Ҳүрметли президентимиз Шавкат Мирзиёев тәрепинен жәрияланған «Жасыл мәкан» улыӯма миллий жойбары шеңберинде Республикамыздың бәрше орынларында абаданластырыӯ ҳәм кѳклемзарластырыӯ жумыслары даўам етпекте.

Солар қатарында бүгин, 20-февраль күни Нөкис районы “Тақыркөл” АПЖ аймағында өткерилген Жасыл мәкан» акциясы шеӊберинде 4 гектар майданға 1750 түп алма, 2000 түп ерик ҳәм 2000 түп ақтерек нәллери егилди.

Бул акцияда жаслар белсендилик көрсетип, усы егилип атырған мийӯе нәллери келешекте экологиямыздың жақсыланыӯына ҳәм үлкен бағ болыўына исенемиз!

Нөкис районы ҳәкимлиги Мәлимлеме хызмети
https://t.iss.one/Aqmangituz

Самарқанд ўәлаяты ҳәкими Эркинжон Турдимов хызмет сапары менен Нөкис районында болды

Бүгин, 21-февраль күни Самарқанд ўәлаяты ҳәкими Эркинжон Турдимов Нөкис районында ўәлаяттан келген исбилерменлер менен ушырасты.

Ушырасыў барысында исбилерменлер тәрепинен район аймағында 2022-2023-жылларда әмелге асырылатуғын жойбарлар бойынша пикир алысыўлар болып өтти.

Бул 30 жойбарлардың әмелге асыўырылыўы нәтийжесинде районда тигиўшилик цехларын ашыў, қус гөшин ҳәм мәйегин жетистириўди шөлкемлестириў, шарўашылық ҳәм балықшылық тараўын еле де раўажландырыў, өсимлик майын ислеп шығарыўды жолға қойыў арқалы алдағы ўақытлары 1608 жаңа жумыс орынларын жаратыў нәзерде тутылған.

Нөкис районы ҳәкимлиги Мәлимлеме хызмети
https://t.iss.one/Aqmangituz

Нөкис районы "Қырантаў" АПЖ бойынша ҳәким жәрдемшиси Р.Кайбуллаев аймақ пуқараларының жасаў шараятларын үйренип әмелий түрде жәрдем бериў илажларын көрмекте.

Алып барылған жумыслар нәтийжесинде 35 жумыссыз пуқараға субсидия тийкарында ыссыхана, суў насозы, 5 пуқараға жеӊиллетилген кредит есабынан ешки ҳәм өз-өзин бәнт етиўи мақсетинде мотоцикл алып берилди.

Нөкис районы ҳәкимлиги Мәлимлеме хызмети
https://t.iss.one/Aqmangituz