“Avto24” – yoqilg‘i quyish, gaz to‘ldirish va elektr quvvatlash shoxobchalari haqida ma’lumot beruvchi ilova test sinovida ishga tushirildi

Energetika vazirligi hamda “Hududgazta’minot” AJ tomonidan har bir hududdagi eng yaqin yoqilg‘i quyish, avtomobilni siqilgan yoki suyultirilgan gaz bilan to‘ldirish va elektromobillar uchun quvvatlantirish shoxobchalarini topish, narxlarni taqqoslash, borar manzili hamda vaqtini aniq rejalashtirish imkonini beruvchi “Avto24” mobil ilovasi test sinovida ishga tushirildi.

Ayni paytda iste’molchilar mazkur ilovani Android va iOS operatsion tizimi qurilmalari orqali bepul yuklab olishlari mumkin.

“Avto24” ilovasi avtomobil egalariga hududlardagi barcha yoqilg‘i hamda quvvatlash shoxobchalarini bitta xaritada tezda topish, real vaqt rejimida hozirgi vaqtda mavjud yoqilg‘ining narxi, zaxirasi va qulayliklari haqida aniq ma’lumotga ega bo‘lish, elektromobil egalari uchun maxsus quvvatlash punktlarining lokatsiyalarini aniqlash singari imkoniyatlarni taqdim etadi.

Shuningdek, iste’molchilar ilova orqali o‘zlariga ma’qul manzilning reytingini ko‘tarish, yoqilg‘i sifati hamda narxi haqida sharh qoldirishlari ham mumkin bo‘ladi.

Mobil ilova dasturi avtomatlashtirilgan holda yangilab boriladi.

💬Facebook | 👉Telegram |▶️ YouTube | 📷Instagram | 🌐 hududgaz.uz

😊😊😊😊😊

#Energetika_xavfsizligi_oyi

⚡️Is gazidan zaharlanish va gazdan foydalanishda sodir bo‘lishi mumkin bo‘lgan baxtsiz hodisalarning oldini olish maqsadida targ'ibotlar olib borilmoqda

Batafsil: https://hududgaz.uz/news?id=12560

💬Facebook | 👉Telegram |▶️ YouTube | 📷Instagram | 🌐 hududgaz.uz

#Energetika_xavfsizligi_oyligi

Xorazm viloyati prokurori M.Axmedov “Hududgaztaʼminot“ AJ vakillari bilan uchrashib, Shovot tumanini namunali hududga aylantirish, aholi farovonligini taʼminlash va tabiiy gazni iqtisod qilish masalalari belgilab olindi.

Bunda, hududdagi barcha isteʼmolchilarni ikki bosqichli tizimga oʻtkazish, gaz quvurlarini tartibga keltirish va qisqartirish, hisoblagichlarga batareykalar oʻrnatish, har bir mahalla va koʻchalarga hisoblagichlar qoʻyish kabi vazifalar belgilandi.

Natijada, tumanning “Doʻstlik“ mahallasida barcha sohaga daxldor mutaxassislar jalb qilinib, aholi farovonligini taʼminlashga qaratilgan amaliy tadbirlar boshlab yuborildi.

💬Facebook | 👉Telegram |▶️ YouTube | 📷Instagram | 🌐 hududgaz.uz

Xorazm viloyatining Shovot tumanida “Parkent tajribasi” asosida ishlar yoʻlga qoʻyildi

Prezident Shavkat Mirziyoyev energiya tejamkorligini taʼminlash, muqobil quvvatlardan foydalanishni kengaytirish masalalari muhokamasi boʻyicha oʻtkazilgan yigʻilishda belgilab bergan vazifalar ijrosini taʼminlash maqsadida “Hududgaztaʼminot” AJ tomonidan amaliy ishlar davom ettirilmoqda.

Mazkur yoʻnalish boʻyicha jarayonlar “Hududgaztaʼminot” AJ Boshqaruv raisi tashabbusi bilan dastlab Toshkent viloyati Parkent tumani Gulbog‘ qo‘rg‘onida tajriba asosida amalga oshirilgan va muvaffaqiyatli boʻlgandi.

Endilikda ushbu tajriba Xorazm viloyati Shovot tumanida davom ettirilmoqda. Bunda tanlab olingan “Doʻstlik” MFYda avtomatlashtirilgan mahalla isteʼmol nazorat balansi shakllantiriladi. Mahalla hududida maxsus shtab tashkil etilib, brigadalar va maxsus texnikalar jalb etildi. Brigadalar tomonidan gaz tarmoqlari tartibga keltirilib, gaz taʼminotini ikki bosqichli tizimga oʻtkazish ishlari amalga oshiriladi.

Mahalla gazchilari tomonidan joylarda fuqarolarning gaz yondirgichlari xatlovdan oʻtkazilib, nostandart va qoʻlbola yondirgichdan foydalanayotgan xonadonlar aniqlanadi va ularga tejamkor uskunalar boʻyicha tushuntirishlar beriladi.

Energiya tejamkor texnologiyalarni keng joriy qilish, gaz taʼminotini ikki bosqichli tizimga oʻtkazish va eskirgan gaz yondirgichlarini zamonaviysiga almashtirish orqali energiya tejashda samaradorlikka erishish koʻzlangan.

💬Facebook | 👉Telegram |▶️ YouTube | 📷Instagram | 🌐 hududgaz.uz