O'zbekiston ovozsiz filmlari Italiyada

Bugun Italiyaning Pardenon shahrida 43 -Ovozsiz kinolar xalqaro festivali o'z ishini boshladi.

Festival jahon bo'ylab ovozsiz filmlarga bag'ishlangan eng nufuzli va eng katta tarixga ega bo'lgan anjumanlardan biri bo'lib, unda dunyoning barcha mamlakatlarida suratga olingan ovozsiz filmlar namoyish etiladi. Shuningdek, anjuman doirasida turli dasturlar ko'rsatiladi.

Joriy yil anjumanga ilk marotaba maxsus dastur sifatida O'zbekiston ovozsiz filmlariga bag'ishlangan dastur ham tashkil etildi. Unda yettita o'zbek ovozsiz filmlar namoyish etiladi. Bular 1925-1935- yillarda suratga olingan o'zbek ovozsiz filmlar namoyishi ko'zda tutilgan.

Festival O'zbekiston madaniyat va san'atni rivojlantirish jamg'armasi homiyligida bo'lib o'tmoqda.

Bundan tashqari Markaziy Osiyoning birinch fotografi, operatori Xudaybergan Devonov kino merosi ham namoyish etiladi.

Festival doirasida o'zbek ovozsiz kinosiga bag'ishlangan ko'rgazma ekspozitsiyasi tashkil etildi. Ko'rgazma ekspozitsiyasida ikkita ovozsiz filmlar o'zbek an'anaviy musiqa ijrosi jo'rligida namoyish etiladi. Musiqa Abror Zufarov boshchiligidagi sozandalar ijrosida taqdim etiladi.

Dastur va ekspozitsiyasini san'atshunoslik fanlari doktori, professor Nigora Karimova G'aniyevna hamda O'zbekiston Kinofondi direktori Eljon Abbosov Shuhratovich hamkorlikda tayyorlagan.

Mazkur xalqaro kinofestival doirasida san'atshunoslik fanlari doktori, professor Nigora Karimova muallifligida katalog nashr etildi.
Bu katalog O'zbekiston kino san'atini jahonda targ'ib qilishda katta ahamiyatga ega.

Festival doirasida ilmiy simpozium ham bo'lib o'tadi.

Kinofestival 5-12-oktyabr kunlari Italiyaning Pardenon shahrida bo'lib o'tadi.

#akademik_tashrifi #Qahramon_Allayev

Joriy yilning 2-5 oktyabr kunlari Toshkent davlat texnika universiteti professori, texnika fanlari doktori, akademik Allayev Qahramon Rahimovich Qoraqalpog‘iston Respublikasining Kegeyli, Chimboy, Bo‘zatov tumanlarida joylashgan ixtisoslashtirilgan maktab-internatlarida pedagoglar jamoasi va o‘quvchilar bilan davra suhbati o‘tkazdi.

👉Batafsil