🔴Xalqaro hamkorlik

🇺🇿🇹🇷Xabaringiz bor, yaqinda Istanbul shahrida bo'lib o'tgan Turkiya-O’zbekiston uchinchi ta’lim forumi davomida Aniq va ijtimoiy fanlar universiteti Turkiyaning 7 ta nufuzli universitetlari bilan hamkorlik qilish bo'yicha kelishuvga erishgan edi. Ushbu hamkorlik davomi o'laroq, bugun universitetimizga Turkiyaning Uşak universiteti rektori Prof. Dr. Ekrem SAVAŞ tashrif buyurdi.

Ushbu tashrif davomida quyidagi yo'nalishlarda hamkorlikni rivojlantirish bo'yicha aniq kelishuvlar rejalashtirildi:

- Professor-o'qituvchilar almashinuvi dasturlarini yo'lga qo'yish;
- Qo'shma ta'lim dasturlari bo'yicha 1+1 ta'lim shakli bo'yicha magistrlar va 2+2 ta'lim shakli bo'yicha bakalavrlar talabalar almashinuvi dasturlarini yo'lga qo'yish;
- Ilmiy tadqiqot loyihalarini amalga oshirish;
- Magistr va PhD talabalarning ilmiy ishlariga birgalikda rahbarlik qilish;
- Ilmiy konferensiyalar tashkil etish;

Bunday xalqaro hamkorliklar talabalarimiz uchun keng imkoniyatlar yaratadi!

📶AIFU telegram kanali

#seminar

🔴Frilanserlik - bu kelajak kasbi seminari bo'lib o'tdi

👍 Aniq va ijtimoiy fanlar universitetida Raqamli texnologiyalar vazirligi huzuridagi Raqamli iqtisodiyot tadqiqotlari markazi mutaxassislari Dilshod Sagatov, Fazliddin Tojiboyevlar universitet talabalari uchun frilanserlik bo‘yicha masterklass o‘tkazishdi. Unda talabalar frilanserlikning sir-asrorlari, bozor talablari, imkoniyatlar va muvaffaqiyatga erishish yo‘llari haqida qimmatli ma’lumotlarga ega bo‘lishdi.

Seminar so'ngida faol talabalar esdalik sovg'alar bilan taqdirlandilar! Seminardan foto lavhalar📸📸


📶AIFU telegram kanali

🔴Aniq va ijtimoiy fanlar universiteti va Qatag‘on qurbonlari muzeyi o'rtasida hamkorlik shartnomasi imzolandi.

Talabalarimizni O‘zbekistonning boy tarixi va madaniy merosi bilan yanada chuqurroq tanishtirish, ularda ilmiy va nazariy dunyoqarashni shakllantirish hamda milliy g‘urur va iftixor tuyg‘ularini kuchaytirish maqsadida, Aniq va ijtimoiy fanlar universiteti va Qatag‘on qurbonlari muzeyi o'rtasida hamkorlik shartnomasi imzolandi.

Ushbu kelishuv ilmiy-tadqiqot va ma'naviy-ma'rifiy sohalarda faoliyatlarni birgalikda amalga oshirishni ko‘zda tutadi.

Mazkur shartnoma asosida tomonlar birgalikda ilmiy-amaliy seminarlar, ma'naviy-ma'rifiy tadbirlar va boshqa qo‘shma tadbirlar o‘tkazadi.

Bu hamkorlik kelishuvi yoshlarimizni Vatanimiz tarixiga oid bilimlarini boyitishga, ularni ma'naviy va intellektual jihatdan rivojlantirishga katta hissa qo‘shadi. Universitetimiz va muzey o‘rtasidagi bu hamkorlik milliy madaniyatimizni targ‘ib qilish va yosh avlodni tarbiyalashda muhim qadam bo‘lib xizmat qiladi.

📶AIFU telegram kanali