#befarqemasman

Шоҳида Ибрагимова, тадбиркор, бизнес-тренер:

— Мен бир нечта бизнеслар асосчисиман ва бу соҳада 13 йиллик тажрибага эгаман. Ижтимоий тармоқлардаги саҳифаларимда аудиториянинг асосий қисмини аёллар ташкил этади. Молиявий саводхонлик бўйича олиб бораётган дарсларимдан билдимки, аёлларнинг таълим олишида тўсқинликлар бор: турмуш ўртоғи, қайнона, қайнотаси, ота-онаси ўқишига рухсат бермайди. "Қиз болага ўқишнинг кераги йўқ, мактабни тамомласанг бўлди, турмушга берамиз", дейишади. Ваҳоланки, бу унинг ҳуқуқи. Янги Конституцияда ҳам бу ҳуқуқ мустаҳкамлаб қўйилмоқда. Мен аёлларнинг таълим олишига бефарқ эмасман!

@menbefarqemasman

#befarqemasman

Фазлиддин Собиржонов, Тошкент давлат юридик университети катта ўқитувчиси:

— Бугунги кунда янги таҳрирдаги Ўзбекистон Конституциясида, биринчи навбатда, самарали иқтисодиёт, эркин бошқарув тизими, кучли ижро ҳокимияти шаклланиши, Сенат ва қонунчилик палаталари ўртасида ваколатлар тақсимланиши ҳамда энг асосий масала — инсон ҳуқуқ ва эркинликларининг самарали ҳимоя қилиниши, конституцион норма асосида кафолатланишини ўзгартиришларнинг асосий мезони сифатида кўришимиз мумкин.
Конституцион ислоҳотлар аввало инсон қадри, ҳуқуқ ва эркинликларини ҳозирги жамият ва келажак авлод учун конституциявий кафолатлашни назарда тутади. Бу ислоҳотлар бутун бошқарув тизимида самарали тизимни яратишга асос бўлади.

@menbefarqemasman

#befarqemasman

Гулдана Авездурдиева, Республика туркман маданият маркази раиси:

— Инсон қадри улуғланаётган Ўзбекистонда 200 мингдан ортиқ туркман миллати вакиллари ўзаро дўстликда, хотиржамликда истиқомат қилиб келмоқда. Кўп миллатли Ўзбекистоннинг фаровонлиги ва гуллаб-яшнашини таъминлаш, инсон шаъни ва қадр-қимматини мустаҳкамлаш мақсад қилинганлиги давлат учун муҳим жиҳатлардир. Мен буни қўллаб-қувватлайман. Ушбу диёрда фаровон яшаётган бир инсон сифатида мен тақдиримга #befarqemasman. Сиз ҳам бефарқ бўлманг!

@menbefarqemasman

#befarqemasman

Гули Раҳмонова, ҳуқуқшунос:

— Уч фарзанднинг онаси сифатида айта оламанки, менинг ва фарзандларимнинг келажаги учун Конституциямизга бир қатор ўзгартиришлар киритилиши бу айни муддаодир. Азиз онажонларимиз, опа-сингилларимиз, сизларни 30 апрелда бўлиб ўтадиган референдумда фаол қатнашишга чақираман.

@menbefarqemasman

#befarqemasman

Самира Шокирова, Зулфия номидаги давлат мукофоти соҳибаси:

— Шахсан давлатимиз раҳбари қўлидан олган Зулфия номидаги давлат мукофоти менга катта масъулият юклайди. Мен янги Консттитуцияга бефарқ эмасман, сабаби унда ёшларнинг кенг билим олишини таъминлайдиган қатор янги моддалар киритилди. Бу эса ёшларнинг сифатли таълим олишига шароит яратади. Конституция — бизнинг келажагимиз!

