Мүбәрек рамазан айында саўаплы ислер

Бүгин 2023-жыл 28-март күни Нөкис районында Рамазан айында районның 1-сектор аймағына қараслы «Қырантаў» аўыл пуқаралар жыйынында жасаўшы пуқаралар ушын ифтарлық дәстурханы жайылды.

Илажға район ҳәкими О.Уснатдинов, сектор басшылары, Дин ислери бойынша комитетиниң Қарақалпақстан Республикасы аймақлық басқармасының районлық бас қәнигеси Д.Таўекелов, имам-хатиби ҳәм оразадағы нураный ата-аналарымыз қатнасты.

Сөзге шығып сөйлеўшилер бәршени мүбәрек рамазан айы менен қүтлықлады. Имамымыз тәрепинен бүгинги күндеги елимизде ҳүким сүрип турған тынышлықтың қәдирине жетиў, миллетлер аралық татыўлық, диний кеңпейиллик ҳәм басқа да руўхый-ағартыўшылық мазмунында түсиник жумыслары алып барылып, елимиздиң пәраўанлығы ушын қуръан сүрелери оқылды. Жыйналғанлар бундай саўаплы ислер ушын Президентимизге өзлериниң шексиз миннетдаршылықларын ҳәм шүкираналықларын билдирди.

Нөкис районы ҳәкимлигиниң мәлимлеме хызмети
https://t.iss.one/Aqmangituz

29-март күни Нөкис районы халық билимлендириў бөлимине қараслы 31-санлы улыўма орта билим бериў мектебиниӊ мәжилислер залында Өзбекстан Республикасы Олий Мажлис Нызамшылық палатасы депутаты Л.Сейтова, Қарақалпақстан Республикасы Жоқарғы Кеңеси тәрепинен районға бекитилген үгит-нәсиятлаў топары ағзалары қатнасыўында үгит-нәсият илажы өткерилди.

Илажда шығып сөйлеўшилер, мәмлекетимизде әмелге асырылып атырылған социал-економикалық реформалардың мазмун-мәниси, әсиресе жәмийетте «Инсан қәдири ушын» принципи тийкарында халқымыздың пәраўанлығын арттырыў, економика тармақларын трансформация қылыў ҳәм исбилерменликти жедел раўажландырыў барысындағы әмелге асырылып атырылған жумыслар атап өтилди.

Сондай-ақ, θзбекстан Республикасының жаңаланып атырған Конституциясының мазмуны ҳәм әҳмийети ҳаққында кең түрде түсиник берилип, Конституциялық Нызам жойбары бойынша усы жылдың 30-апрель күни болып өтетуғын Референдумға белсене қатнасыўға шақырды.

Нөкис районы ҳәкимлигиниң мәлимлеме хызмети
https://t.iss.one/Aqmangituz

Бүгин, Нөкис районы ХББнеқараслы 17-санлы мектебиниӊ мәжилислер залында Халық депутатлары нөкис районлық кеӊеси депутаты Мақсет Бегдуллаевтыӊ басшылығында «Саманбай» АПЖ аймағындағы жасаўшы пуқараларға үгит-нәсият илажы өткерилди.

Илажда аймақ белсендилери Венера Сабирова, Узилдик Сейфуллаева, Соадат Бекбосынова, Қурбанай Алланиязовалар мәмлекетимизде әмелге асырылып атырылған социал-экономикалық реформалардың мазмун-мәниси, әсиресе жәмийетте «Инсан қәдири ушын» принципи тийкарында халқымыздың пәраўанлығын арттырыў, економика тармақларын трансформация қылыў ҳәм исбилерменликти жедел раўажландырыў барысындағы әмелге асырылып атырылған жумыслар атап өтилди.

Сондай-ақ, Өзбекстан Республикасының жаңаланып атырған Конституциясының мазмуны ҳәм әҳмийети ҳаққында кең түрде түсиник берилип, Конституциялық Нызам жойбары бойынша усы жылдың 30-апрель күни болып өтетуғын Референдумға белсене қатнасыўға шақырды.

Нөкис районы ҳәкимлигиниң мәлимлеме хызмети
https://t.iss.one/Aqmangituz