«Конституция тўғридан-тўғри ишлайдиган ҳужжат бўлмоқда. Яъни, энди барча фуқаролар ҳаттоки ўзининг кундалик ҳаётида ҳам Конституцияга мурожаат қиладилар. Ундаги барча нормалар, уларни қандай амалиётда қўллашни очиб берувчи қонунчилик ҳужжати мавжуд ёки мавжуд эмаслигидан қатъи назар, тўғридан-тўғри ишлайди», — Олий мажлиснинг Коррупцияга қарши курашиш ва суд-ҳуқуқ масалалари қўмитаси раиси Жаҳонгир Ширинов.

https://t.iss.one/AOKBToshvil

⚡️Senat va Qonunchilik palatalarining vakolatlari bir birdan farqli qilib belgilanadi

Konstitusiyada Oliymajlisning ikki palatasining vakolatlari mustaxkamlanadi. Misol uchun:

🔹Qonunchilik palatasi vakolatiga - hukumatni shakllantirish va uning faoliyatini nazorat qilish, Davlat byudjeti ijrosiga oid masalalar;

🔹Senat vakolatiga - hududlar manfaati va ularni rivojlantirish, yangi vazirliklar tashkil qilish to‘g‘risidagi farmonlarni tasdiqlash taalluqli ekanligi kiritiladi.

Bosh vazir nomzodi Prezident tomonidan Qonunchilik palatasiga kiritilib, uni xalq vakillari ma’qullaganidan so‘ng lavozimga tayinlash tartibi joriy qilinmoqda.

Endi Prezident Bosh vazir nomzodini faqatgina saylovda eng ko‘p ovoz olgan partiya bilan emas, balki Qonunchilik palatasidagi barcha siyosiy partiyalar fraksiyalari bilan maslahatlashishi kiritilishi mumkin.

Bu jarayon demokratik tamoyillarga to‘la mos keladi!

Shuningdek, faoliyati qoniqarsiz deb topilgan vazirni lavozimidan ozod etish bo‘yicha Qonunchilik palatasining Prezidentga taklif kiritish huquqi belgilanadi.

Bu o‘z navbatida hukumat a’zolarining xalq vakillari oldidagi hisobdorligini yanada oshirishga xizmat qiladi.

https://t.iss.one/AOKBToshvil

⚡️Hokimiyatning bo‘linishi bu diktatura va hukmronlikdan himoya vositasi

Yangilanayotgan Konstitusiya demokratik va xalqparvar davlat qurishni maqsad qilgan. Ya’ni:

🏛️Kuchli parlament
👨🏻‍💼👩🏻‍💼Ixcham va mas’uliyatli hukumat
👨🏻‍⚖️👩🏻‍⚖️Mustaqil va adolatli sud tizimini barpo etish

Davlat hokimiyati tizimi yagona va yaxlit, shu sababdan hokimiyatning bir bo‘g‘inini modernizasiya qilish boshqa tarmoqlarda ham islohotlarni tabab etadi.

Shunday ekan, tarmoqlar o‘rtasida bir-birini tiyish va muvozanatni saqlash maqsadida parlamentning vakolatlari qayta ko‘rib chiqilishi taklif etildi.

Unga ko‘ra, Qonunchilik palatasi va Senatning vakolatlari sezilarli darajada kengaymoqda. Bundan tashqari ikki palata ishidagi takrorlanishlar bartaraf etilib, har birining mas’uliyat sohasi aniq belgilanmoqda.

Aniqroq aytiladigan bo‘lsa, Qonunchilik palatasining mutlaq vakolatlari amaldagi 5 tadan 12 taga, Senatda esa, 12 tadan 18 taga ko‘paymoqda.

Senatni ixcham, xalqchil va hududlar manfaatini ifoda etadigan idoraga aylantirish bo‘yicha takliflar bildirildi.

Ya’ni Senat qo‘mitalari vakolatini qayta ko‘rib chiqib, senatorlar sonini hozirgi 100 nafardan 65 nafarga tushirish,
bunda har bir hududdan 4 tadan senator saylanishi, Prezident
tomonidan tayinlanadigan senatorlar soni esa 16 tadan 9 taga kamaytirilayotganligi aytilmoqda.

