytinqlərinin açıq elan edilməsini qadağan edərək, rəqabətə mane olur. Səbəb başadüşüləndir – şagirdləri təzyiq və ya istehzalardan qorumaq. Lakin bu cür tədbirlər ən yaxşı şagirdləri demotivasiya edır. Qələbə və məğlubiyyət bir sikkənin iki üzüdür. Uduzanları aradan götürün – qaliblər də olmayacaq. ☯️

Şagirdlərin çoxu üçün orta məktəbdə yarış mühiti onlara uğurlu olmağa motivasiya yaradır, onlar güclü rəqiblərə qarşı birinci yeri tutmağa çalışırlar. Şagirdlərin nailiyyətlərində şəffaflığın aradan qaldırılması iddialı yeniyetmələr üçün məktəbi mənasız edə bilər. Təəccüblü deyil ki, indi istedadlı uşaqların çoxu yarış oyunlarını təhsildən daha maraqlı hesab edirlər – ən azı videooyunlarında kimin neçənci yer tutduğunu görə bilirlər. 😵

Nailiyyətindən asılı olmayaraq, bütün şagirdlərə “sən çempionsan” demək xeyirxahlıq kimi görünə bilər – lakin məzun olduqdan sonra reallıq bu illüziyanı çox tez məhv edəcək. Xoş niyyətli məktəb siyasətindən fərqli olaraq, reallıqda ictimai qiymətlər və reytinqlər var – istər idmanda, istər biznes, elm və ya texnologiya sahəsində. DeepSeek-in üstünlüyünü nümayiş etdirən süni intellekt bençmarkı (bazar müqayisəsi) də belə ictimai reytinqlərdən biridir. Və onlar daha çox olacaq. ABŞ-ın orta təhsil sistemində köklü islahatlar aparılmasa, Çinin texnologiyalar sahəsində üstünlüyünün artması labüd görünür. 🇨🇳

Pavel Durov
29.01.2025

Mənəvi liberalizm - itbazlıq

© Şeyx Orxan Məmmədov

https://t.iss.one/azerbaycan_arasdirma_merkezi