30 il "ölkəmiz müharibə vəziyyətindədir" deyərək dövlət büdcəsindən milyardlarla dollar pul İsrail büdcəsinə axdı və dəyəri silah bazarında 20 min dollar olan silahlar milyonlarla dollara alındı. (Təbii ki, İsrail aldığı milyardlarla dollar həcmində neftin pulunu bu formada ödəyirdi. Bu, ayrı mövzudur.)

Bundan sonra isə dövlət bir 30 il də "Qarabağın yenidənqurulması" adı ilə büdcədən milyardlarla dollar pulu "yumaq" fikrindədir.

Xəbər; Qarabağın bərpasına dövlət büdcəsindən 7 milyard dollardan çox vəsait ayrılıb. Bu vəsaitin 3,4 milyardı iş görməsi üçün Türkiyə şirkətlərinə verilib.

İqtisadiyyat naziri Mikayıl Cabbarov belə deyib.

Onun sözlərinə görə, son 3 ildə Azərbaycanın sərmayə resurslarının böyük hissəsi işğaldan azad olunmuş ərazilərin bərpasına yönəlib.

Qarabağın bərpasından bundan öncə Baş nazir Əli Əsədov da danışmışdı. Demişdi ki, müharibədən sonrakı üç il müddətində Qarabağ və Şərqi Zəngəzur iqtisadi rayonundakı bərpa-quruculuq işlərinə dövlət büdcəsindən 12 milyard manat ayrılıb.

2024-cü ilin dövlət büdcəsində isə 4 milyard manat vəsait nəzərdə tutulub.

Əziz Azərbaycan xalqı! 30 il sənin vətənpərvər damarına toxunaraq cibindən oğurluq etdilər. İndi də özlərinin satdığı torpağı sənin balalarının qanı ilə alaraq boynuna minnət qoyurlar ki, pullar yenidənqurmaya xərclənir. Ola bilər deyəsən ki, axı əlimizdən nə gəlir? Eybi yoxdur, əlindən indi heç nə gəlmir, sabah inşallah gələr. Amma əsas odur ki, bu yalanları və oyunları anlayasan, təhlil edə biləsən. Unutma, beyinlər dəyişmədikcə, sistem və quruluş 100 dəfə də dəyişsə, əvvəlkindən sadəcə forma cəhətdən fərqlənəcək. Riyaziyyat qanunu kimi; toplananların yeri dəyişəndə cəm dəyişmir.

💡 t.iss.one/kerimedovlet 💡