Parlamentning quyi palatasi tomonidan kiritilgan qonunlar Senatda 60 kun ichida ko‘rib chiqilishi, muddat o‘tib ketsa, ushbu qonun ma’qullangan deb hisoblanishi ta’kidlandi. Bunday vaziyatda qonun birdan imzolash uchun Prezidentga yuboriladi.

@markaz_uzbekistan

⚡️⚡️⚡️Insonning sha’ni va qadr-qimmati daxlsizdir

Yangilanayotgan Konstitusiyada inson huquq va erkinliklari hamda ularning kafolatlari kengaytirilmoqda. Unda ilk marotaba fuqarolar kafolatlangan bepul tibbiy xizmatlardan foydalanishi, davlat xizmatiga kirishda teng huquqqa egaligi, ekologiya masalalariga oid huquqlarning mustahkamlanishi kabi yangi konstitusiyaviy huquqlar kiritilayotganligi ham Yangi O‘zbekistonda inson qadri tamoyilining yorqin ifodasi hisoblanadi.

Shaxsiy huquq va erkinliklar, iqtisodiy va ijtimoiy huquqlar borasidagi normalar qariyb 3,5 baravarga ko‘paymoqda. Inson huquqlari
va erkinliklari, oila masalalariga bag‘ishlangan kafolatlar kuchaytirilmoqda.

Qonunlardagi noaniqliklar inson foydasiga hal bo‘lishi,
bu borada, Konstitusiyamizda shaxsni sudning qarorisiz 48 soatdan ortiq muddat ushlab turish mumkin emasligi belgilanmoqda hamda odamlarning huquq va erkinliklarini cheklash bilan bog‘liq barcha harakatlarga, faqat sud qarori asosida yo‘l qo‘yilishi mustahkamlanmoqda.

Bu orqali, odil sudlovni amalga oshirishda
“Xabeas korpus” instituti yanada kengaytirilishi ta’minlanadi.

Ilk bor ayblanuvchi va sudlanuvchilarga o‘ziga qarshi ko‘rsatma bermaslik, ya’ni “sukut saqlash” huquqi berilmoqda.

Konstitusiyamizda o‘lim jazosi taqiqlanayotganligi va bu masalada hech qachon ortga qaytilmasligi ta’kidlandi.

@markaz_uzbekistan

⚡️Davlat yoshlar jamiyatda o‘z o‘rinlarini topishlari uchun shart-sharoitlar yaratish majburiyatini oladi

Hozir Oliy Majlis Qonunchilik palatasining navbatdagi majlisida “O‘zbekiston Respublikasi Konstitusiyasi to‘g‘risida”gi O‘zbekiston Respublikasi Konstitusiyaviy qonuni loyihasi muhokamasi bo'lib o'tmoqda.

Unda aytilishicha, Konstitusiya loyihasida O‘zbekiston aholisining 18 milliondan ortig‘ini tashkil etuvchi yoshlar masalalariga ham e’tibor berilgan. Sababi yoshlarga rivojlanish uchun sharoit yaratib berish ertaga mamlakatdagi har qanday sohani takomillashiga olib keladi.

Shunday ekan, yoshlarning ta’lim olishi, ijtimoiy va tibbiy himoyasi, uy-joyli bo‘lishi, bandligi uchun shart-sharoitlar yaratish – davlatning konstitusiyaviy majburiyati ekanligi belgilanmoqda.

Bundan tashqari Konstitusiyada bu uchun alohida bob qo‘shilishi rejalashtirilmoqda.

Ota-onalarning o‘z farzandlarini voyaga yetguniga qadar nafaqat boqish va tarbiyalash, balki ularning ta’lim olishi, sog‘lom, to‘laqonli
va har tomonlama kamol topishi uchun g‘amxo‘rlik qilish bo‘yicha majburiyati ham belgilanadi.

Yoshlar o‘z orzularini ro‘yobga chiqarishi va hayotda o‘z o‘rinlarini topishlari kerak. Davlat ularni himoya qilish, huquqlarini amalga oshirish uchun shart-sharoitlar yaratishni o‘z zimmasiga olishi bunga imkoniyat yaratadi.