@menbefarqemasman

#befarqemasman

Эргаш Усмонов, Янгийўл тумани 14-умумий ўрта таълим мактаби математика ўқитувчиси:

— Куни кеча умра сафарига бориб келдим. Сафар давомида шундай Ватанда яшаётганлигимиздан, зиёратчиларга яратилаётган шароитлардан хурсанд бўлдим, ўзимни жуда бахтли ҳис қилдим. Яна бир нарсадан хурсандман — янгиланаётган Конституциямизга ёшлар, ўқитувчилар ва зиёлиларни қўллаб-қувватлашни назарда тутувчи янги бандлар киритилмоқда. Шу сабабли биз референдумга бефарқ эмасмиз!

@menbefarqemasman

#befarqemasman

Муаззам Валиева, Ўртачирчиқ тумани "Чангтепа" маҳалласи ёшлар етакчиси:

— Юртимиз бўйлаб янгиланаётган Конституция лойиҳаси бўйича кўплаб фикр ва таклифлар илгари сурилди. Мени энг қувонтирган жиҳати, Конституция лойиҳасининг 42-моддасида ҳомиладорлиги ёки боласи борлиги сабабли аёлларни ишга қабул қилишни рад этиш, ишдан бўшатиш ва уларнинг иш ҳақини камайтириш тақиқланади, деган норманинг акс эттирилишидир. Ҳомиладор ва болали аёлларнинг меҳнат қилиш ҳуқуқи конституциявий тартибга солинмоқда. Биз аёллар учун оила, ёшлар ва болаларга бағишланган Конституциянинг 14-боби муҳим аҳамиятга эгадир. Ўйлайманки, янги Конституция — Ўзбекистон тараққиётининг асоси, меҳнатсевар халқимизнинг қадр-қимматини ҳимоя қилиш учун кўп йиллар хизмат қилади. Мен Бош Қомусимизга бефарқ эмасман, сиз ҳам бефарқ бўлманг!

@menbefarqemasman

#befarqemasman

Александр Харламов, заместитель председателя Русского культурного центра:

— Жителей Узбекистана отличают человеческая доброта, радушие, помощь друг другу, уважение к старшим. Это очень здорово. Для меня это очень ценно. Принятие обновленной Конституции — важный шаг. Я не безразличен к судьбе нашей общей Родины. И я и моя семья, товарищи, с которыми общаюсь, придем на референдум. Это станет продолжением позитивных изменений в стране.

@menbefarqemasman

#befarqemasman

Феруз Азимов, Олий Мажлис Қонунчилик палатаси депутати ёрдамчиси:

— Янгиланаётган Конституцияда инсон қадрини юксалтириш ва эркин фуқаролик жамиятини ривожлантириш борасида кўплаб янги норма ва қоидалар ўз аксини топмоқда. Жумладан 98-моддада фуқаролар ҳам қонунчилик ташаббуси ҳуқуқига эга эканлиги белгиланмоқда. Бунда Қонун лойиҳаларини, қонунчилик таклифларини киритиш ва кўриб чиқиш тартиби алоҳида қонун билан белгиланмоқда. Конституция даражасида бундай қоиданинг киритилиши давлат ишларини бошқаришда фуқароларнинг иштирокини кенгайтиришга ва жамиятни янада демократлаштиришга хизмат қилади. Шундай экан, мен бу ўзгаришларга бефарқ эмасман!

@menbefarqemasman

#befarqemasman

Гулираъно Мамирова, Тошкент давлат иқтисодиёт университети Самарқанд филиали талабаси:

— Янгиланаётган Конституциянинг 79-моддасида ёшларнинг ижтимоий, иқтисодий ҳуқулари давлат томонидан кафолатланмоқда. Бу биз ёшларни қувонтиради. Мен ушбу сиёсий жараёнларга бефарқ эмасман, тенгдошларимни референдумда фаол қатнашишга чорлайман.

@menbefarqemasman

#befarqemasman

Рухсора Асланова, дизайнер:

— Мен дизайнерман, юздан ортиқ шогирдларим бор. Бугунги кунда юртимизда дезайнерлик, тадбиркорлик соҳаларига алоҳида эътибор қаратилмоқда. Янгиланаётган Конституцияга ҳам бу борада тегишли моддалар киритилмоқда. Мисол учун, 67-моддада тадбиркорлар ҳар қандай фаолиятни амалга ошириш ва ўз фаолияти йўналишларини мустақил равишда танлаш ҳуқуқи, тадбиркорларниниг меҳнат қилиш эркинлиги кафолатлатланмоқда. Шундай экан, мен бугунги ўзгаришларга бефарқ эмасман!

