Бүгин, 12-февраль күни 3-сектор, Ишки ислер бөлими баслығы тәрепинен спорттыӊ "Street work out" ҳәм киши футбол түри бойынша "3-сектор кубоги" өткерилди. Оған 3-секторға тийисли яғный, "Кердер", "Төктаў", "Арбашы" аўыл пуқаралары жыйынларынан жәмлеспеген жаслар қатнасты.

Бул жарысты өткериўден мақсети, жасларды спортқа кең қамтып алыў, физикалық мәдениятын асырыў, қәбилетли жасларды қоллап-қуўатлаў болып табылады.

Жарыс жуўмағында 1-орынды "Арбашы", 2-орынды "Төктаў" ҳәм 3-орынды "Кердер" жаслары жеӊип алды, жас спортшылар Ишки ислер бөлими тәрепинен диплом ҳәм саўғалар менен сыйлықланды.

Нөкис районы ҳәкимлиги Мәлимлеме хызмети
https://t.iss.one/Aqmangituz

Әлишер Наўайы ҳәм Бабурдың туўылған күнлерине бағышланған әдебий кеше Нөкис районындағы 16-санлы мектепте де болып өтти.

Байрам кешесинде шығып сөйлеген устазлар ҳәм кеше мийманы “Устаз жолы” газетасы бас редакторы Ж.Өтегенов, “Ақмаңғыт таңы газетасы редакторы Ә.Хожаназаров ҳәм басқалар Наўайы ҳәм Бабурдың түркий халықлар әдебияты тарийхында тутқан орны, олардың қарақалпақ әдебиятына тәсири, бүгинги әдебияттаныў илиминде олардың дөретиўшилигиниң изертлениўи, көркем әдебиятта Наўайы ҳәм Бабур образларының жаратылыўы ҳаққында кең түрде баянатлар жасады.

Буннан соң оқыўшылар тәрепинен Наўайы ҳәм Бабур шығармалары көркемлеп оқып, шығармаларынан сахналық көринислер атқарды.
Оқыўшылардың бул әдебий кеше даўамында атқарған қосықлары менен саханлық көринислери оқыўшылардың бул еки тулға дөретиўшилигин жақсы үйренгенлигиниң бир мысалы болды.

Нөкис районы ҳәкимлиги Мәлимлеме хызмети
https://t.iss.one/Aqmangituz