@markaz_uzbekistan

#Ихтилофлар_ва_ечимлар
Муфтий ҳазрат: Мазҳабга эргашмаганларга биродар сифатида насиҳатимиз!  (1-қисм)

Ўзбекистон мусулмонлари идораси раиси, муфтий Нуриддин домла ҳазратлари томонидан кўп баҳс-мунозараларга сабаб бўлаётган, эътиқодимизга салбий таъсир кўрсатаётган ва ёшларни тўғри йўлдан адаштираётган таҳдидларнинг олдини олиш мақсадида, “Ихтилофлар ва ечимлар” номли туркум суҳбатларни эълон қилиш йўлга қўйилди. 

Мана шундай суҳбатларнинг илк мавзуси “Мазҳабга эргашишнинг зарурати ва фойдалари” деб номланиб, ҳозирги кунда халқимизнинг мазҳабга эргашиши муҳимлиги, фойдалари ва аксинча мазҳабсизлик зарарлари тўғрисидаги сўз юритилади...
➡️БАТАФСИЛ

▶️ ТЎЛИҚ ВИДЕО

Ўзбекистон мусулмонлари идораси Матбуот хизмати

https://t.iss.one/AOKBToshvil

⚡️Олий Мажлис Қонунчилик палатасининг янгиланаётган Конституция лойиҳаси муҳокамасига бағишланган Ялпи мажлиси ўз ишини давом эттирмоқда.

Жонли эфирни қуйидаги ҳавола орқали кузатиш мумкин:
👉 https://www.youtube.com/watch?v=umOIxJ7ZR9c

«Бирор-бир шахснинг ўзига ва яқин қариндошларига қарши гувоҳлик беришга мажбур эмаслиги ҳақидаги норма конституцияга тўғри киритилган. Бошқа шахсларга нисбатан гувоҳлик масаласига келадиган бўлсак, Жиноят процессуал кодексининг 66-моддасида гувоҳ иш бўйича ўзига маълум ҳамма нарса ҳақида ҳаққоний сўзлаб бериши, саволларга жавоб қайтариши шартлиги белгиланган», — Олий Мажлиснинг Коррупцияга қарши курашиш ва суд-ҳуқуқ масалалари қўмитаси раиси Жаҳонгир Ширинов

https://t.iss.one/AOKBToshvil

⚡️Президентнинг тегишли қарори (ПҚ-91, 11.03.2023 йил) билан, Тошкент шаҳридаги истеъмолчиларнинг энергия ресурсларига ўсиб бораётган талабини таъминлаш мақсадида бир қатор чора-тадбирлар белгиланди.

Жумладан, Энергетика вазирлигининг:

✅ “ACWA Power” (Саудия Арабистони) компанияси иштирокида Тошкент вилояти Юқоричирчиқ туманидаги “Ўзсувтаъминот” АЖ ҳудудида қуввати 400 МВт бўлган қуёш фотоэлектр станциясини қуриш лойиҳасининг биринчи босқичи қувватларини (100 МВт);

✅ “China Gezhouba Group Investment Company Co.,Ltd” (Хитой Халқ Республикаси) компанияси иштирокида Тошкент вилояти Юқоричирчиқ туманида қуввати 700 МВт бўлган қуёш фотоэлектр станциясини қуриш лойиҳасининг биринчи босқичи қувватларини (100 МВт) жорий йил якунига қадар ишга тушириш тўғрисидаги таклифларига розилик берилди.

Каналга уланиш:
➖ @uzauz

⚡️ 5 та 110 кВ кучланишли подстанция қурилади

Президентнинг “Тошкент шаҳридаги истеъмолчиларни энергия ресурслари билан барқарор таъминлаш чора-тадбирлари тўғрисида”ги қарори билан:

Энергетика вазирлиги, Тошкент шаҳри ҳокимлиги, “Навоий КМК” АЖ, “Олмалиқ КМК” АЖ, “Ўзавтосаноат” АЖ ва “Ўзметкомбинат” АЖнинг таклифларига асосан 2023 йилда Тошкент шаҳри электр таъминотини яхшилашга қаратилган 35–110 кВ кучланишли электр тармоқларини ривожлантириш лойиҳаси тасдиқланди.

➖Юнусобод, Шайхонтоҳур, Мирзо Улуғбек, Яшнобод ва Янгиҳаёт туманларида умумий қуввати 664 МВА бўлган 5 та 110 кВ кучланишли подстанция ҳамда 49,6 км узунликдаги 35 кВ ва 110 кВ кучланишли электр узатиш тармоқларини қурилади;

➖Юнусобод, Мирзо Улуғбек, Олмазор ва Миробод туманларидаги 4 та подстанцияни реконструкция қилиш орқали уларнинг ўтказиш қувватини 179 МВАга оширилади;

➖жисмонан эскирган 7,5 км узунликдаги 35 кВ ва 41,7 км узунликдаги 110 кВ кучланишли электр узатиш тармоқларини замонавий турдаги кабель ва симларга алмаштирилади.

