#Olima ayollar

Innowomenweek-2024: XXI asrda ilm-fan va biznesda ayollar yutuqlari va muammolari


Joriy yilning 7–8-oktyabr kunlari Toshkentda ilm-fan va biznes sohasida innovatsion tadbir — Innowomenweek-2024 xalqaro forumi o‘tkazildi. Mazkur forumning asosiy mavzusi “XXI asr ilm-fani va biznesda ayollar: Yutuqlar va muammolar” bo‘lib, unda olima, tadbirkor va hunarmand ayollar o’z ishlanmalari bilan ishtirok etishdi. Tadbirning birinchi kuni Turin politexnika institutida bo’lib o’tdi va Koreya ixtirochi ayollar uyushmasi a’zolari tomonidan intellektual mulk obyektlarini huquqiy muhofaza qilish bo’yicha nutq so’zlandi.
Innowomenweek-2024ning ikkinchi kuni mamlakatimiz so’lim go’shalaridan biri bo’lmish Piramida rezortda tashkillashtirildi. Tadbirda Koreya ixtirochi olimlar uyushmasi a’zolari, hamda, O’zbek olima ayollarining ilmiy ishlanmalari to’g’risidagi ma’ruzalar eshitildi. Jumladan Mikrobiologiya instituti professori Miralimova Shahlo Mirjamolovna “Probiotiklar va odam mikrobiomi” mavzusidagi qiziqarli ma’ruzasi bilan chiqish qilib, o‘z ilmiy ishlanmalarini namoyish qildi.
Koreya davlatidan ixtirochi ayollar uyushmasi vitse-prezidenti Yi Hae Yeon Shahlo Mirjamolovnaning ilmiy ishlanmalari bilan qiziqqan holda kelajakda birgalikda amalga oshirish mumkin bo‘lgan rejalar va hamkorliklar xususida qizg’in suhbat olib borishdi. O‘ylaymizki Koreya va O‘zbekiston olima ayollari o’rtasida yanada mustahkam aloqalar ta’minlanib ilm fanda ayollarning faolligi yanada rivojlanadi. Zero davlatimizda ayollarning ilm-fandagi o‘rni kundan-kunga barqarorlashib bormoqda.
Innowomenweek-2024 ayollarning ilmiy va biznesdagi o‘rnini ko‘rsatib beruvchi muhim tadbir bo‘ldi. Forum davomida ayollar uchun yangi imkoniyatlar va amaliy qo‘llab-quvvatlash mexanizmlarini yaratish masalalari ham muhokama qilindi. Mazkur forum ayollarning ilm-fan va biznes sohasidagi yutuqlari va kelajakdagi rejalari to‘g‘risida qimmatli ma'lumotlarni taqdim etdi va ularni ilhomlantiruvchi platformaga aylandi.

Bizni kuzatishda davom eting!

📌 Telegram|Facebook|Instagram|Youtubehttpshttp

#konferensiya
Kamoliddin Behzod nomidagi Milliy rassomlik va dizayn institutida “O‘zbekiston tasviriy va amaliy bezak san’atining dolzarb masalalari: nazariya va amaliyot” mavzusida Respublika ilmiy-amaliy konferensiyasi bo‘lib o‘tdi. Konferensiyada akademik, Ilm-fan targʻiboti markazi direktori Akbar Abdullayevich Xakimov oʻz ma’ruzasi bilan ishtirok etdi.

Telegram | Facebook | YouTube

#Monitoring

Fanlar akademiyasining 2024-yil 25-sentyabrdagi 21-97-sonli “Fanlar akademiyasi tizimida doktorantlar va mustaqil izlanuvchilar monitoringini oʻtkazish toʻgʻrisida”gi buyrugʻi ijrosini taʼminlash hamda Oʻzbekiston Respublikasi Vazirlar Mahkamasining 2017-yil 22-maydagi 304-sonli “Oliy taʼlimdan keyingi taʼlim tizimini yanada takomillashtirish chora-tadbirlari toʻgʻrisida”gi qarori bilan tasdiqlangan “Oliy taʼlimdan keyingi taʼlim toʻgʻrisida Nizom” talablarining amaldagi ijrosini nazoratga olish maqsadida 2024-yilning 2-oktyabridan Fanlar akademiyasi tasarrufidagi ilmiy tashkilotlarda tahsil olayotgan doktorantlar va tayanch doktorantlar faoliyati monitoringini oʻtkazish jarayonlari davom etmoqda. Fanlar akademiyasi Kimyo-biologiya yo'nalishida tahsil olayotgan doktarantlar bilan monitoring jarayonlari kecha o'z nihoyasiga yetdi. Bugundan ijtimoiy-gumanitar fanlar yo'nalishidagi ilmiy tashkilotlarimizda doktarantlar ilmiy faoliyatini monitoring qilish ishlari boshlandi. Jarayonlar davomida yosh olimlarning ilmiy faoliyatlari, dissertatsiyasi ustida olib borayotgan ishlari, uchrayotgan muammolari bilan yaqindan tanishish imkoni bo'lmoqda. Kamchiliklar va yutuqlar asnosidagi bu kabi suhbatlar doktarantlar uchun muhim ahamiyatga ega. Ilm-mashaqqatli yo'l! Bu yo'lda dalda ham kezi kelganda rejadan og'ishmay ishlash uchun koyish eshitish ham kerak bo'ladi. Zotan ertaning asosi bugun yaraladi!

Bizni kuzatishda davom eting!

📌 Telegram|Facebook|Instagram|Youtubehttpshttp