@menbefarqemasman

#befarqemasman

Шахзада Aуэсбаева, главный юрисконсульт центра по оказанию юридических услуг Кибрайского района:

— В обновляемой Конституции Узбекистан провозглашается социальным государством. Количество социальных норм и обязательств государства увеличивается почти в 3 раза.
В частности, в Конституции закрепляется принцип «человек — общество — государство», то есть гарантируется, что интересы человека превыше всего.
Также в Конституции определяется право молодежи обучаться в вузах на условиях гранта. Таким образом талантливой молодежи предоставляется возможность получить высшее образование за счет государства.

@menbefarqemasman

#Brifing

Toshkent viloyati Bojxona boshqarmasi tomonidan joriy yilning 3 oyi davomida amalga oshirilgan ishlar sarhisobi

https://t.iss.one/AOKBToshvil

✅ Муддатидан олдин овоз бериш тартиби

✔️ Референдум куни ўз яшаш жойида бўлиш имкониятига эга бўлмаган овоз берувчи муддатидан олдин овоз бериш ҳуқуқига эга.

🗓 Референдумда муддатидан олдин овоз бериш 19-26-апрел кунлари амалга оширилади.

Saylov.uz | Telegram | Facebook | Instagram | Twitter | Ok.ru | YouTube

#befarqemasman

Зуҳро Акбарова, зоология фанлари доктори:

— Бир неча йиллардан буён олий таълим соҳасида фаолият олиб бораман. Бугун янгиланаётган Конститутциямизга бефарқ эмасман, сабаби 51-модданинг 2-қисмида олий таълим ташкилотларига академик эркинлик, ўз-ўзини бошқариш, тадқиқотлар ўтказиш ва ўқитиш эркинлиги ҳуқуқи кафолатланмоқда. Ана шундай илмга, таълимга фанга бўлган эътибор конститутциявий даражада белгиланиши, бу албатта, ҳар қандай давлат ва жамиятнинг тараққий этишини, ривожланишини кафолатлайди. Мен бунга бефарқ эмасман.

@menbefarqemasman

#befarqemasman

Икром Маткаримов, Хоразм вилояти ҳокимлиги ҳузуридаги Фуқароларнинг ўзини ўзи бошқариш органлари ходимларининг малакасини ошириш бўйича ўқув курслари директори:

— Янгиланаётган Конститутциямизда фуқароларни ўз-ўзини бошқариш органлари масаласига алоҳида эътибор берилган. Жумладан, 17-моддада Ўзбекистон Республикаси қонунчилигида биринчи маротаба Асосий Қонунда Ўзбекистон Республикасида фуқароларни ўз-ўзини бошқариш органлари давлат ҳокимият органлари сирасига кирмаслиги аниқ белгиланмоқда. Бу Ўзбекистонда муҳим институт саналган маҳалланинг ўзига хос қонуний асосини яратади. Ва албатта, шарқона демократиянинг бошқарув услуби сифатида маҳалланинг обрў-эътиборини юксак даражага кўтаришига ишонамиз. Биз барчани 30 апрель куни ўтказилаётган референдумда фаол иштирок этишга чорлаймиз. Биз бефарқ эмасмиз.

@menbefarqemasman

#befarqemasman

Сабина Қаюмова, Зулфия номидаги Давлат мукофоти совриндори:

— Бадиий ижод эркинлигини кафолатласак, келажакда миллий адабиёт ва санъатимизни янги асар ва номлар билан бойишига, маданият ва маънавиятимизнинг янада юксалишига хизмат қилади. Мен 30 апрель куни бўлиб ўтадиган референдумга бефарқ эмасман. Ва барча ижодкорларни ушбу референдумда фаол иштирок этишга чорлаб қоламан.