Каналга уланиш:
➖ @uzauz

⚡️384 нафар ходим ҳамда 102 та техника белгиланган объектларнинг қурилиш-монтаж ишларига жалб қилинади

Энергетика вазирлигининг “Ҳудудий электр тармоқлари” АЖ ва “Ўзбекистон миллий электр тармоқлари” АЖга тегишли электр тармоқлари объектларини “Ўзбекистон миллий электр тармоқлари” АЖ ва “Ҳудудий электр тармоқлари” АЖга баланс (қолдиқ) қийматида бериш тўғрисидаги таклифига розилик берилади.

Бунда объектлар барча электр қурилмалари, мол-мулклар, уларнинг техник ҳужжатлари, шунингдек, бошқа муҳандислик тармоқлари ва коммуникациялари билан бирга “Ўзбекистон миллий электр тармоқлари” АЖ ва “Ҳудудий электр тармоқлари” АЖнинг устав капиталидаги давлат улушини ошириш (камайтириш) ҳисобига ўтказилади ҳамда солиқ солиш объекти ҳисобланмайди.

Каналга уланиш:
➖ @uzauz

⚡️Трансформатор пунктлари ва кабель маҳсулотлари учун 220 миллиард сўм миқдорида кредит маблағлари жалб қилинади

➖2023 йилда паст кучланишли трансформатор пунктлари ва кабель маҳсулотларини харид қилиш учун Тошкент шаҳар ҳокимлиги томонидан “Ўзмиллийбанк” АЖдан 220 млрд сўм миқдорида кредит маблағлари жалб қилинади ва “Ҳудудий электр тармоқлари” АЖ учун белгиланган тартибда очиладиган махсус ҳисобвараққа ўтказиб берилади;

➖Тошкент шаҳри ҳокимлиги томонидан жалб қилинган кредит маблағлари 2024 йилдан бошлаб “Ҳудудий электр тармоқлари” АЖ томонидан тегишли тармоқ жадвалига мувофиқ тўлаб берилади;

➖лойиҳалаштириш, экспертиза ва қурилиш-монтаж ишлари“Ҳудудий электр тармоқлари” АЖ томонидан хўжалик усулида амалга оширилади.

Каналга уланиш:
➖ @uzauz

⚡️Президент қарори билан маҳсулотлар ишлаб чиқарувчилар ва ёрдамчи пудратчилар билан тўғридан-тўғри шартнома тузишга рухсат берилади

“Ҳудудий электр тармоқлари” АЖ, “Тошкент шаҳар электр тармоқлари корхонаси” АЖ, “Ўзэнергоинжиниринг” АЖ ва Корхоналарга танлов ва тендер савдоларини ўтказмасдан энг яхши таклифларни танлаш орқали маҳсулотлар ишлаб чиқарувчилар ва ёрдамчи пудратчилар билан тўғридан-тўғри шартнома тузишга рухсат берилади. Бунда ушбу шартномалар Иқтисодиёт ва молия вазирлиги ҳузуридаги “Лойиҳалар ва импорт контрактларини комплекс экспертиза қилиш маркази” ДУК томонидан ҳужжатлар тақдим этилган санадан 10 кун муддатда экспертизадан ўтказилади;

қурилиш-монтаж ишларини амалга ошириш учун зарур бўладиган темир-бетон маҳсулотлари ҳамда қўшимча қурилмалар Лойиҳада белгиланган корхоналар томонидан харид қилинади.

Каналга уланиш:
➖ @uzauz

⚡️Президент қарори билан

➖ шаҳарларда ва йирик аҳоли пунктларида 35/0,4 кВ кучланишли трансформаторлардан фойдаланиш кенгайтирилади.

➖Тармоқларни 10 кВ ва 35 кВ кучланишга ўтказиш орқали 6 кВ кучланишли электр тармоқларини босқичма-босқич эксплуатациядан чиқариш ҳамда 0,4 кВ кучланишли электр узатиш тармоқларининг узунлиги қисқартирилади.

