Президент Шавкат Мирзиёев ўз нутқида иқтисодиётларимизни глобал инқирознинг ўсиб бораётган салбий оқибатларига мослаштириш зарурлигини кўрсатиб ўтди.

Бу ўринда:

- протекционизмнинг кучайишига, глобал бозорларни беқарор қиладиган омилларни, жумладан янги чекловларнинг жорий этилишига йўл қўймаслик;

- Осиё қитъасида ўзаро боғлиқликни, биринчи галда, ишлаб чиқариш-логистика занжирини, Марказий Осиёни Жанубий ва Шарқий Осиё, шунингдек, Яқин Шарқ билан самарали боғловчи транспорт йўлакларини яратиш ҳисобига кучайтириш муҳимлиги таъкидланди.

"Жаҳон саноат инқилобининг янги босқичига ўтишнинг асоси бўлган билимлар иқтисодиётини илгари суриш барқарор тараққиётга таҳдидларнинг олдини олишга хизмат қилади.

Инновациялар трансфери салоҳиятини янада тўлиқроқ ишга солиш, рақамлаштиришни фаол рағбатлантириш, юқори технологиялар, сунъий интеллект, Интернет тизимларини ривожлантириш мақсадга мувофиқ, деб ҳисоблаймиз.

Бу йўналишларда Осиё мамлакатлари глобал етакчиликка биргаликда эришиш учун барча имкониятларга эгадир", деди давлатимиз раҳбари.

Facebook|Instagram|Twitter

Қитъамизнинг кўплаб давлатлари истеъмол маҳсулотларининг асосий импорт қилувчилари ҳисобланади ва озиқ-овқат хавфсизлигининг оқибатларини жуда ўткир ҳис қилмоқда.

"Бутунжаҳон озиқ-овқат ва қишлоқ хўжалиги ташкилоти ҳисоб-китобларига кўра, очликдан азият чекаётган сайёрамиз аҳолисининг ярмидан кўпи Осиё қитъасида яшамоқда.

Парадокс шундан иборатки, бир вақтнинг ўзида айнан бизнинг мамлакатларимиз жаҳоннинг етакчи озиқ-овқат маҳсулотлари ишлаб чиқарувчи давлатлари ҳисобланади", деди Президентимиз ва бу борада янги ёндашувлар:

- озиқ-овқат ишлаб чиқаришнинг барқарор тизимларини ва уни етказиб беришнинг оптимал занжирини шакллантириш;

- ички минтақавий савдо ўсиши учун техник регламентларни уйғунлаштириш;

- Осиёда озиқ-овқат хавфсизлигини мониторинг қилиш яхлит тизимини яратишни таклиф қилди.

Ушбу барча масалаларни ФАО шафелигида келгуси йили Ўзбекистонда бўлиб ўтадиган халқаро конференцияда муҳокама қилиш таклиф этилди.

Шунингдек, давлатимиз раҳбари экология ва иқлим ўзгариши муаммоларини ҳал қилиш учун саъй-ҳаракатларни бирлаштиришни ҳамда мамлакатларимизни жадал кўкламзорлаштириш ва экотизимлар боғлиқлигини қўллаб-қувватлаш масалалари бўйича “Яшил Осиё” концептуал дастурлари доирасида доимий эксперт маслаҳатлашувларини йўлга қўйишни таклиф қилди.

Facebook|Instagram|Twitter

Президентимиз сўзининг якунида замонавий таҳдидларни фақат мулоқот, бир-бирининг манфаатларини ҳисобга олиш, умумэътироф этилган халқаро ҳуқуқ меъёрларига амал қилиш орқали самарали енгиб ўтиш мумкинлигига ишонч билдирди.

"Айнан шунинг учун ҳам биз илгари сурган умумий хавфсизлик ва фаровонлик йўлида ҳамжиҳатлик борасидаги Самарқанд ташаббусининг асосий мақсади инсоният келажаги учун бефарқ бўлмаган, тинчлик, тотувлик ва биргаликда гуллаб-яшнаш учун интилаётган барча соғлом кучларни амалий мулоқотга жалб этишга қаратилгандир.

Биз Қозоғистоннинг Кенгашга 2024 йилга қадар раисликни давом эттириш ниятини қўллаб-қувватлаймиз ва қозоғистонлик дўстларимизга омадлар тилаймиз.

Ишончим комил, шериклик ва ишончни мустаҳкамлаган ҳолда умумий интилишларимиз билан биз эзгу мақсадларга – мамлакатларимиз тинчлиги, барқарорлиги ва равнақини таъминлашга эришамиз", деди Шавкат Мирзиёев.

Facebook|Instagram|Twitter

⚡️⚡️Ўзбекистон Президенти Шавкат Мирзиёев Осиёда ҳамкорлик ва ишонч чоралари бўйича кенгашнинг (ОҲИЧК) VI саммити доирасида Туркия Президенти Режеп Таййип Эрдоған билан икки томонлама учрашув ўтказди.

https://t.iss.one/AOKBToshvil

⚡️⚡️Ўзбекистон Президенти Шавкат Мирзиёев Туркий давлатлар ташкилоти Бош котиби Бағдод Амреев билан учрашди.

Эслатиб ўтамиз, шу йилнинг 11 ноябрь куни Самарқандда Туркий давлатлар ташкилоти саммити бўлиб ўтади.

https://t.iss.one/AOKBToshvil

Тoshkent viloyatida o‘zini-o‘zi band qilgan shaxs sifatida ro‘yxatdan o‘tgan haydovchilar soni ortmoqda

🚕 2022-yil 1-sentabrdan boshlab yo‘lovchilarni haydovchidan tashqari to‘rttadan ortiq bo‘lmagan o‘rindiqlarga ega bo‘lgan yengil avtotransport vositalarida tashish faoliyati bilan shug‘ullanuvchilar o‘zini o‘zi band qilgan shaxs sifatida ro‘yxatdan o‘ta boshladilar. Hozirga qadar Toshkent viloyati bo‘yicha 1 291 nafar fuqaro mana shunday tartibda guvohnoma oldi. Yetakchi hududlar:

✔️Yangiyo‘l tumani – 143 nafar;
✔️Qibray tumani – 124 nafar;
✔️Chirchiq shahar – 109 nafar;
✔️Angren shahar – 95 nafar.

https://t.iss.one/AOKBToshvil

⚡️⚡️Ўзбекистон Президенти Шавкат Мирзиёев Остонада ўтказилаётган МДҲ давлат раҳбарлари мажлисига етиб келди.

Саммит бир неча дақиқалардан сўнг бошланади.

https://t.iss.one/AOKBToshvil

⚡️⚡️Ostonada MDH davlat rahbarlari sammiti ishtirokchilari — Prezidentlar birgalikda suratga tushdilar.

Shundan so‘ng tor doirasidagi yig‘ilish boshlandi https://t.iss.one/AOKBToshvil