Дунё миқёсидаги иқтисодий инқироз ва пандемия таъсирига қарамасдан, маънавий-маърифий ишларни кучайтириш бўйича катта ишлар амалга оширилмоқда.

Бу борадаги ишларни янада жадаллаштириш учун 2024 йилдан бошлаб ҳар йили 100 миллиард сўмдан маблағ ажратилади.

Маданият, адабиёт ва санъат, оммавий ахборот воситаларини ривожлантириш бўйича ҳам катта ишлар амалга оширилди.

Мақом, Бахшичилик ва Аския санъати марказлари ташкил этилди. Шунингдек, “Баҳор” рақс ансамбли, Давлат филармонияси, Давлат симфоник оркестри каби 20 дан ортиқ муассасалар фаолияти йўлга қўйилди.

Ўтган даврда 11 та янги музей, 2 та театр, 28 та болалар мусиқа ва санъат мактаби, 5 та олийгоҳ, жумладан, янги авлод журналистларини тайёрлашда Ўзбекистон журналистика ва оммавий коммуникациялар университети ташкил этилди.

Facebook|Instagram|Twitter

“Мақом”, “Бахшичилик”, Ҳунармандчилик, “Лазги” каби халқаро фестивалларни ўтказиш йўлга қўйилди, 24 та хорижий мамлакатда “Ўзбекистон маданияти кунлари” юқори савияда ўтказилди.

Айниқса, Франция, Германия, Хитой, Саудия Арабистони каби давлатларда намойиш этилган миллий маданиятимизнинг ноёб намуналари дунё жамоатчилигини ҳайратга солди ва улар Ўзбекистонни ўзлари учун янгитдан кашф этди.

Бу ишлар давом эттирилиб, келгусида Италия, Буюк Британия, Қатар, Бирлашган Араб Амирликларида ҳам ана шундай кўргазмалар ташкил қилинади.

Кейинги йилларда ЮНЕСКОнинг Инсоният номоддий маданий мероси рўйхатига яна 9 та миллий меросимиз намунаси, Бухоро шаҳри эса “Ижодкор шаҳарлар тармоғи”га киритилди.

Шу йил сентябрь ойида ЮНЕСКО Бош қароргоҳида буюк бобомиз Абу Райҳон Беруний таваллуди халқаро миқёсда кенг нишонлангани ҳам муҳим воқеа бўлди.

Facebook|Instagram|Twitter

Президентимиз халқаро майдонда маданий дипломатиямизнинг ўрни тобора ортиб бораётганини таъкидлади.

Жумладан, ЮНЕСКО Бош конференцияси сессиялари қарийб 40 йилдан буён фақат Парижда ўтказилади.

2025 йилда эса бу конференциянинг
сессиясини биринчи марта бошқа шаҳарда, яъни, Самарқандда ўтказиш белгиланди.

Ушбу нуфузли анжуманга Ташкилотга аъзо барча давлатлардан вакиллар ташриф буюради. Ҳеч шубҳасиз, бу – Ўзбекистон учун катта ишонч, айни пайтда масъулият ҳамдир.

Шу сабабли Президентимиз бу йирик халқаро тадбирга ҳозирдан пухта тайёргарлик кўришни бошлаш кераклигини кўрсатиб ўтди.

Facebook|Instagram|Twitter

Йиғилишда кино санъатимиз ва адабиётимизда рўй бераётган ижобий ўзгаришларга ҳам тўхталиб ўтди.

Буюк саркарда ва давлат арбобларимиз, улуғ алломалар, маданият намояндаларимиз ҳақида тарихий фильмлар яратилмоқда.

Қарийб чорак асрдан кейин Тошкент халқаро кинофестивали қайта тикланди. 2021 йилдан буён ҳар йили жаҳоннинг 50 дан ортиқ мамлакатидан юзлаб кино ижодкорлар Ўзбекистонга ташриф буюрмоқда.

Замонавий адабиётимизни ривожлантириш мақсадида пойтахтимизда Адиблар хиёбони, Ёзувчилар уюшмасининг муҳташам биноси барпо этилди, янги ижод уйлари қурилди. Самарали ижод қилаётган адиблар имтиёзли асосда янги уй-жойлар билан таъминланди.

Ёш истеъдод эгаларини ҳар томонлама қўллаб-қувватлаш мақсадида Зомин семинари қайта тикланди.

100 жилдлик “Туркий адабиёт дурдоналари”, 30 жилддан иборат “Мустақиллик даври навоийшунослиги”, “Қорақалпоқ адабиёти дурдоналари”, “Мард аскарга совға” сингари адабий мажмуалар нашр этилди.

Facebook|Instagram|Twitter

🏃 Янги Нафас – экиден оммавий югуриш мусобақаси

Жорий йилнинг 24 декабрь куни соат 11:00 да Янги Нафас халқаро спорт ҳаракатининг доирасида «Янги Ўзбекистон» боғида Ўзбекистон Республикаси Конституцияси қабул қилинган кунга бағишланган жамоавий мусобақалар бўлиб ўтади.

Янги Нафас – экиден мусобақалари эркаклар, аёллар ва аралаш эстафетада ўтказилади.
 
💸 Янги Нафас – Экиденнинг ғалаба қозонган жамоаларига ташкилотчилар томонидан қуйидаги пул мукофотлари топширилиши кўзда тутилган:

🥇ўрин учун – 7 000 000 сўм
🥈ўрин учун – 5 000 000 сўм
🥉ўрин учун – 3 000 000 сўм


Мусобақаларни ташкил этишда Олий таълим, фан ва инновациялар вазирлиги, Соғлиқни сақлаш вазирлиги, Ички ишлар вазирлиги, Фавқулодда вазиятлар вазирлиги, Мактабгача ва мактаб таълими вазирлиги, Ўзбекистон Республикаси Ёшлар сиёсати ва спорт вазирлиги, “Асака банк” АТБ, BYD Uzbekistan Factory, “Ўзбекнефтгаз” АЖ ва Ўзбекистон енгил атлетика федерацияси иштирок этмоқда.
 
Telegram | Facebook | Instagram | Youtube | Медиабанк

“Har biringiz — davlatimizning boyligi, biz sizlarning bilimga intilishingizni qo‘llab-quvvatlashga va rag‘batlantirishga tayyormiz” — Saida Mirziyoyeva

Tanlov va fan olimpiadalari g‘oliblari uchun prezident Administratsiyasiga uyushtirilgan ekskursiyadan lavha.

@daryo_live

#Brifing

Toshkent viloyati bojxona boshqarmasi xodimlari tomonidan huquqni muxofoza qiluvchi organlar xodimlari bilan hamkorlikda, 2023-yilning 19-dekabr holatiga 11 ta holatda qiyimati 409 mln. soʻmga teng 794 ming dona pirotexnika vositasining yurtimizga kirishi toʻxtatib qolingan. Bu haqda Bojxona boshqarmasi axborot xizmati bosh inspektori Nargiza Zuxurova ma’lumot berdi.

https://t.iss.one/AOKBToshvil