➖Шаҳарларда ва йирик аҳоли пунктларида 35 кВ ва 110 кВ кучланишли янгидан қуриладиган подстанциялар ёпиқ турга ўтказилади.

Лойиҳа ва Дастур ижроси устидан тизимли назорат ўрнатиш мақсадида Бош прокурор ўринбосари С.Самадов бошчилигида Ишчи гуруҳ тузилади.

Каналга уланиш:
➖ @uzauz

#Ихтилофлар_ва_ечимлар
Муфтий ҳазрат: Мазҳабга эргашиш ихтилофлардан сақлайди! (2-қисм)

Муфтий Нуриддин домла ҳазратлари ушбу мавзудаги чиқишлари давомида машҳур саҳоба Муоз ибн Жабал разияллоҳу анҳунинг ижтиҳод қилиш (ҳукм чиқариш) бобидаги ҳозиржавобликлари Расул алайҳиссаломни жуда ҳам хурсанд қилгани баён этилади.
Мужтаҳид уламолар Қуръон ва ҳадисга таяниб ижтиҳод қилганлари ҳамда бир вақтда барча зарур илмлар – тафсир, ҳадис, оятлар нозил бўлиш сабаблари, араб тили грамматикаси кабиларни пухта билганлари келтирилади.
Диёримизда асрлар давомида Ҳанафий мазҳабига амал қилингани, шунинг учун ўтмишда бундай ихтилофлар бўлмагани ҳақида сўз юритилади.
Ҳозирги кунда мазҳабни рад этадиган ёки тўртта мазҳабни қориштирадиганлар пайдо бўлаётгани афсус билан қайд этилади.
➡️БАТАФСИЛ

▶️ ТЎЛИҚ ВИДЕО


Ўзбекистон мусулмонлари идораси Матбуот хизмати

https://t.iss.one/AOKBToshvil

2023 йил 1 майдан бошлаб:

➖оиланинг меҳнатга лаёқатсиз ҳар бир аъзосига боқувчисини йўқотганлик пенсияси пенсияни ҳисоблаб чиқиш учун олинадиган пул таъминотининг (иш ҳақининг) 50 фоизи миқдорида белгиланди.

➖Оила аъзолари (ота-онаси, турмуш ўртоғи, 23 ёшга тўлмаган фарзандлари) даромадлар қайси ойда олинган бўлса, ўша ойда ҳар бир ой учун меҳнатга ҳақ тўлаш энг кам миқдорининг 3 баравари миқдоридаги даромадлар бўйича жисмоний шахслардан олинадиган даромад солиғидан озод этилади.

➖Оилалар белгиланган тартибда тураржойга муҳтож деб тан олинган тақдирда, тураржой билан биринчи навбатдаги тартибда таъминланади.

➖Қонунчиликда белгиланган ҳарбий хизматчиларга (ходимларга) тураржой сотиб олиш (қуриш) учун узоқ муддатли имтиёзли ипотека кредитлари бериш тартибига мувофиқ узоқ муддатли имтиёзли ипотека кредитларини олиш ҳуқуқи сақлаб қолинади.

➖Ҳалок бўлган ҳарбий хизматчининг (ходимнинг) янги никоҳга кирмаган турмуш ўртоғи ва (ёки) ҳарбий хизматчининг (ходимнинг) қарамоғида бўлган ота-онасидан бирига Ўзбекистон Республикаси Қуролли Кучларининг ҳарбий хизматчиларига тураржойни ижарага олганлик (ижарада турганлик) учун ҳар ойлик пул компенсациясини тўлаш тартиби татбиқ этилади (мулкида тураржой бўлмаган тақдирда).

Каналга уланиш:
➖@uzauz

🗣Бугун, соат 11:00да Қонунчилик палатаси қарорининг (иловалари билан) Ўзбекистон Республикаси Конституциясига мувофиқлигини аниқлаш бўйича Конституциявий суднинг мажлиси бўлиб ўтади.

📹Суд мажлиси “O‘zbekiston24” телерадиоканали, “O‘zbekiston” телерадиоканали, “Uzreport” телеканали ва унинг фейсбукдаги саҳифаси; O'zMTRK'нинг YouTube’даги саҳифаси орқали тўғридан-тўғри эфирга узатилади.

Telegram | Facebook | Instagram | Youtube | Медиабанк