#menbefarqemasman

#befarqemasman

Лазиз Усмонов, фаол ёш (Бухоро вилояти):

— Барчамизга маълумки, авваллари битирувчилар биргина олий ўқув юртига ҳужжат топшириш ҳуқуқига эга эдик. Ҳозирги кунда 5 та олий таълим муассасига ҳужжат топшириш ҳуқуқига эгамиз. Шундай бўлса-да, барча ҳам талабалик бахтига муяссар бўлавермайди. Янгиланаётган Конститутциямизда 9- ва 11-синф битирувчилари учун бепул касб-ҳунарга йўналтириш кенг жорий қилинмоқда.

@menbefarqemasman

#befarqemasman

✅ Mansur Omonov, Janubiy Koreyaning Hanyang universiteti doktoranti, Janubiy Koreya

— Konstitutsiyaviy islohot - bu inson sha’ni, uning qadr-qimmati, inson huquqlarini himoya qilish, davlat va jamiyat boshqaruvini tubdan isloh qilish, yoshlar siyosati, moliya, iqtisodiyot, ijtimoiy soha va barcha sohalarni qarab olganligi bilan ham ahamiyat kasb etadi. Bu jarayonlarda barchamizni faol ishtirok etishga chaqirib qolaman.
@menbefarqemasman

🌐Telegram sahifamizga obuna bo’ling -  @wayuuz

🌐Instagram |  🌐Facebook |  🌐YouTube | 🌐LinkedIn

www.wayu.uz

#befarqemasman

Нилуфар Қаҳҳарова, Бостон (АҚШ) болалар шифохонаси дастур менежери:

— Барча ватандошлар сингари мен ҳам Ўзбекистонда бўлаётган ўзгаришларга бефарқ эмасман. Хусусан, янгиланаётган Конституциянинг 115-моддасида илм-фан, таълим, соғлиқни сақлаш соҳасини ривожлантиришга қаратилган дастурлар ишлаб чиқилиши ҳамда бажаралиши учун Ўзбекистон Республикаси Вазирлар Маҳкамаси жавобгардир деган банди айнан шу соҳа вакили бўлганим учун мени хурсанд қилди. 48-моддада аҳолининг санитария-эпидемиологик осойишталигини таъминлаш чоралари кўрилиши, 51-моддада илмий тадқиқотларга шароит яратиб берилиши қонун доирасида белгиланаётгани айни муддао.

Тиббиёт соҳасида илмий тадқиқотларни ривожлантириш, даволаш сифатини ошириш, тиббий хатоликларнинг олдини олиш жуда муҳим. Айниқса, бу дастурлар қонунга киритилиши мамлакатимизда хавфсиз тиббиётни таъминлаш учун қилинаётган ислоҳотлардан далолат беради. Соғлом аҳоли кучли миллатдир, кучли миллат эса ҳар қандай жиҳатдан мустаҳкам давлатга айланиб бораверади.

@menbefarqemasman

#befarqemasman

Алиёр Абдувалиев, Нурафшон шаҳар тиббиёт бирлашмаси реанимация бўлими мудири:

— Сўнгги йилларда тиббиёт йўналишида кўплаб ислоҳотлар олиб борилмоқда. Хусусан, юқори технологияли жарроҳлик амалиётлар амалга оширилмоқда, хориждан янги асбоб-усукуналар олиб келинмоқда. Бу фуқароларнинг сифатли тиббий хизмат олишини кафолатлайди. Янгиланаётган Конституциянинг 48-моддасида ҳам фуқаролар тиббий ёрдамнинг кафолатланган ҳажмини қонунда белгиланган тартибда давлат ҳисобидан олишга ҳақли эканлигига урғу берилмоқда. Биламизки, ҳар қандай касалликда биринчи тиббий ёрдам тўғри кўрсатилса, халқ саломатлигига жуда катта ёрдам бўлади. Шунинг учун ҳам мен референдумда қатнашаман ва сизларни ҳам бефарқ бўлмасликка чақираман.

@menbefarqemasman