#E'tirof

"Ma'naviyat fidoyisi" ko'krak nishoni muborak!

Qalbimiz katta yo‘qotish og‘riqlari bilan kurashayotgan kunlarda ko‘nglimizga ozgina bo‘lsada yorug‘lik bag‘ishlaydigan yaxshi xabar ham eshitdik. Bugun O‘zbekiston Respublikasi davlat mustaqilligining o‘ttiz uch yilligi munosabati bilan Respublika Ma'naviyat va ma'rifat markazi tomonidan mamlakatimizda ma’naviy-ma’rifiy ishlarni amalga oshirgan, yuksak ijtimoiy-ma’naviy muhitni shakllantirish borasida fidokorona mehnat qilgan va samarali natijalarga erishgan, shuningdek, yosh avlodni Vatanga muhabbat va sadoqat, milliy va umuminsoniy qadriyatlarga hurmat ruhida tarbiyalash yo‘lidagi ibratli faoliyati hamda jamoat ishlaridagi faol ishtiroki uchun bir qancha yurtdoshlarimiz "Ma'naviyat fidoyisi" ko‘krak nishoni bilan taqdirlanadi. Ular orasida Fanlar akademiyasi Ijtimoiy-gumanitar fanlar bo‘limi boshlig‘i Nodira Mustafayeva ham bor. Bu e’tibor va e’tirofdan ko‘nglimiz yuksaldi. Fanlar akademiyasi nomidan sizni go‘zal e’tirof bilan muborakbod etamiz. Doim ilm va ma’naviyat ziyosini tarqatishdan tolmang deymiz. Taqdirlanganlar orasida Fanlar akademiyasi Axborot xizmatining yaqin hamkori “O’zbekiston tarixi” telekanali direktori Shuhrat Hayitov ham borligini eshitib quvondik. Olimlar, ziyolilarga minbar berib, ilm-fan, ma’naviyat targ‘ibotida sobitlik ila xizmat qilayotgan Shuhrat Hayitovni ham tabriklaymiz! Yaxshiliklar yor bo‘lsin!

Bizni kuzatishda davom eting!

📌 Telegram|Facebook|Instagram|Youtubehttpshttp